Maruti Suzuki चा प्लॅन ठरला! 2029 पर्यंत नवीन हायब्रीड MPV लाँच करणार, जाणून घ्या फीचर्स

सध्या मारुती सुझुकी एका नवीन प्रीमियम कॉम्पॅक्ट MPV वर काम करत आहे, ज्याचे कोडनेम YVF आहे. चला याबद्दल अधिक माहिती जाणून घेऊयात.

• मारुती सुझुकी भारतात त्यांच्या पोर्टफोलिओ विस्तारणार
• 2029 पर्यंत लाँच करू शकते नवीन हायब्रीड एमपीव्ही
• Suzuki Solio पासून प्रेरित असेल नवीन कॉम्पॅक्ट एमपीव्ही

भारतीय ऑटो बाजारात Maruti Suzuki ने अनेक सेगमेंटमध्ये दमदार कार्स ऑफर केल्या आहेत. कंपनी नेहमीच बदलत्या काळानुसार कार अपडेट करत असते. कंपनीने अनेक उत्तम कार्स ऑफर केल्या आहेत. अशीच एक कार म्हणजे मारुती एर्टिगा, जी सातत्याने देशात सर्वाधिक विक्री होणारी एमपीव्ही ठरली आहे.

भारतात केवळ परवडणाऱ्या एमपीव्हीच नाही तर प्रीमियम आणि लक्झरी एमपीव्हीची मागणीही झपाट्याने वाढली आहे. गेल्या काही वर्षांत या सेगमेंटमध्ये सुमारे 70 टक्क्यांनी वाढ झाली आहे. Kia Carnival, MG M9 आणि Toyota Vellfire सारख्या कार त्यांच्या आरामदायी आणि आलिशान केबिनमुळे खूप लोकप्रिय झाल्या आहेत. मारुती या सेगमेंटमध्ये एक नवीन कार लाँच करण्याची तयारी करत आहे.

1 लाखाचं डाउन पेमेंट आणि Hyundai Exter CNG थेट शोरूमधून दारात उभी, EMI फक्त…

Maruti ची नवीन प्रीमियम कॉम्पॅक्ट एसयूव्ही

या बदलत्या ट्रेंडला लक्षात घेऊन, मारुती सुझुकी एका नवीन प्रीमियम कॉम्पॅक्ट एमपीव्हीवर काम करत आहे. हे मॉडेल जपान आणि हाँगकाँगमध्ये विकल्या जाणाऱ्या Suzuki Solio पासून प्रेरित असेल. कंपनीमध्ये याला YVF असे कोडनेम देण्यात आले आहे आणि 2028–29 च्या सुमारास बाजारात येण्याची अपेक्षा आहे. ही नवीन एमपीव्ही मारुतीच्या एमपीव्ही पोर्टफोलिओचा विस्तार करेल आणि अधिक प्रीमियम ग्राहकांना लक्ष्य करेल.

साइझ आणि बसण्याची व्यवस्था

मारुतीने अद्याप या कारचे डायमेन्शन जाहीर केलेले नाहीत, परंतु जपान-स्पेक Suzuki Solio वरून या कारचा अंदाज लावला जाऊ शकतो. ही MPV 3,810mm लांब, 1,645mm रुंद आणि 1,745mm उंच आहे, ज्याचा व्हीलबेस 2,480mm आहे. हा आकार रेनॉल्ट ट्रायबर आणि निसान ग्रॅव्हाइट सारख्या विद्यमान सब-4-मीटर MPV पेक्षा थोडा लहान असू शकतो.

ज्याला पाहावं तो हीच कार करतोय खरेदी! विक्री सुसाट, 6.25 लाख किमतीत देते 31 KM चा मायलेज

या सेगमेंटमध्ये पहिल्यांदाच पॉवर्ड स्लाइडिंग डोअर्स

YVF चे सर्वात मोठे आकर्षण म्हणजे त्याचे पॉवर्ड रीअर स्लाइडिंग दरवाजे. हे फिचर यापूर्वी फक्त Vellfire आणि MG M9 सारख्या महागड्या MPV मध्ये दिसून आले आहे. कॉम्पॅक्ट MPV सेगमेंटमध्ये मारुतीसाठी हे पहिलेच असेल.

भारतात होणार प्रोडक्शन

YVF चे उत्पादन भारतात केले जाईल. तसेच एक्स्पोर्ट हा या प्रकल्पाचा एक महत्त्वाचा घटक असेल. मारुती पहिल्या पूर्ण वर्षात सुमारे 100,000 युनिट्सचे उत्पादन करेल अशी अपेक्षा आहे, त्यापैकी सुमारे 12,000 हायब्रिड व्हर्जन असतील. सुमारे 30,000 वाहने परदेशी बाजारपेठेत पाठवली जातील.