जी भीती होती ते अखेर घडलेच! आधी खाली पाडले आणि नंतर रक्तस्त्राव… ; रोबोटचा टेस्ला कर्मचाऱ्यावर हल्ला

अनेक हॉलिवूड साय-फाय चित्रपटांमध्ये रोबोटला खलनायक दाखवण्यात आले आहे. या चित्रपटांमध्ये रोबोट संपूर्ण जगाचा ताबा घेतात. मग मानव जातीला वाचवण्यासाठी काही शूर लोक त्यांच्याशी लढतात आणि जगाला वाचवतात. चित्रपटात हे सगळं बघून खूप छान वाटतं.

अनेक हॉलिवूड साय-फाय चित्रपटांमध्ये रोबोटला खलनायक दाखवण्यात आले आहे. या चित्रपटांमध्ये रोबोट संपूर्ण जगाचा ताबा घेतात. मग मानव जातीला वाचवण्यासाठी काही शूर लोक त्यांच्याशी लढतात आणि जगाला वाचवतात. चित्रपटात हे सगळं बघून खूप छान वाटतं. पण, असे काही कोणा बाबतीत प्रत्यक्षात घडले तर? एक रोबोट तुमच्यावर हल्ला करतो. ते तुम्हाला मारहाण करतात आणि तुम्हाला रक्तबंबाळ देखील करतात. हे खरोखरच घडले आहे. तेही प्रख्यात ई-कार निर्माता टेस्लाच्या कारखान्यात! टेस्लाच्या एका कर्मचाऱ्यावर रोबोटने हल्ला केला आणि त्याचे रक्त वाहू लागले. कंपनी दोन वर्षांपासून ही घटना दाबण्याचा प्रयत्न करत होती.

टेस्ला सॉफ्टवेअर इंजिनिअरवर रोबोटचा हल्ला
टेस्लाच्या एका सॉफ्टवेअर इंजिनीअरसोबत हा अपघात झाला. हा अपघात २०२१ मध्ये झाला होता. पण, ही माहिती नुकतीच समोर आली आहे. मनी कंट्रोलच्या अहवालानुसार, हा अभियंता ऑस्टिन, टेक्सास येथील टेस्लाच्या कारखान्यात काम करत होता. दरम्यान, एका बिघडलेल्या रोबोटने त्याच्यावर हल्ला केला. एका प्रत्यक्षदर्शीने इमर्जन्सी स्टॉप बटण दाबले आणि त्याचा जीव वाचला.

रोबोटने त्याचे हात आणि पाठ घट्ट पकडली होती
प्रत्यक्षदर्शींच्या म्हणण्यानुसार, हा अभियंता रोबोट नियंत्रित करण्यासाठी सॉफ्टवेअर प्रोग्रामिंग करत होता. त्यावर काम करता यावे म्हणून त्यांनी दोन अॅल्युमिनियम कटिंग रोबो ‘डिसेबल’ केले होते. पण चुकून तिसरा रोबो डिसेबल्ड होऊ शकला नाही. याने अभियंत्यावर हल्ला करून त्याला जमिनीवर फेकले. यानंतर त्याचे हात आणि पाठ घट्ट पकडण्यात आली. त्याला रक्तस्त्राव सुरू झाला. हे पाहून तेथे उपस्थित असलेल्या कर्मचाऱ्याने इमर्जन्सी स्टॉपचे बटण दाबले. त्यानंतरच अभियंता स्वत:ला रोबोटच्या पकडीतून सोडवू शकला.

अभियंता बाहेर धावला तेव्हा रक्तबंबाळ अवस्थेत होता 
तेथे उपस्थित कर्मचाऱ्यांनी सांगितले की, रोबोटच्या तावडीतून सुटल्यानंतर अभियंता बाहेर धावला तेव्हा तो रक्तबंबाळ अवस्थेत होता . या घटनेची माहिती ट्रॅव्हिस काउंटीचे अधिकारी आणि आरोग्य संस्थांना देण्यात आली. त्याची प्रत बाहेर आली आहे. त्यानुसार अभियंत्याच्या अंगावर उघड्या जखमा होत्या, त्या कशाने तरी कापल्या गेल्या होत्या, असे त्यात नमूद केले आहे.

टेस्लाकडून प्रकरण दाबण्याचा प्रकार
मात्र, या अहवालावर टेस्लाने अद्याप कोणतीही प्रतिक्रिया दिलेली नाही. परंतु, यूएस हेल्थ अँड सेफ्टी अॅडमिनिस्ट्रेशनला सादर केलेल्या अहवालानुसार, टेस्लाच्या टेक्सास कारखान्यातील प्रत्येक 21 कर्मचाऱ्यांपैकी 1 कर्मचारी गेल्या वर्षभरात कोणत्या ना कोणत्या कारणाने जखमी झाला आहे.