LeT Terrorist Abu Hashim: हाफिज सईदच्या जवळचा साथीदार अबू हाशिमचा लाहोरमध्ये गूढ मृत्यू; इमारतीच्या चौथ्या मजल्यावरून पडला

दीर्घकाळापासून लाहोरमध्ये लश्करच्या कारवायांची सूत्रे अबू हाशिमच्या हातात होती. संघटनेच्या अंतर्गत निर्णय प्रक्रियेत आणि रणनीती आखण्यात त्याची भूमिका महत्त्वाची मानली जात असे.

जागतिक घडामोडी संबंधित बातम्या वाचण्यासाठी येथे क्लिक करा : VIDEO VIRAL: कॅमेऱ्यासमोर घडला थरार! ‘एक दिवस सर्वांना जायचे आहे’ असे धर्मगुरूनी सांगताच क्रूस अंगावर पडला आणि…

अमेरिकेकडून २०१६ मध्ये आंतरराष्ट्रीय दहशतवादी घोषित

अबू हाशिमच्या भारतविरोधी आणि जागतिक शांततेला घातक असणाऱ्या कारवायांची दखल घेत अमेरिकेच्या ट्रेझरी विभागाने २०१६ मध्ये त्याच्यावर कडक निर्बंध लादले होते. अमेरिकेने त्याला अधिकृतपणे जागतिक दहशतवादी म्हणून घोषित केले होते. त्यावेळी तो लश्कर-ए-तोयबाच्या लाहोर विभागाचा प्रमुख म्हणून कार्यरत होता.

अमेरिकन प्रशासनाने अबू हाशिम आणि लश्करचा आणखी एक वरिष्ठ नेता शाहिद महमूद यांच्याशी संबंधित आर्थिक मालमत्ता गोठवण्याचा ऐतिहासिक निर्णय घेतला होता. या कारवाईचा मुख्य उद्देश लश्कर-ए-तोयबाच्या निधी उभारणीच्या आंतरराष्ट्रीय जाळ्याचे कंबरडे मोडणे हा होता.

US-designated global terrorist Chaudhry Mohammad Sarwar alias Abu Hashim, A founding member of Lashkar-e-Taiba and close aide of Hafiz Saeed, died after a mysterious fall down the stairs at Lahore’s Markaz Qadsia. 🇵🇰 https://t.co/BE6MGOr8NI — Defence Core (@Defencecore) October 19, 2026

credit – social media and Twitter

राजकीय बुरखा आणि पीएमएमएलची अस्पष्ट भूमिका

पाकिस्तानमध्ये दहशतवादी संघटनांवर आंतरराष्ट्रीय दबाव वाढल्यानंतर, लश्कर आणि जमात-उद-दावाने आपली नवी राजकीय शाखा म्हणून ‘पाकिस्तान मरकझी मुस्लिम लीग’ (PMML) ची स्थापना केली होती. अबू हाशिम हा या राजकीय पक्षाच्या पंजाब युनिटचा अध्यक्ष म्हणून कार्यरत होता.

पीएमएमएलच्या प्रवक्त्याने अबू हाशिमच्या मृत्यूच्या बातमीला अधिकृतपणे दुजोरा दिला आहे. मात्र, पक्षाकडून देण्यात आलेल्या स्पष्टीकरणात विसंगती दिसून येत आहे. पक्षाच्या दाव्यानुसार, तो नमाज अदा करण्यासाठी घरातून मशिदीकडे जात असताना अचानक कोसळला. परंतु, प्रत्यक्ष घटनास्थळावरून आणि प्रसारमाध्यमांच्या अहवालांनुसार, तो इमारतीच्या चौथ्या मजल्यावरून खाली पडल्याचे निष्पन्न झाले आहे. या परस्परविरोधी माहितीमुळे त्याच्या मृत्यूभोवतीचे संशयाचे जाळे अधिकच गडद झाले आहे.

जागतिक घडामोडी संबंधित बातम्या वाचण्यासाठी येथे क्लिक करा : US-India Trade Deal: ‘आम्ही कराराच्या अगदी जवळ…’ अमेरिकेच्या परराष्ट्र सचिव मार्को रुबियो यांचे भारताबद्दल मोठे सूचक विधान

पाकिस्तानात दहशतवाद्यांच्या गूढ मृत्यूंची मालिका

२०१९ पासून हाफिज सईद हा लाहोरच्या कोट लखपत तुरुंगात बंदिस्त आहे. दहशतवादाला निधी पुरवल्याच्या (Terror Financing) अनेक प्रकरणात त्याला पाकिस्तानच्या न्यायालयाने सजा सुनावली आहे. हाफिज सईद तुरुंगात असतानाच त्याच्या एका अत्यंत महत्त्वाच्या साथीदाराचा अशा प्रकारे अंत होणे, पाकिस्तानातील गुप्तचर संस्था आणि दहशतवादी गटांमधील अंतर्गत संघर्षाकडे इशारा करते.

अशा प्रकारचा संशयास्पद मृत्यू होण्याची पाकिस्तानात ही पहिलीच वेळ नाही. यापूर्वी २०१६ मध्ये बनावट भारतीय नोटांच्या नेटवर्कचा मुख्य सूत्रधार असलेला जावेद खाननी याचाही कराचीमधील एका बांधकामाधीन इमारतीवरून पडून असाच गूढ मृत्यू झाला होता. त्यामुळे अबू हाशिमच्या या मृत्यूबद्दल आंतरराष्ट्रीय पातळीवर विविध तर्कवितर्क लावले जात आहेत.