CNG कार घेण्याचा विचार करताय? ‘या’ आहेत बेस्ट गाड्या

देशामध्ये CNG गाड्यांचा एक वेगळाच क्रेझ आलेला आहे. मोठ्या संख्येने ग्राहक CNG गाडयांना पसंती देत आहेत. जर तुम्हीही CNG गाडी घेण्याचा विचार करत आहात? तर बेस्ट CNG गाड्या जाणून घेण्यासाठी लेख नक्की वाचा.

फोटो सौजन्य - Social Media

Follow Us:

Follow Us:

देशामध्ये CNG गाड्यांच्या विक्रीला उधाण आले आहे. पेट्रोल डिझेलच्या वाढत्या भावाला कंटाळून लोकं CNG गाड्यांच्या पर्यायाकडे वळत आहे. तसेच CNG चा पर्यायाला जास्त धोका नसतो. पेट्रोल आणि डिझेलच्या गाड्यांपेक्षा CNG चा पर्याय कधीही उत्तम ठरतो. या विक्रीत वाढ होत आहे. टाटा पंच असो, मारुती सुझुकी शिफ्ट असो किंवा ग्रँड व्हिटारा, प्रत्येक गाडीला देशात भरमसाठ लोकप्रियता आहे. जर तुम्ही देखील नवीन गाडी घ्यायचा विचार करत आहात? मुख्य म्हणजे CNG गाडी घेण्याचा विचार करत आहात? तर हा लेख शेवटपर्यंत नक्की वाचा.

हे देखील वाचा : फक्त एका लाखात घरी आणा Maruti Suzuki Brezza CNG, जाणून घ्या EMI चं पूर्ण गणित

जर तुम्ही नवीन CNG कार घेण्याचा विचार करत असाल, तर बाजारात ₹१० लाखांच्या आत येणाऱ्या अनेक उत्तम पर्यायांमध्ये योग्य निवड करणे महत्त्वाचे आहे. सध्या CNG कार्स लोकप्रिय होत आहेत कारण त्या अधिक मायलेज देतात आणि पेट्रोल-डिझेलच्या किंमतींच्या तुलनेत कमी खर्चात प्रवास करण्याची संधी देतात. त्याचबरोबर या गाड्या पर्यावरणपूरकही ठरतात.

मारुती सुझुकी डिझायर CNG हे सेडान मॉडेल ८.७४ लाख रुपयांपासून सुरू होते. तिचा मायलेज साधारणतः ३३ किमी प्रति किलो आहे, त्यामुळे या सेगमेंटमध्ये ती आकर्षक पर्याय ठरते. याच प्रकारे मारुती सुझुकी स्विफ्ट CNG ही गाडी ८.२० लाख रुपयांपासून उपलब्ध आहे आणि तिला ३२.८५ किमी प्रति किलो मायलेज आहे. स्विफ्ट त्याच्या कार्यक्षमतेमुळे खूप लोकप्रिय आहे. टाटा पंच CNG हा SUV प्रकारात येणारा पर्याय आहे. टाटा पंच CNG सुमारे ७.२३ लाख रुपये किंमतीत उपलब्ध असून त्यात ड्युअल CNG सिलिंडर सुविधा दिली आहे. पंचचे मायलेज साधारणतः २६.९९ किमी प्रति किलो आहे. यात SUV चे स्वरूप आणि उच्च कार्यक्षमतेचा लाभ मिळतो, त्यामुळे ही कुटुंबासाठी चांगला पर्याय ठरतो.

हे देखील वाचा : डिसेंबरमध्ये Kia लाँच करणार ‘ही’ नवीन एसयूव्ही, मिळणार अत्याधुनिक फीचर्स

तुमच्या बजेटमध्ये अधिक किफायतशीर पर्याय शोधत असाल, तर मारुती सुझुकी ऑल्टो K10 CNG हे देखील एक उत्कृष्ट वाहन आहे. तिची एक्स-शोरूम किंमत ५.७४ लाख रुपयांपासून सुरू होते आणि ती ३३.८५ किमी प्रति किलो मायलेज देते. ही गाडी भारतातील सर्वात स्वस्त CNG कार्सपैकी एक आहे. CNG कार्सनी चालवलेले प्रवास अधिक किफायतशीर बनतात, आणि याच कारणासाठी ग्राहक या पर्यायाकडे मोठ्या प्रमाणावर वळले आहेत. वरील कार्समध्ये वेगवेगळ्या किंमती, कार्यक्षमता आणि प्रवासाचा दर्जा या दृष्टीने वेगवेगळे लाभ आहेत. त्यामुळे तुमच्या गरजा आणि बजेट लक्षात घेऊन या CNG कार्सपैकी योग्य पर्याय निवडावा.

Web Title: Best cng cars in india

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com