MG Motors चा मोठा प्लॅन! Cyberster-M9 EV ची किंमत कमी, पण बॅटरीसाठी द्यावे लागणार 8 रुपये प्रति किमी

MG Motors ने आपल्या प्रीमियम रिटेल नेटवर्क MG Select अंतर्गत Cyberster आणि M9 EV या दोन लग्झरी इलेक्ट्रिक कारसाठी Battery-as-a-Service म्हणजेच BaaS योजना सुरू केली आहे. या मॉडेलमध्ये ग्राहकाला कारची किंमत वेगळी आणि बॅटरीचा वापर वेगळा मोजता येणार आहे.

• MG Cyberster: BaaS किंमत ₹72.49 लाख; बॅटरी रेंटल ₹8/km.
• MG M9 EV: BaaS किंमत ₹69.99 लाखांपासून; रेंटल ₹8/km.
• दमदार रेंज: Cyberster 580 km आणि M9 EV 548 km पर्यंत रेंज 

 

MG Motors : इलेक्ट्रिक कार खरेदी करणाऱ्या ग्राहकांसाठी MG Motor ने एक वेगळा पर्याय आणला आहे. कंपनीने आपल्या प्रीमियम रिटेल नेटवर्क MG Select अंतर्गत Cyberster आणि M9 EV या दोन लग्झरी इलेक्ट्रिक कारसाठी Battery-as-a-Service म्हणजेच BaaS योजना सुरू केली आहे. या मॉडेलमध्ये ग्राहकाला कारची किंमत वेगळी आणि बॅटरीचा वापर वेगळा मोजता येणार आहे.

या योजनेत कारची सुरुवातीची किंमत तुलनेने कमी ठेवली जाते. मात्र बॅटरीसाठी ग्राहकाला वापरलेल्या अंतरानुसार प्रति किलोमीटर शुल्क द्यावं लागतं. Cyberster साठी BaaS किंमत ₹72.49 लाख, तर M9 EV ची BaaS किंमत ₹69.99 लाखांपासून सुरू होते. दोन्ही मॉडेल्ससाठी बॅटरी रेंटल ₹8 प्रति किलोमीटर आहे. याशिवाय इतर लागू शुल्क वेगळे असू शकतात.

MG Cyberster किती पॉवरफुल?

MG Cyberster ही स्पोर्टी इलेक्ट्रिक रोडस्टर कार आहे. यात 77 kWh बॅटरी पॅक आणि ड्युअल मोटर सेटअप मिळतो. दोन्ही मोटर्स मिळून 503.02 bhp पॉवर आणि 725 Nm टॉर्क तयार करतात. कंपनीच्या माहितीनुसार, ही कार अवघ्या 3.2 सेकंदांत 0 ते 100 kmph वेग पकडते.

Mahindra XUV : लोकांच्या मनात घर करणारी Mahindra XUV 3XO; अडीच वर्षांत 2.5 लाखांहून अधिक गाड्या विकल्या!

Cyberster ची रेंज 580 km पर्यंत असल्याचं सांगितलं जातं. मात्र प्रत्यक्ष रेंज ड्रायव्हिंग स्टाइल, ट्रॅफिक आणि रस्त्यांच्या परिस्थितीनुसार बदलू शकते.

M9 EV मध्ये लग्झरीचा भर

MG M9 ही प्रीमियम इलेक्ट्रिक MPV आहे. यात 90 kWh NMC बॅटरी देण्यात आली असून इलेक्ट्रिक मोटर 241.65 bhp पॉवर आणि 350 Nm टॉर्क जनरेट करते. M9 EV ची रेंज 548 km पर्यंत असल्याचं कंपनीकडून सांगितलं जातं.

या MPV मध्ये 12.3 इंच टचस्क्रीन, पॅनोरमिक सनरूफ, ऑटोमॅटिक क्लायमेट कंट्रोल आणि 13-स्पीकर साउंड सिस्टमसारखी फीचर्स मिळतात. मागील प्रवाशांसाठी प्रेसिडेंशियल सीट्समध्ये 16-वे अॅडजस्टमेंट, मसाज मोड, हीटिंग आणि व्हेंटिलेशनसारख्या सुविधा देण्यात आल्या आहेत.

MG Select च्या माध्यमातून कंपनी या दोन्ही प्रीमियम EV मॉडेल्सना ग्राहकांपर्यंत पोहोचवत आहे. BaaS पर्यायामुळे लग्झरी EV खरेदीचा सुरुवातीचा खर्च कमी ठेवण्याचा पर्याय ग्राहकांना मिळणार आहे.

Tata Sierra Legend Series लाँच; ₹11.99 लाखांपासून किंमत, प्रीमियम फीचर्सचा भर