जपानच्या हद्दीत पडली चीनची पाच बॅलेस्टिक क्षेपणास्त्रे, ड्रॅगनचा उन्माद सर्व मर्यादा ओलांडणार का?

चीन तैवानभोवती आतापर्यंतचा सर्वात मोठा लष्करी सराव करत आहे. चीनने तैवानवर आपला दावा सांगितला आहे आणि त्यावर ताबा मिळवणार असल्याचेही सांगितले आहे आणि त्यासाठी गरज पडल्यास तो बळाचा वापरही करू शकतो. नॅन्सी पेलोसीच्या तैवानच्या भेटीनंतर, ज्या बीजिंगच्या अनेक इशाऱ्यांनंतर मंगळवारी तैपेई येथे पोहोचल्या होत्या त्यानंतर हा लष्करी सराव सुरु झाला आहे.

टोकियो : चीनच्या लष्कराने (China Army) डागलेली पाच बॅलेस्टिक क्षेपणास्त्रे (Five Ballistic Missiles) आपल्या हद्दीत पडल्याचे जपानने म्हटले आहे. अमेरिकन संसदेच्या अध्यक्षा नॅन्सी पेलोसी (US House Speaker Nancy Pelosi) यांच्या तैवान (Taiwan) भेटीच्या निषेधार्थ चीन तैवानभोवती आपला फास अधिक घट्ट करत चार दिवस लष्करी सराव करत आहे.

गुरुवारी, जपानच्या सरकारने सांगितले की चीनच्या सैन्याने प्रक्षेपित केलेली पाच बॅलिस्टिक क्षेपणास्त्रे जपानच्या विशेष आर्थिक क्षेत्रात (EEZ) पडली आहेत. जपानने या कारवाईचा निषेध केला आहे. चीनी सैन्याची बॅलेस्टिक क्षेपणास्त्रे जपानच्या पाण्यात पडण्याची ही पहिलीच वेळ असल्याचे जपानचे संरक्षण मंत्री नोबुओ किशी (Japanese Defense Minister Nobuo Kishi) यांनी म्हटले आहे.

क्योडो न्यूजनुसार, “हा एक गंभीर मुद्दा आहे ज्यामुळे आपल्या देशाच्या आणि लोकांच्या सुरक्षेची चिंता निर्माण झाली आहे,” असे किशी यांनी नमूद केले. जपान सरकारनेही चीन सरकारकडे राजकीय निषेध नोंदवला आहे. जपानच्या दक्षिणेकडील बेट ओकिनावाचे काही भाग तैवानच्या जवळ आहेत. EEZ जपानच्या प्रादेशिक पाण्याच्या पलीकडे किनारपट्टीपासून २०० सागरी मैलांवर पसरलेला आहे. किशी म्हणाले की, जपानचा अंदाज आहे की चीनने नऊ क्षेपणास्त्रे डागली होती, त्यापैकी पाच जपानी हद्दीत पडली.

‘अमेरिकेला घाबरत नाही : चीन’

चीन तैवानभोवती आतापर्यंतचा सर्वात मोठा लष्करी सराव करत आहे. चीनने तैवानवर आपला दावा सांगितला आहे आणि त्यावर ताबा मिळवणार असल्याचेही सांगितले आहे आणि त्यासाठी गरज पडल्यास तो बळाचा वापरही करू शकतो. नॅन्सी पेलोसीच्या तैवानच्या भेटीनंतर, ज्या बीजिंगच्या अनेक इशाऱ्यांनंतर मंगळवारी तैपेई येथे पोहोचल्या होत्या त्यानंतर हा लष्करी सराव सुरु झाला आहे. बुधवारी त्यांनी तैवानचे राष्ट्राध्यक्ष त्साई इंग वेन यांच्यासमवेत संसदेला भेट दिली आणि अमेरिका चीनला घाबरत नसल्याचे आपल्या भाषणात स्पष्ट केले.

चीनी क्षेपणास्त्रे तैवानवरून जात आहेत

चीनने गुरुवारी जारी केलेल्या निवेदनात म्हटले आहे की, शेजारील देशाच्या आजूबाजूच्या सहा भागात आपले नौदल, हवाई दल आणि इतर सैन्याचे लष्करी सराव सुरू आहेत. चीनच्या सरकारी शिन्हुआ या वृत्तसंस्थेने सांगितले की, “नाकेबंदी, सागरी लक्ष्यांवर हल्ले, जमिनीवरील लक्ष्यांवर हल्ला आणि हवाई क्षेत्र नियंत्रण” यावर लक्ष केंद्रित केलेल्या हा सराव संयुक्त ऑपरेशन होते.

गुरुवारी सुरू झालेला सराव रविवारपर्यंत सुरू राहणार आहे. ग्लोबल टाइम्सच्या मते, ही युक्ती एक विलक्षण युक्ती आहे ज्यामध्ये पारंपारिक क्षेपणास्त्रे प्रथमच तैवानवरून पार होतील. त्याच बरोबर, पीएलए सैन्य तैवानच्या सागरी सीमेत १२ नॉटिकल मैल किंवा २२ किलोमीटरपर्यंत प्रवेश करेल.