New Hyundai Venue ची चावी खिशात घेऊन फिराल! फक्त दरमहा असेल ‘इतकाच’ EMI

जर तुम्ही देखील नुकतेच बाजारात आलेली Hyundai Venue खरेदी करण्याचा प्लॅन करत असाल तर ही बातमी तुमच्यासाठीच आहे. चला या कारच्या फायनान्स प्लॅनबद्दल जाणून घेऊयात.

• नुकतीच नवीन जनरेशनची ह्युंदाई व्हेन्यू लाँच
• याची बेस व्हेरिएंटची किंमत ₹7.89 लाख (एक्स-शोरूम) रुपये
• 2 लाखांच्या डाउन पेमेंटनंतर किती असेल EMI? चला याबद्दल जाणून घेऊयात

भारतात मिड साइझ एसयूव्ही वाहनांना चांगली मागणी मिळताना दिसते. हीच मागणी लक्षात घेत अनेक ऑटो कंपन्या भारतात दमदार SUV कार्स ऑफर करत असतात. नुकतेच देशातील आघाडीची ऑटो कंपनी Hyundai ने त्यांची व्हेन्यू एसयूव्ही नवीन अपडेट्ससह लाँच केली.

भारतीय बाजारात आधीपासूनच Hyundai Venue ची लोकप्रियता जास्त आहे. त्यात या नवीन अपडेट्समुळे या लोकप्रियतेत अजूनच भर पडली आहे. जर तुम्ही देखील ही कार खरेदी करण्याचा विचार करत असाल तर ही बातमी तुमच्यासाठीच आहे. या कारच्या फायनान्स प्लॅनबद्दल जाणून घेण्यापूर्वी आपण या एसयूव्हीची किंमत जाणून घेऊयात.

ह्युंदाई व्हेन्यू किंमत किती?

ह्युंदाई कॉम्पॅक्ट एसयूव्ही सेगमेंटमध्ये व्हेन्यू ऑफर करते. या एसयूव्हीच्या बेस व्हेरिएंटची किंमत 7.90 लाख (एक्स-शोरूम) रुपये आहे. राजधानी दिल्लीमध्ये याची ऑन-रोड किंमत अंदाजे 8.87 लाख (एक्स-शोरूम) रुपये आहे. या किंमतीत अंदाजे 55 हजार रुपये (आरटीओ) आणि अंदाजे 42000 (इंश्युरन्स) समाविष्ट आहे.

Hyundai Motors ने ‘ही’ लोकप्रिय कार वेबसाइटवरून हटवली, नेमके कारण काय?

दोन लाखांची डाउन पेमेंट केल्यानंतर किती EMI येईल?

या कारचा पेट्रोल इंजिन असलेला बेस व्हेरिएंट खरेदी केल्यास, बँक फक्त एक्स-शोरूम किंमतीवरच कर्ज उपलब्ध करून देते. दोन लाख रुपये डाउन पेमेंट केल्यानंतर सुमारे 6.87 लाख रुपये कर्ज घ्यावे लागेल. बँक जर रूमला 6.87 लाखांची रक्कम सात वर्षांसाठी 9% व्याजदराने मंजूर करत असेल, तर पुढील सात वर्षांसाठी दरमहा 11,053 रुपये तुम्हाला EMI म्हणून भरावा लागेल.

कार किती महाग पडेल?

6.87 लाखांचे कार लोन 9% व्याजदराने सात वर्षांसाठी घेतल्यास दरमहा 11,053 रुपयांचा EMI भरावा लागेल. अशा प्रकारे सात वर्षांत सुमारे 2.41 लाख रुपये व्याजाच्या स्वरूपात द्यावे लागतील. एक्स-शोरूम किंमत, ऑन-रोड चार्जेस आणि व्याज मिळून कारची एकूण किंमत अंदाजे 11.28 लाख रुपये इतकी होईल.

ग्राहकांनोsss जरा ‘या’ Car कडे बघा तरी! मागील 3 महिन्यापासून एक देखील युनिट विकला गेला नाही, आता किंमत अजूनच स्वस्त

प्रतिस्पर्धी कोण?

ह्युंदाई व्हेन्यू Maruti Brezza, Tata Nexon, Mahindra XUV 3XO, Kia Sonet, Kia Syros, सारख्या एसयूव्हीशी थेट स्पर्धा करते.