सोमवार, 12 ऑक्टोबर 2026
फोटो सौजन्य सोशल मीडिया
या भीषण हल्ल्यामुळे मृतांच्या संख्येवर वेगवेगळे दावे समोर येत आहेत . सुदानमधील मानवाधिकार संघटना इमर्जन्सी लॉयर्स ने सुरवातीला किमान ७२ नागरिकांचा मृत्यू झाल्याचे म्हंटले आहे . तर सुदान ट्रिब्यूनच्या बातमीनुसार घटनास्थळावरील बचावलेल्या कामगारांनी मृतांचा आकडा २०० पेक्षा जास्त असल्याचे सांगितले आहे .
सुदान डॉक्टर्स नेटवर्कने सुरवातीला १३ मृत्यू आणि २८ जखमींची माहिती दिली होती . त्यामुळे १६० हून अधिक मृत्यूंच्या वृत्ताची स्वतंत्रपणे खात्री झालेली नाही . दुर्गम भाग आणि अपुऱ्या वैद्यकीय सुविधांमुळे बचावकार्य तसेच मृतांची निश्चित संख्या समोर आणण्यात अडचणी येत आहेत .
सुदानमध्ये एप्रिल २०२३ पासून लष्कर आणि निमलष्करी दल रॅपिड सपोर्ट फोर्सेस ( RSF ) यांच्यात संघर्ष सुरु आहे . या युद्धामुळे देशाची अर्थव्यवस्था पूर्णपणे कोलमडली असून , लोकांमध्ये गरिबीचे प्रमाण वाढत चालले आहे . लाखो नागरिकांना रोजगार आणि उदरनिर्वाहासाठी संघर्ष करावा लागत आहे . सोन्याच्या खाणकामातून मिळणारे उत्पन्न हा अनेकांसाठी जगण्याचा आधार बनला आहे .
मात्र सोन्याच्या व्यापारावरून तणाव आणि संघर्ष वाढत असल्याचे चित्र आहे . ताज्या हवाई हल्ल्यामुळे सीमावर्ती भागात नागरिकांमध्ये प्रचंड भीतीचे वातावरण निर्माण झाले आहे . युद्धात भरडल्या जाणाऱ्या सामान्य नागरिकांना आता कामधंद्याच्या ठिकाणीही आपला जीव गमवावा लागत आहे . या सगळ्या प्रकाराबद्दल आंतरराष्ट्रीय स्तरावर चिंता व्यक्त होत असली तरी यावर ठोस उपाय काढण्याचे पाऊल पडताना सध्या तरी दिसत नाही . ज्याच्याकडे पैसा आहे पॉवर आहे तेच लोकं आपल्या सुरक्षिततेची आणि चांगल्या जीवनाची सैर करत आहेत .
हल्ला झालेला भाग हा इजिप्त आणि सुदान यांच्यातील वादग्रस्त सीमावर्ती प्रदेशाजवळ आहे . खासकरून हालाईब त्रिकोणावर दोन्ही देश दावा करतात . त्यामुळे या भागातील नैसर्गिक साधनसंपत्तीवर नियंत्रण मिळवण्याचाही मुद्दा यांच्यातील भांडणाचे कारण आहे . इजिप्तने जून २०२६ मध्येही याच परिसरात बेकायदेशीर खाणकाम आणि तस्करीविरोधात लष्करी कारवाई केली होती .
त्यावेळी २२३ जणांना ताब्यात घेतल्याचे जाहीर करण्यात आले होते .तसेच सुदान आणि इजिप्तच्या सीमावर्ती भागात सोन्याचे खूप मोठे साठे आहेत . परवानगीशिवाय हजारो कामगार या भागात खाणकाम करत असल्याचा इजिप्तचा आक्षेप आहे .म्हणजेच हा केवळ हवाई हल्ल्याचा विषय नाही तर सोन्याचे साठे , तस्करी आणि सीमावर्ती भूभागाचे नियंत्रण यांचा गुंतागुंतीचा संघर्ष आहे .
