Toyota Innova Crysta विकत घेण्यासाठी किती असावा पगार? जाणून घ्या किती द्यावा लागेल EMI

जर तुम्ही Toyota Innova Crysta चे बेस व्हेरियंट 4 लाख रुपयांच्या डाउन पेमेंटसह खरेदी केले तर त्यासाठी तुम्हाला बँकेकडून सुमारे 19 लाख 75 हजार रुपयांचे कर्ज घ्यावे लागेल. मग याचा ईएमआय किती असेल.

सध्या दिवाळीचा सुवर्ण काळ झाला आहे. या काळात अनेक जण आपली ड्रीम कार विकत घेत असतात. तसेच जास्तीतजास्त ग्राहकांसाठी ऑटो कंपनीज आपल्या कार्सवर दिवाळीच्या मुहूर्तावर विशेष सूट देत असतात. तसेच अनेक नवीन कार्स सुद्धा या काळात लाँच होत असतात.

सध्या टोयोटा कंपनी देशात अनेक कार्स लाँच करत आहे. मार्केटमध्ये त्यांच्या अनेक कार्स लोकप्रिय आहेत. टोयोटा इनोव्हा क्रिस्टा ही भारतीय बाजारपेठेतील लोकप्रिय एमपीव्ही आहे. जे अतिशय आरामदायक आणि आलिशान केबिनसाठी ओळखले जाते. याशिवाय फीचर्स आणि मायलेजच्या बाबतीतही ही कार उत्तम आहे. जर तुम्हीही कार घेण्याचा विचार करत असाल तर आम्ही तुमच्यासाठी लोन प्लॅन आणि EMI बद्दल संपूर्ण माहिती घेऊन आलो आहोत. यासोबतच तुम्ही ही कार किती पगार असताना खरेदी करू शकता याबद्दलही जाणून घेऊया.

हे देखील वाचा:  जर कारच्या टाकीत जेट विमानाचे इंधन टाकले तर काय होईल? जाणून घेतल्यानंतर बसेल धक्का

Toyota Innova Crysta ची एक्स-शोरूम किंमत 19.99 लाख रुपयांपासून सुरू होते आणि 26.55 लाख रुपयांपर्यंत जाते. राजधानी दिल्लीत त्याच्या बेस व्हेरियंटची ऑन-रोड किंमत सुमारे 23.75 लाख रुपये आहे. या कारची ऑन-रोड किंमत प्रत्येक शहरानुसार बदलू शकते.

प्रत्येक महिन्याला द्यावा लागेल एवढा हप्ता

Toyota Innova Crysta चे बेस व्हेरियंट 4 लाख रुपयांच्या डाउन पेमेंटसह खरेदी केले तर त्यासाठी तुम्हाला बँकेकडून सुमारे 19 लाख 75 हजार रुपयांचे कर्ज मिळेल. जर तुम्ही हे कर्ज 5 वर्षांसाठी घेत असाल तर तुम्हाला ते 5 वर्षांसाठी 9.8% व्याजदराने परत करावे लागेल. अशा प्रकारे तुम्हाला दरमहा 42 हजार रुपयांचा हप्ता भरावा लागेल. एक गोष्ट लक्षात घ्या की व्याजदर पूर्णपणे तुमच्या क्रेडिट स्कोअरवर ठरवला जातो.

किती असावा पगार?

जर तुम्ही टोयोटा इनोव्हा क्रिस्टा खरेदी करण्याचा विचार करत असाल तर तुमचा पगार 1 लाख रुपयांपेक्षा जास्त असेल तरच ही कार खरेदी करा. अन्यथा तुमचा बजेट कोलमडू शकतो.

हे देखील वाचा: ‘हा’ आहे जगातील सर्वात स्वस्त हेलीकॉप्टर, किंमत Toyota Fortuner पेक्षाही कमी

टोयोटा इनोव्हा क्रिस्टा फीचर्स

टोयोटा इनोव्हा क्रिस्टाच्या फीचर्सबद्दल सांगायचे झाले तर, या कारमध्ये बसवलेले एलईडी हेडलॅम्प कारला उत्कृष्ट लूक देतात. इनोव्हा क्रिस्टलमध्ये 20.32 सेमी डिस्प्ले आहे, ज्यामध्ये अँड्रॉइड ऑटो आणि अ‍ॅपल कारप्ले कनेक्टिव्हिटीचे फीचर्स आहे. याच्या मदतीने तुम्ही तुमचा मोबाईल कारशी सहज कनेक्ट करू शकता.

सेफ्टी फीचर्स

सेफ्टी फीचर्सबद्दल बोलायचे झाल्यास, या कारमध्ये अँटी-लॉक ब्रेकिंग सिस्टम, व्हेईकल स्टॅबिलिटी कंट्रोल, हिल-स्टार्ट असिस्ट कंट्रोल ही फीचर्स देखील आहेत. टोयोटा इनोव्हा क्रिस्टलच्या जी आणि जीएक्स व्हेरियंटमध्ये 3 एअरबॅग्जचे फीचर्स आहे. तर त्याच्या VX आणि ZX व्हेरियंटमध्ये 7 एअरबॅगचे फीचर्स दिले आहे.