‘धन्यवाद मित्रा…’, ७५ व्या वाढदिवसानिमित्त पुतिन यांचा PM मोदींना खास फोन; भारत-रशिया धोरणात्मक भागीदारी दृढ करण्यावर चर्चा

PM Modi and Putin Call : रशियाचे राष्ट्राध्य व्लादिमिर पुतिन यांनी पंतप्रधान नरेंद्र मोदींना खास फोन करुन शुभेच्छा दिल्या आहेत. यावरुन भारत आणि रशियाचे संबंध, तसेच पुतिन आणि मोदींची मैत्री किती दृढ आहे हे दिसून येते.

• पुतनि यांनी खास फोनवरुन दिल्या पंतप्रधान मोदींना वाढदिवसाच्या शुभेच्छा
• भारत रशियातील धोरणात्मक भागीदारी बळकट करण्याच्या वचनाचा पुनरुच्चार
• रशिया युक्रेन युद्धावर शांततेने चर्चा करण्याचा आणि भारताच्या पाठिंब्याचा उल्लेख

Vladimir Putin call PM Modi : मॉस्को/नवी दिल्ली : भारताचे पंतप्रधान नरेंद्र मोदी (Narendra Modi) यांनी आज ७५ वाढदिवस साजरा केला. या निमित्ताने त्यांना केवळ देशातूनच नव्हे, तर जगभरातून शुभेच्छा मिळाल्या. अमेरिकेचे राष्ट्राध्यक्ष डोनाल्ड ट्रम्प (Donald Trump) यांच्यापासून ते इस्रायलचे पंतप्रधान बेंजामिन नेतन्याहून (Benjamin Netanyahu) अशा अनेक जागतिक नेत्यांनी पंतप्रधान मोदींना वाढदिवसाच्या शुभेच्छा दिल्या विशेष म्हणजे रशियाचे अध्यक्ष व्लादिमिर पुतिन यांनी सोशल मीडियावरुन शुभेच्छा न देता खास फोनवरुन शुभेच्छा दिल्या. यावेळी दोन्ही नेत्यांमध्ये अनेक महत्त्वाच्या मुद्यांवर चर्चा झाली.

पंतप्रधान नरेंद्र मोदी यांनी सोशल मिडिया प्लॅटफॉर्म एक्सवरुन या संदर्भात माहिती दिली. यापोस्टमध्ये त्यांनी म्हटले की, माझे मित्र, रशियाचे राष्ट्राध्यक्ष व्लादिमिर पुतिन (Vladimir Putin)  यांनी मला वाढदिवसानिमित्त फोन करुन शुभेच्छा दिल्या. त्याबद्दल मी त्यांचे आभार मानतो. आम्ही भारत आणि रशियातील संबंध विशेष आणि धोरणात्मक भागीदारी अधिक दृढ करण्यासाठीच्या वचनबद्धतेचा पुनरुच्चार केला. तसेच भारत रशिया युक्रेन संघर्षात शांतते समस्या सोडवण्यासाठी सदैव मदत करेल असे पंतप्रधान मोदींनी म्हटले.

PM Modi @75: पंतप्रधान मोदींवर जगभरातून शुभेच्छांचा वर्षाव; ‘या’ महासत्ता अन् जागतिक नेत्यांमध्येही Modi Craze

See more

Thank you, my friend, President Putin, for your phone call and warm wishes on my 75th birthday. We are committed to further strengthening our Special and Privileged Strategic Partnership. India is ready to make all possible contributions towards a peaceful resolution of the… — Narendra Modi (@narendramodi) September 17, 2025

भारत रशिया संबंध

तसेच रशियाच्या क्रेमलिनने देखील पंतप्रधान मोदींच्या वाढदिवसानिमित्त एक संदेश अधिकृत जाहीर केला. यामध्ये पुतिन यांनी पंतप्रधान मोदींच्या भूमिकेची प्रशंसा केली. तसेच त्यांनी भारत आणि रशियाचे धोरणात्मक संबंध अधिक बळकट करण्यावर भर दिला. दोन्ही देशात विविध क्षेत्रातील सहकार्य वृद्धिंगत करण्यासाठी भारताचे मोलाचे योगदान असल्याचे त्यांनी म्हटले.

पंतप्रधान मोदी आणि पुतिन यांची भेट

गेल्या महिन्यात पंतप्रधान मोदी आणि रशियाचे अध्यक्ष पुतिन यांची चीनमध्ये तियानजिन येथे शांघाय सहकार्य संघटना (SCO) शिखर परिषदेत भेट झाली होती. यावेळी दोन्ही नेते पुतिन यांच्या गाडीतून भेटीनंतर एकत्र चर्चेसाठी गेले, दोन्ही नेत्यांमध्ये ४० मिनिटे गाडीत गुप्त चर्चा देखील झाला. या भेटीची आंतरराष्ट्रीय स्तरावर चर्चा रंगली होती. यामुळे दोन्ही नेत्यांना जागतिक स्तरावर किती महत्त्व दिले जात हे स्पष्ट झाले. जगभरातील नेत्यांकडून मिळालेल्या शुभेच्छांकडे महत्त्वपूर्ण घडामोड म्हणून पाहिले जात आहे. यामुळे भारताचे जागतिक राजकारणात आणि पंतप्रधान मोदींचे आंतरराष्ट्रीय नेतृत्त्व अधोरेखित झाले आहे.

modi @75 : Thank You माझ्या मित्रा… ट्रम्प यांनी मोदींना वाढदिवसानिमित्त दिल्या शुभेच्छा; पंतप्रधानांनीही दिले ‘असे’ उत्तर