रविवार, 6 सप्टेंबर 2026
BLA Hakkal Video: २५ पाकिस्तानी सैनिकांना ठार मारून 'ॲक्शन' व्हिडिओ रीलीज! BLA चे असिम मुनीर यांना उघड आव्हान ( फोटो सौजन्य : सोशल मीडिया )
पाकिस्तानचा सर्वात मोठा परंतु मागासलेला आणि अशांत प्रांत असलेल्या बलुचिस्तानमध्ये हिंसाचाराचा भीषण भडका उडाला आहे. बलुच स्वातंत्र्यासाठी लढणाऱ्या ‘बलुचिस्तान लिबरेशन आर्मी’ (BLA) या बंडखोर संघटनेने गुरुवारी आणि शुक्रवारी दोन मोठे समन्वित हल्ले घडवून आणत पाकिस्तानच्या तब्बल २५ लष्करी जवानांना ठार केल्याचा खळबळजनक दावा केला आहे. या भीषण हल्ल्यानंतर BLA (BLA Hakkal Video) ने थेट व्हिडिओ जारी करून पाकिस्तानी लष्कराची उघडी पडलेली सुरक्षा यंत्रणा जगासमोर आणली आहे, ज्यामुळे लष्करप्रमुख जनरल असिम मुनीर यांच्या नेतृत्वावर मोठे प्रश्नचिन्ह उपस्थित झाले आहे.
बंडखोर संघटनेने दिलेल्या माहितीनुसार, पहिला आणि सर्वात भीषण हल्ला ‘झियारत क्रॉस’जवळ पाकिस्तानी लष्कराच्या ताफ्यावर करण्यात आला. BLA च्या अत्यंत घातक मानल्या जाणाऱ्या ‘फतेह स्क्वॉड’च्या (Fateh Squad) बंडखोरांनी सैन्याच्या ताफ्याला घेरून अचानक अंधाधुंध गोळीबार आणि स्फोट केले. या आंबुश (Ambush) हल्ल्यात लष्कराचा एक मोठा ट्रक आणि आणखी एक वाहन पूर्णपणे जळून खाक झाले. या एकाच हल्ल्यात १८ पाकिस्तानी सैनिकांचा जागीच मृत्यू झाला, तर पाच सैनिक गंभीर जखमी अवस्थेत पळून जाण्यात यशस्वी झाले.
जागतिक घडामोडी संबंधित बातम्या वाचण्यासाठी येथे क्लिक करा : US Iran War: इराणची मुजोरी मोडली! अमेरिकेने डागली क्षेपणास्त्रे; 3 इराणी तेलवाहू जहाजे समुद्रात भस्मसात, ओमानच्या आखातात थरार
हल्ल्याच्या काही तासांतच BLA च्या ‘हक्काल’ (Hakkal) या अधिकृत मीडिया शाखेने सोशल मीडियावर एक मिनिट ११ सेकंदांचा थरारक व्हिडिओ जारी केला. एखाद्या सिनेमॅटिक शैलीत तयार केलेल्या या व्हिडिओमध्ये आगीच्या ज्वाळांमध्ये वेढलेली पाकिस्तानी लष्कराची वाहने, जमिनीवर पसरलेले जवानांचे मृतदेह आणि BLA चे सशस्त्र बंडखोर अगदी जवळ उभे असलेले स्पष्ट दिसत आहेत. व्हिडिओच्या दुसऱ्या भागात बंडखोर निष्प्रभ झालेल्या लष्करी वाहनांमधून रायफल्स, दारूगोळा आणि आधुनिक शस्त्रास्त्रे जप्त करताना दिसत आहेत.
📍 Ziarat Ambush, Balochistan. BLA releases videos of Ziarat attack on Pak army convoy. More than 25 pak army’s foot soldiers killed while big generals enjoy their luxurious life in DHA. BLA warns more attacks. pic.twitter.com/nyo1tIeOpg — Sagar STORM🔳 (@AlexAllone1) September 5, 2026
credit – social media and Twitter
झियारत क्रॉस येथील हल्ल्यानंतर लगेचच BLA च्या ‘स्पेशल टॅक्टिकल ऑपरेशन्स स्क्वॉड’ने (STOS) सुरबच्या हाजिका भागात दुसरी मोठी कारवाई केली. येथे बंडखोरांनी रिमोट-कंट्रोलद्वारे स्फोटकांनी भरलेल्या वाहनाचा भीषण स्फोट घडवून आणला. या आयइडी (IED) स्फोटात लष्कराचे आणखी एक वाहन नष्ट झाले आणि ७ सैनिकांचा मृत्यू झाला. दोन्ही हल्ले मिळून एकूण २५ सैनिक ठार झाल्याची पुष्टी BLA चे प्रवक्ते जीयंद बलुच यांनी केली आहे.
जागतिक घडामोडी संबंधित बातम्या वाचण्यासाठी येथे क्लिक करा : Russia-Ukraine War: कीव, मॉस्कोचे हल्ले थांबले! पुतिन यांनी घेतली ट्रम्पच्या दूतांची भेट; वॉशिंग्टनला दिला ‘हा’ महत्त्वाचा संदेश
या भीषण पराभवानंतर पाकिस्तानी लष्कराने किंवा प्रशासनाने अधिकृतपणे सैनिकांच्या मृत्यूची आकडेवारी जाहीर केलेली नाही. मात्र, सोशल मीडियावर स्थानिक पत्रकारांनी पोस्ट केलेल्या व्हिडिओनुसार, ठार झालेल्या सैनिकांचे मृतदेह रात्रीच्या अंधारात गुप्तपणे त्यांच्या मूळ गावी पाठवले जात असल्याचे समोर आले आहे. या अपमानास्पद हल्ल्याला प्रत्युत्तर म्हणून पाकिस्तानी सैन्याने मस्तुंग, सिबी, क्वेट्टा आणि कलात जिल्ह्यांमध्ये व्यापक कॉर्डन-अँड-सर्च ऑपरेशन्स (Cordon and Search) सुरू केले. या कारवाईत सुमारे ५० बंडखोरांना कंठस्नान घातल्याचा दावा पाकिस्तानी लष्कराकडून करण्यात आला आहे.
बलुचिस्तानमध्ये गेल्या अनेक दशकांपासून केंद्र सरकार आणि लष्कराविरुद्ध बंडखोरी सुरू आहे. नैसर्गिक संसाधनांची लूट, स्थानिक बलुच नागरिकांवर होणारे मानवाधिकार उल्लंघन आणि ‘सक्तीने बेपत्ता करणे’ (Enforced Disappearances) याविरोधात BLA सह अनेक संघटना सशस्त्र लढा देत आहेत. या वर्षाच्या सुरुवातीला ‘ऑपरेशन हेरॉफ’च्या माध्यमातून BLA ने अनेक महामार्ग आणि रेल्वे स्थानके ठप्प केली होती. आता ताज्या व्हिडिओ आणि हल्ल्यांमुळे बलुचिस्तानमधील लष्कराचे नियंत्रण सुटत असल्याचे चित्र स्पष्ट होत आहे.
