Mahindra XUV : लोकांच्या मनात घर करणारी Mahindra XUV 3XO; अडीच वर्षांत 2.5 लाखांहून अधिक गाड्या विकल्या!

Mahindra XUV :  Mahindra XUV 3XO ने लॉन्चनंतर अडीच वर्षांपेक्षा कमी कालावधीत 2.5 लाखांहून अधिक विक्रीचा टप्पा पार केला आहे. कंपनीच्या मते हा Mahindra SUVमधील सर्वात वेगाने गाठलेला 2.5 लाख विक्रीचा टप्पा आहे. दरम्यान, XUV 3XOच्या REVX EDGE सीरिजमध्ये नवीन व्हेरिएंट्स आणि प्रीमियम फीचर्सची भर करण्यात आली आहे.

• अडीच वर्षांत 2.5 लाखांचा टप्पा
• 10 लाखांपेक्षा कमी किमतीत सनरूफ
• पेट्रोल-डिझेलसह ऑटोमॅटिकचा पर्याय

Mahindra XUV : Mahindra ची लोकप्रिय कॉम्पॅक्ट SUV XUV 3XO सध्या भारतीय बाजारात मोठा टप्पा गाठला आहे. 2024 मध्ये लॉन्च झाल्यानंतर अवघ्या अडीच वर्षांपेक्षा कमी कालावधीत या SUVच्या 2.5 लाखांहून अधिक युनिट्सची विक्री झाली आहे. Mahindra च्या मते, कंपनीच्या SUV पोर्टफोलिओमध्ये हा टप्पा सर्वात वेगाने गाठणारी XUV 3XO ठरली आहे. दमदार डिझाइन, प्रीमियम फीचर्स, इंजिन पर्याय आणि सुरक्षेवर दिलेला भर यामुळे या SUVला ग्राहकांकडून चांगला प्रतिसाद मिळत असल्याचे कंपनीने म्हटले आहे.

अडीच वर्षांत 2.5 लाखांचा टप्पा

XUV 3XO ने लॉन्चनंतर सातत्याने बाजारात आपली उपस्थिती मजबूत केली आहे. आता 2.5 लाख विक्रीचा टप्पा पार केल्याने ही SUV Mahindraच्या महत्त्वाच्या मॉडेल्सपैकी एक बनली आहे. कंपनीने नुकत्याच केलेल्या अपडेटमध्ये XUV 3XOच्या रेंजमध्ये नवीन REVX EDGE आणि REVX EDGE (O) व्हेरिएंट्सची भर घातली आहे.

नवीन व्हेरिएंट्समुळे ग्राहकांना वेगवेगळ्या किंमत श्रेणीमध्ये अधिक फीचर्स आणि पॉवरट्रेनचे पर्याय मिळणार आहेत. त्यामुळे आगामी काळातही XUV 3XOची रेंज अधिक विस्तारण्याचा कंपनीचा प्रयत्न दिसून येतो.

Ferrari India : दिल्लीमध्ये रंगणार Ferrariचा थरार! पहिल्यांदाच भारतात ‘Universo Ferrari’; पाहता येणार सुपरकार्सचा जलवा

10 लाखांपेक्षा कमी किमतीत सनरूफ

नवीन REVX EDGE सीरिजचे खास आकर्षण म्हणजे प्रीमियम फीचर्स अधिक परवडणाऱ्या किमतीत उपलब्ध करून देण्याचा प्रयत्न. REVX EDGE ची सुरुवातीची एक्स-शोरूम किंमत ₹9.39 लाख आहे, तर REVX EDGE (O) ची किंमत ₹9.89 लाखांपासून सुरू होते.

REVX EDGE मध्ये लेदरेट सीट्स, 26.03 सेंटीमीटर HD इन्फोटेनमेंट स्क्रीन, Android Auto आणि Apple CarPlay, क्रूझ कंट्रोल, रिअर-व्ह्यू कॅमेरा आणि इतर सुविधा मिळतात. REVX EDGE (O) मध्ये याशिवाय पॅनोरामिक सनरूफ, रूफ रेल्स, इलेक्ट्रिकली फोल्डिंग ORVMs, पुश-बटन स्टार्ट आणि ऑटोमॅटिक हेडलॅम्प्स यांसारखी फीचर्स मिळतात.

Tata Sierra Legend Series लाँच; ₹11.99 लाखांपासून किंमत, प्रीमियम फीचर्सचा भर

पेट्रोल-डिझेलसह ऑटोमॅटिकचा पर्याय

XUV 3XO मध्ये ग्राहकांना पेट्रोल आणि डिझेल इंजिनचे पर्याय मिळतात. नवीन REVX EDGE रेंजमध्ये 1.2-लिटर टर्बो पेट्रोल आणि 1.5-लिटर टर्बो डिझेल इंजिन उपलब्ध आहेत. ट्रान्समिशननुसार मॅन्युअल, ऑटोमॅटिक आणि AMTचे पर्याय दिले आहेत.

दरम्यान, Mahindra ने REVX M(O) चा पेट्रोल ऑटोमॅटिक व्हेरिएंट ₹9.99 लाखांमध्ये सादर केला आहे. कंपनीच्या मते XUV 3XOच्या संपूर्ण रेंजमध्ये सहा एअरबॅग्स, इलेक्ट्रॉनिक स्टॅबिलिटी कंट्रोल, ISOFIX आणि रिव्हर्स पार्किंग सेन्सर्ससारखी सुरक्षा फीचर्स उपलब्ध आहेत. त्यामुळे 2.5 लाख विक्रीचा टप्पा आणि नव्या व्हेरिएंट्सची भर यामुळे XUV 3XOची बाजारातील रेंज आणखी मजबूत करण्यात आली आहे.