‘या’ दुचाकी कंपनीचा नादच खुळा! 2025 मध्ये एक दोन नव्हे तर 14 बाईक्स करणार लाँच

नवीन वर्षात टू-व्हीलर मार्केट गाजवण्यासाठी Ducati कंपनी एक देऊन नव्हे तर 14 बाईक्स लाँच करणार आहे. चला याबद्दल अधिक माहिती जाणून घेऊया.

2024 च्या वर्षात भारतीय टू-व्हीलर मार्केटमध्ये अनेक दुचाकी उत्पादक कंपन्यांनी त्यांच्या नव्या आणि आकर्षक बाईक्ससह धमाका केला. ग्राहकांनी चांगला प्रतिसाद दिला आणि त्या बाईक्स बाजारात गाजल्या. मात्र, आता 2025 मध्ये बाईकप्रेमींना आणखी विविध आणि उत्तम पर्याय मिळणार आहेत, कारण दुचाकी उत्पादक कंपन्या त्यांचे आगामी मॉडेल्स लाँच करण्याच्या तयारीत आहेत. यामध्ये एक प्रमुख नाव म्हणजे डुकाटी. डुकाटीने 2024 मध्ये भारतात अनेक आकर्षक बाईक्स लाँच केल्या, ज्यांनी भारतीय बाईकप्रेमींना खूप आकर्षित केले. 2025 मध्ये, डुकाटी 14 नव्या बाईक्स लाँच करण्याच्या तयारीत आहे. यामुळे भारतीय बाजारात डुकाटीच्या बाईक्सची लोकप्रियता आणखी वाढू शकते.

Made In India बाईकचा जगभरात डंका, फक्त 6 महिन्यात विकल्या ‘इतके’ युनिट्स

२०२५ हे वर्ष ऑटो उद्योगासाठी अनेक नवीन मॉडेल्स घेऊन आले आहे. या वर्षी अनेक बाईक आणि कार लाँच होणार आहेत. त्याच वेळी, इटालियन कंपनी डुकाटी या वर्षी भारतीय बाजारात एक-दोन नाही तर १४ बाईक्स लाँच करण्याची तयारी करत आहे. जर आपण पाहिले तर, दर महिन्याला डुकाटीचे एक नवीन मॉडेल बाजारात येऊ शकते. नवीन मॉडेल्सच्या लाँचिंगसोबतच, बाईक कंपनी त्यांचे डीलर नेटवर्क देखील वाढवणार आहे. चला याबद्दल अधिक माहिती जाणून घेऊया.

Ducati लाँच करणार 14 बाईक्स

२०२५ च्या पहिल्या तीन महिन्यात DesertX Discovery आणि डुकाटीची सुपरस्पोर्ट बाईक Panigale V4 लाँच केली जाईल. पुढील तीन महिन्यांत, Panigale V2 फायनल एडिशन आणि Scrambler Dark बाजारात आणल्या जातील. या चारही बाईक्स पहिल्या सहा महिन्यांत बाजारात येणार आहेत.

जुलै ते सप्टेंबर दरम्यान भारतीय बाजारात पाच बाईक लाँच केल्या जातील. या बाईक्सच्या यादीमध्ये नवीन ८९० सीसी मल्टीस्ट्राडा व्ही२ आणि स्क्रॅम्बलर रिझोमाची नावे समाविष्ट आहेत. यासोबतच, स्ट्रीटफायटर व्ही४, स्ट्रीटफायटर व्ही२ आणि पानिगेले व्ही२ देखील बाजारात दाखल होतील.

Auto Expo 2025 गाजवण्यासाठी BMW सज्ज, भारतात पहिल्यांदाच सादर करणार ‘ही’ कार

डिसेंबर २०२५ मध्ये, डुकाटी बाजारात अनेक नवीन बाईक लाँच करण्याची योजना आखत आहे. या नवीन बाईक्सबद्दल अधिक माहिती हे वर्ष जसजसे पुढे जाईल तसतसे उघड केले जाईल.

Ducati चा नेटवर्क वाढवण्याचा प्रयत्न

भारतीय बाजारपेठेत कंपनीची विक्री वाढवण्यासाठी, डुकाटी या वर्षी त्यांचे डीलर नेटवर्क वाढवणार आहे. सध्या, डुकाटी शोरूम फक्त मेट्रो शहरांमध्ये उपलब्ध आहेत. डुकाटीच्या डीलर नेटवर्कबद्दल बोलायचे झाले तर, या कंपनीचे शोरूम दिल्ली, मुंबई, पुणे, बेंगळुरू, चेन्नई, हैदराबाद, कोची, कोलकाता, चंदीगड आणि अहमदाबाद येथे उघडे आहेत. नवीन बाईक्स लाँच करून, डुकाटी आता भारतात शोरूमची संख्या वाढवणार आहे. यामुळे कंपनी जास्तीजास्त ग्राहकांपर्यंत पोहचेल.