Tata Sierra ची बुकिंग कधीपासून सुरु होणार? आणि डिलिव्हरीचं काय? जाणून घ्या एका क्लिकवर

टाटा मोटर्सने 25 नोव्हेंबर 2025 रोजी त्यांची नवीन एसयूव्ही Tata Sierra लाँच केली आहे. चला जाणून घेऊयात या कारची डिलिव्हरी आणि बुकिंग केव्हा सुरु होईल?

• टाटा मोटर्सची नवीन एसयूव्ही मार्केटमध्ये लाँच
• 25 नोव्हेंबर 2025 रोजी Tata Sierra लाँच
• जाणून घ्या बुकिंग आणि डिलिव्हरीची तारीख

भारतीय ऑटो बाजारात Tata Motors च्या कारची एक वेगळीच क्रेझ पाहायला मिळते. अनेक जण तर कंपनीच्या कित्येक कारवर डोळे झाकून विश्वास ठेवत असतात. कंपनी सुद्धा सतत ग्राहकांना काहीतरी नवीन कार ऑफर करता यावी यासाठी प्रयत्नशील असते. नुकतेच कंपनीने त्यांची क्लासिक एसयूव्ही म्हणेजच Tata Sierra ला एका नवीन अवतारात लाँच केले आहे. या नवीन एसयूव्हीची बुकिंग कधी सुरु होईल? बुकिंग केल्यानंतर तुम्हाला डिलिव्हरीसाठी किती वेळ वाट पहावी लागेल? या प्रश्नांची उत्तरे आपण जाणून घेऊयात.

Tata Sierra झाली लाँच

टाटा मोटर्सने सिएरा ही मिड साइझ एसयूव्ही म्हणून लाँच केली आहे. कंपनीने सध्या या एसयूव्हीच्या बेस व्हेरिएंटची एक्स-शोरूम किंमत जाहीर केली आहे. मात्र, इतर व्हेरिएंटची किंमत अद्याप जाहीर केलेली नाही.

Tata Motors कडून नवीन सिएरा लाँच, सुरूवातीची किंमत केवळ 11.49 लाख; ग्राहकांसाठी सुवर्णसंधी

बुकिंग कधी सुरू होईल?

कंपनीने लाँचच्या वेळी या एसयूव्हीची बुकिंग तारीख जाहीर केली होती. माहितीनुसार, या एसयूव्हीची बुकिंग अधिकृतपणे 16 डिसेंबर 2025 रोजी सुरू होईल. बुकिंग सुरू झाल्यानंतर ही एसयूव्ही ऑनलाइन आणि ऑफलाइन डीलरशिपद्वारे उपलब्ध होईल.

डिलिव्हरी कधी सुरू होईल?

एसयूव्ही बुक झाल्यानंतर, तुम्हाला याच्या डिलिव्हरीची थोडी वाट पहावी लागेल. माहितीनुसार, या कारची डिलिव्हरी 15 जानेवारी 2026 रोजी सुरू होईल, ज्याची संपूर्ण माहिती योग्य वेळी दिली जाईल.

काय आहेत फीचर्स?

कंपनीकडून या SUV मध्ये अनेक प्रीमियम आणि आधुनिक फीचर्स देण्यात आले आहेत. यात 19-इंच अलॉयव्हील्स, 17mmची सर्वाधिक स्लिम कनेक्टेड LED हेडलाइट्स, कनेक्टेड LED DRL, LED फॉग लॅम्प, कनेक्टेड LED टेललाइट्स, फ्लश डोर हँडल, कॉर्नरिंग फॉग लॅम्प यांसारखी एक्सटीरियर वैशिष्ट्ये मिळतात.

9 महिन्यांच्या मुलांना गाडीवर बसवताय? मग ‘या’ राज्याने केलेला नियम वाचाच; नाहीतर…

कॅबिनमध्ये ट्रिपल स्क्रीन सेटअप, वायरलेस Android Auto व Apple CarPlay, 360-डिग्री कॅमेरा, ब्लाइंड स्पॉट मॉनिटरिंग सिस्टम, HypAR HUD, ड्युअल-झोन क्लायमेट कंट्रोल, 12 स्पीकरसह Dolby Atmos ऑडिओ सिस्टम, Sonic Shaft साउंड बार, 5G कनेक्टिव्हिटी, सेगमेंटमधील सर्वात मोठे पॅनोरमिक सनरूफ, वेंटिलेटेड व इलेक्ट्रिक फ्रंट सीट्स, रिअर सनशेड, एअर प्युरिफायर, कुल्ड ग्लोव्ह बॉक्स, पावर्ड टेलगेट, टेरेन मोड्स आणि पॅडल शिफ्टर्स अशी फिचर्सची मोठी यादी उपलब्ध आहे.

किंमत किती?

टाटाने सिएरा ची एक्स-शोरूम सुरुवातीची किंमत 11.49 लाख रुपये ठेवली आहे. ही इंट्रोडक्टरी प्राइस असून, पुढील काळात ती बदलण्याची शक्यता आहे.