भारतात 7-सीटर कार्सची धूम! FY2026 मध्ये मारुती अर्टिगा नंबर-1; स्कॉर्पिओ, इनोव्हा टॉप लिस्टमध्ये

भारतात 7-सीटर कार्सची मागणी वाढत असून FY2026 मध्ये मारुती अर्टिगा 1.98 लाख विक्रीसह अव्वल ठरली. स्कॉर्पिओ व इनोव्हा टॉप-3 मध्ये. कॅरेंसची विक्री झपाट्याने वाढली आहे.

• FY2026 मध्ये अर्टिगा सर्वाधिक विक्रीसह नंबर-1
• स्कॉर्पिओ दुसऱ्या, इनोव्हा तिसऱ्या स्थानी
• किआ कॅरेंसच्या विक्रीत मोठी वाढ

भारतीय ऑटोमोबाईल बाजारात 7-सीटर कार्सची मागणी झपाट्याने वाढत आहे. मोठ्या कुटुंबांसाठी आरामदायी आणि किफायतशीर पर्याय म्हणून या गाड्यांना ग्राहकांची विशेष पसंती मिळत आहे. नुकत्याच संपलेल्या FY2026 या सेगमेंटमध्ये मारुती सुजुकी अर्टिगाने पुन्हा एकदा अव्वल स्थान पटकावत आपला दबदबा कायम ठेवला आहे. या स्पर्धात्मक बाजारात महिंद्रा स्कॉर्पिओ, टोयोटा इनोव्हा आणि बोलेरोसारख्या गाड्यांनीही दमदार कामगिरी केली असून, ग्राहकांच्या पसंतीत सातत्याने बदल होत असल्याचे चित्र स्पष्ट झाले आहे. चला जाणून घेऊया आकडेवारीनुसार कोणती गाडी कोणत्या क्रमांकावर आहे.

Car Buying Guide: नवीन गाडी खरेदी करण्याचा विचार करताय? थांबा, या गोष्टी लक्षात ठेवा नाही तर रिकामा होईल खिसा

FY2026 च्या विक्री आकडेवारीनुसार क्रमांक

पहिल्या क्रमांकावर- FY2026 च्या विक्री आकडेवारीनुसार मारुती सुजुकी अर्टिगा ही १९८८७६ युनिट्सच्या विक्रीसह पहिल्या क्रमांकावर राहिली. महत्वाचे म्हणजे या कारच्या एकूण विक्रीत वार्षिक ४.१ टक्क्यांची वाढ नोंदवली गेली आहे.

दुसऱ्या क्रमांकावर- महिंद्रा स्कॉर्पिओ (१७८८०० युनिट्स)

तिसऱ्या क्रमांकावर- टोयोटा इनोव्हा (११२१८८ युनिट्स)

चौथ्या क्रमांकावर- महिंद्रा बोलेरो (११०१३६ युनिट्स)

पाचव्या क्रमांकावर- महिंद्रा XUV 7XO (८७,४१२ युनिट्स) पाचव्या क्रमांकावर आहे. तर तिच्या विक्रीत ६.१ टक्क्यांची घट झाली आहे.

सहाव्या क्रमांकावर- किआ कॅरेंस (७६,८३७ युनिट्स) सहाव्या क्रमांकावर असून तिच्या विक्रीत १८.९ टक्क्यांची मोठी वाढ झाली आहे.

सातव्या क्रमांकावर- मारुती XL6 (३७,१५९ युनिट्स)

आठव्या क्रमांकावर- टोयोटा फॉर्च्यूनर (३५, २१६ युनिट्स)

नव्या क्रमांकावर- रेनॉल्ट ट्रायबर (२५,१७४ युनिट्स)

दहाव्या क्रमांकावर- टोयोटा रूमियन (२४,४२५ युनिट्स) आहे.

मारुती सुजुकी अर्टिगाचे खास वैशिष्ट्ये काय?

FY2026 च्या विक्री आकडेवारीनुसार मारुती सुजुकी अर्टिगा हिने विक्रीत पहिल्या क्रमांकावर पटकावला आहे.मारुती सुझुकी अर्टिगा ही भारतातील सर्वाधिक लोकप्रिय ७-सीटर MPV आहे. ती उत्तम मायलेज, प्रशस्त जागा, आणि पेट्रोल व CNG पर्यायांसाठी ओळखली जाते. मारुती अर्टिगामध्ये १.५ लीटर पेट्रोल इंजिन (Smart Hybrid तंत्रज्ञानासह) असून हिचे पेट्रोल व्हिरिअंट २०.३ ते २०.५१ किमी/लीटर पर्यंत मायलेज देते. आरामदायक इंटिरियर, ऑटोमॅटिक गिअरबॉक्स आणि आधुनिक सुरक्षेसाठी ESP, ABS व एअरबॅग्जची वैशिष्ट्ये आहेत. जी फॅमिली कारसाठी सर्वोत्तम मानली जाते. भारतीय बाजारपेठेत अर्टिगाची एक्स-शोरूम किंमत ८.८० लाख ते १३.१३ लाख रुपयांपर्यंत जाते.

आता इंधनाचं टेन्शन नाही! भारतात 500 किमी पेक्षा जास्त रेंज असलेल्या 6 नवीन ई-कार लवकरच लॉन्च, प्रीमियम फीचर्स आणि बरेच काही…