12 लाखांची थार खरेदी केल्यानंतर तिची किंमत 21 लाख रुपये कशी होते? जाणून घ्या टॅक्समागचं गणित

आपण एखाद्या किंमतीत कार बघतो आणि यानंतर तिला पसंत सुद्धा करतो. पण जेव्हा तिला खरेदी करण्याची वेळ येते तेव्हा अचानक तिच्या किंमतीत वाढ होताना दिसते. सरकारने दिलेल्या माहितीनुसार, कारच्या नोंदणीवर 28 टक्के जीएसटी लावला जातो आणि कारच्या कॅटेगरीनुसार त्यावर अतिरिक्त उपकरही लावला जातो.

सध्या भारतात अनेकानेक कार्स लौकण्ह होताना दिसत आहे. यातही सध्या इलेक्ट्रिक कार्सचा बोलबाला खूप आहे. ग्राहकांची वाढती मागणी पाहता अनेक कंपनीज सुद्धा आपल्या आगामी कार्स लवकरच मार्केटमध्ये लाँच करणार आहे. पण जेव्हा आपण कार खरेदी करायला जातो तेव्हा समोर एक किंमत आणि पेपरवर एक किंमत आपल्याला दिसते.

भारतात मोठी कार खरेदी करणे ही सोपी गोष्ट नाही. आपल्या देशातील कर रचना पाहिल्यानंतर अनेक कार खरेदीदारांचे चेहरे बदलले असतात. जर एका कारची किंमत लाखो रुपये असेल आणि तुम्ही ती कार खरेदी करता त्यावर किती कर आकारला जाईल आणि त्यातून सरकारला किती पैसे मिळेल हे आपल्याला माहीत असणे गरजेचे आहे. चला महिंद्र थारवर लागू होणारे कर आणि उपकर यांचे संपूर्ण गणित आज आपण जाणून घेऊया.

हे देखील वाचा: लाँग ड्राईव्हवर जायचा प्लॅन बनवताय? मग आजच समाविष्ट करा हे ॲक्सेसरीज, प्रवास होईल मजेदार

माहितीनुसार, कारच्या नोंदणीवर सरकारकडून 28 टक्के जीएसटी लावला जातो आणि कारच्या कॅटेगरीनुसार त्यावर अतिरिक्त उपकर लावला जातो, जो प्रत्येक सेगमेंटसाठी वेगळा असतो.

हे आहे कर आणि सेसचे संपूर्ण गणित

जीएसटीसोबतच सरकार नवीन कार खरेदीवर सेसही आकारते. उपकर एक टक्क्यांपासून ते 22 टक्क्यांपर्यंत असतो. याशिवाय डिझेल वाहनांवरही हा कर अधिक असतो. याशिवाय हॅचबॅक वाहनांवर 18 टक्के जीएसटी आकारला जातो, तर लक्झरी वाहनांवर 28 टक्के जीएसटी लावला जातो. याशिवाय सेडान वाहनांवर २२ टक्के उपकर आणि एसयूव्हीवर २२ टक्के उपकर लावला जातो.

Mahindra Thar वर एकूण किती टॅक्स आकाराला जातो

जर आपण असे गृहीत धरले की महिंद्र थारची मूळ किंमत ही 11 लाख 65 हजार रुपये आहे. तर या कारवर 14 टक्के राज्य कर आणि 14 टक्के केंद्रीय कर असतो. अशा प्रकारे दोन्ही कर मिळून ३ लाख २६ हजार रुपये होतात. 2 लाख 33 हजार रुपयांच्या या थारवर 20 टक्के उपकरही लावला जातो.

या कारवर 17 हजार 240 रुपयांचा टीसीएस आणि 2 लाख 19 हजार रुपयांचा रोड टॅक्सही लागू आहे. याशिवाय एक लाख रुपयांचा विमा सुद्धा यात समाविष्ट असतो. कर आणि उपकर मिळून या कारची एकूण किंमत सुमारे 20 लाख 60 हजार रुपये आहे. ही किमंत तुमच्या जवळील शोरूमनुसार बदलू शकते.