Maruti E Vitara लवकरच होणार लाँच, उद्या PM Modi दाखवणार हिरवा झेंडा; 100 पेक्षा जास्त देशात होणार निर्यात

लवकरच मारुती सुझुकी त्यांची पहिली वाहिली इलेक्ट्रिक कार Maruti E Vitara चे लाँचिंग करणार आहे. मात्र, लाँचिंगच्या आधी उद्या पंतप्रधान नरेंद्र मोदी या कारला हिरवा झेंडा दाखवतील.

• पंतप्रधान मोदी मारुती E Vitara ला हिरवा झेंडा दाखवणार आहे
• पंतप्रधान मोदी गुजरातमधील हंसलपूर प्लांटला भेट देतील
• मारुती ई विटारा ही मारुतीची पहिली इलेक्ट्रिक एसयूव्ही असेल

इलेक्ट्रिक वाहनांना मिळणारी मागणी पाहता अनेक ऑटो कंपन्या ज्या पूर्वी फक्त इंधनावर चालणाऱ्या कार बनवत होत्या, त्या आता इलेक्ट्रिक वाहनांच्या उत्पदनावर विशेष लक्षककेंद्रित करत आहे. नवीन कार खरेदीदार सुद्धा पर्यावरण पूरक इलेक्ट्रिक कार्सना पहिले प्राधान्य देत आहे. आता देशातील आघाडीची कार उत्पादक कंपनी मारुती सुझुकी देखील इलेक्ट्रिक सेगमेंटमध्ये आपली कार लाँच करणार आहे.

भारतातील आघाडीच्या वाहन उत्पादकांपैकी एक असलेली मारुती सुझुकी लवकरच त्यांची पहिली इलेक्ट्रिक कार लाँच करण्याची तयारी करत आहे. त्याआधी पंतप्रधान मोदी 26 ऑगस्ट रोजी मारुती सुझुकी ई विटाराला हिरवा झेंडा दाखवतील. या संदर्भात सरकारने कोणती माहिती दिली आहे? त्याबद्दल आज आपण जाणून घेऊयात.

Indian Motorcycle कडून ‘या’ अफलातून बाईक्स लाँच, सुरवातीची किंमतच 12.99 लाख रुपये

Maruti E Vitara ला पंतप्रधान दाखवतील हिरवा झेंडा

पंतप्रधान मोदी उद्या मारुती सुझुकीच्या पहिल्या इलेक्ट्रिक एसयूव्ही Maruti E Vitara ला हिरवा झेंडा दाखवणार आहे. उद्या गुजरातमधील हंसलपूर प्लांटला पंतप्रधान मोदी भेट देतील. या दरम्यान, पंतप्रधान मोदी मारुती ई विटाराच्या उत्पादन लाइनच्या लाँच प्रसंगी उपस्थित राहतील.

किती देशांमध्ये होईल निर्यात?

मारुतीची ही मेड-इन-इंडिया बीईव्ही (BEV) युरोप आणि जपानसह शंभरहून अधिक देशांमध्ये निर्यात केली जाणार आहे.

कोल्हापूरकरांना हलक्यात घ्यायचं नाही! ‘या’ व्यक्तीने एकाच दिवशी खरेदी केली 3 Rolls-Royce, किंमतीचा आकडा वाचूनच डोळे फिरेल

काय आहे खासियत?

Maruti E Vitara या एसयूव्हीमध्ये कंपनीने अनेक उत्तम फीचर्स दिले आहेत. यात पॅनोरॅमिक सनरूफ, ऑटोमॅटिक क्लायमेट कंट्रोल, व्हेंटिलेटेड फ्रंट सीट्स अशी फीचर्स देण्यात आली आहेत. तर प्रवाशांच्या सुरक्षेसाठी 7 एअरबॅग्ज, 360-डिग्री कॅमेरा, ऑटो-होल्डसह इलेक्ट्रॉनिक पार्किंग ब्रेक आणि लेव्हल 2 ADAS यांसारखी आधुनिक तंत्रज्ञानाची सोय उपलब्ध आहे. यासोबत 49 kWh आणि 61 kWh क्षमतेच्या बॅटरीचे पर्याय देण्यात येतील, ज्यामुळे या एसयूव्हीला 500 किलोमीटरपेक्षा जास्त रेंज मिळणार आहे.

कधी होईल लॉंच?

सध्या पंतप्रधान नरेंद्र मोदी मारुतीच्या पहिल्या इलेक्ट्रिक एसयूव्ही E Vitara च्या प्रॉडक्शन लाईनला हिरवा कंदील दाखवणार आहेत. त्यानंतर लवकरच ही एसयूव्ही जागतिक स्तरावर निर्यात केली जाईल. अशी अपेक्षा आहे की, पुढील काही महिन्यांत मारुती ही एसयूव्ही भारतीय बाजारातही सादर करेल.