Ishaq Dar : महासत्तेचा 'इगो' अन् इराणचा 'स्वाभिमान'! इस्लामाबादमधील शांतता चर्चेचा फज्जा; पाकिस्तानची मोठी प्रतिक्रिया ( फोटो सौजन्य : सोशल मीडिया )
Ishaq Dar reaction on US Iran talks 2026 : जागतिक शांततेच्या दृष्टीने अत्यंत महत्त्वाची मानली जाणारी ‘इस्लामाबाद शांतता चर्चा’ अखेर निष्फळ ठरली आहे. अमेरिका आणि इराणमधील तणाव (US-Israel Iran War) कमी करण्यासाठी पाकिस्तानने मध्यस्थीचे सर्वतोपरी प्रयत्न केले, परंतु अमेरिकेच्या ‘न भूतो न भविष्यति’ अशा अटींमुळे हा संवाद कोणत्याही ठोस निर्णयाशिवाय संपला. या चर्चेच्या अपयशानंतर आता पश्चिम आशियात पुन्हा एकदा युद्धाचे ढग दाटले असून, जागतिक बाजारपेठेत चिंतेचे वातावरण आहे.
चर्चा अयशस्वी झाल्याच्या वृत्तावर पाकिस्तानचे परराष्ट्र मंत्री इशाक दार यांनी आपली पहिली अधिकृत प्रतिक्रिया दिली आहे. दार म्हणाले की, “पाकिस्तानने दोन्ही देशांना एका टेबलावर आणण्यासाठी प्रामाणिक प्रयत्न केले. जरी आजचा करार होऊ शकला नसला तरी, आमची इच्छा आहे की सध्याचा शस्त्रसंधी (Ceasefire) आणखी वाढवण्यात यावा.” पुढील चर्चेसाठी योग्य वातावरण तयार राहावे, यासाठी दोन्ही देशांनी संयम पाळावा आणि शस्त्रसंधीचे उल्लंघन करू नये, अशी विनंतीही त्यांनी केली आहे. पाकिस्तानला या प्रकरणात अद्यापही ‘शांतीदूत’ म्हणून भूमिका बजावण्याची इच्छा असल्याचे त्यांच्या वक्तव्यावरून स्पष्ट होते.
जागतिक घडामोडी संबंधित बातम्या वाचण्यासाठी येथे क्लिक करा : युद्धाचा बिगुल वाजला! J.D.Vance रिकाम्या हाताने परतले; ‘USS Frank E. Peterson’ आणि ‘USS Michael Murphy’ होर्मुझमध्ये दाखल
मिळालेल्या माहितीनुसार, या चर्चेदरम्यान अमेरिकेने इराणसमोर अत्यंत कडक अटी ठेवल्या होत्या. अमेरिकेने इराणला त्यांचे ‘युरेनियम संवर्धन’ पूर्णपणे थांबवण्यास सांगितले, ज्याला ‘झिरो एनरिचमेंट पॉलिसी’ म्हटले जाते. इतकेच नव्हे तर, इराणकडे असलेला सुमारे ९०० अब्ज पौंड युरेनियमचा साठा पूर्णपणे नष्ट करण्याची मागणी अमेरिकेने केली. इराणसाठी ही अट त्यांच्या अणुकार्यक्रमाच्या अस्तित्वा4वर घाला घालणारी असल्याने त्यांनी ती फेटाळून लावली.
Pakistani Foreign Minister Ishaq Dar has insisted the US and Iran must uphold a ceasefire agreement, after talks between the two sides to end the war ended without a deal in Islamabad. pic.twitter.com/5hug2NKMOF — Al Jazeera Breaking News (@AJENews) April 12, 2026
credit – social media and Twitter
या चर्चेतील सर्वात मोठा पेच ‘होर्मुझची सामुद्रधुनी’ (Strait of Hormuz) यावरून निर्माण झाला. अमेरिकेने स्पष्ट केले की, जगाचा २०% तेल व्यापार ज्या मार्गावरून होतो, त्या होर्मुझच्या सामुद्रधुनीच्या सुरक्षेवर आणि नियंत्रणावर अमेरिकेचा अधिकार असावा. इराणने यावर तीव्र आक्षेप घेतला आहे. इराणच्या मते, त्यांच्या किनारपट्टीवरील या जलमार्गावर परकीय शक्तीचे नियंत्रण असणे त्यांच्या सार्वभौमत्वाचा अपमान आहे. याच मुद्द्यावरून चर्चेत मोठी दरी निर्माण झाली आणि अखेर चर्चा फिस्कटली.
जागतिक घडामोडी संबंधित बातम्या वाचण्यासाठी येथे क्लिक करा : Islamabad Talks: ‘इराणला सोडणार नाही!’ नेतान्याहूंचा महाभयंकर इशारा; शांतता चर्चेपूर्वीच इस्रायलचा हिजबुल्लाहवर हल्ला
गेल्या ४० दिवसांपासून दोन्ही देशांमध्ये सुरू असलेला युद्धविराम आता संपुष्टात येण्याची भीती व्यक्त केली जात आहे. चर्चेत कोणताही तोडगा न निघाल्याने दोन्ही देशांचे लष्कर पुन्हा एकदा सतर्क झाले आहे. जर हा शस्त्रसंधी वाढला नाही, तर येत्या काही दिवसांत आखाती देशांमध्ये पुन्हा रॉकेट आणि मिसाईल्सचा वर्षाव पाहायला मिळू शकतो. जागतिक स्तरावर या अपयशाचे पडसाद उमटत असून, विशेषतः ऊर्जा क्षेत्रात दहशतीचे वातावरण आहे.
