Tata Curvv चा Dark Edition मार्केटमध्ये धडाडणार, कधी होईल लाँच? जाणून घ्या

भारतीय बाजारपेठेत, अनेक सेगमेंटमध्ये वेगवेगळ्या व्हर्जनसह कार विकल्या जातात. मीडिया रिपोर्ट्सनुसार, टाटा मोटर्स लवकरच त्यांची कूप एसयूव्ही टाटा कर्व्ह नवीन व्हर्जनसह लाँच करण्याची तयारी करत आहे. कंपनी एसयूव्हीची नवीन व्हर्जन कधीपर्यंत लाँच करू शकते? त्याबद्दल आज आपण जाणून घेऊया.

Tata Curvv ला मिळणार नवीन रूप

मीडिया रिपोर्ट्सनुसार, टाटा कडून कूप एसयूव्ही म्हणून ऑफर केलेली टाटा कर्व्ह लवकरच भारतीय बाजारात नवीन व्हर्जनसह लाँच केली जाऊ शकते. परंतु, टाटाकडून अद्याप या संदर्भात कोणतीही माहिती देण्यात आलेली नाही.

या नवीन इंजिन ऑप्शनसह येईल नवीन एडिशन

टाटा कर्व्हमध्ये 1.2 -लिटर इंजिन तसेच 1.5 -लिटर इंजिन देण्यात येईल. यासोबतच, हे एडिशन एसयूव्हीच्या व्हेरियंटमध्ये मॅन्युअल पेट्रोल, डीसीटी पेट्रोल, डिझेल मॅन्युअल आणि डिझेल डीसीटी ट्रान्समिशन पर्यायांसह उपलब्ध असेल.

कोणत्या व्हेरियंटमध्ये होईल ऑफर

रिपोर्ट्सनुसार, कंपनी हा एडिशन फक्त टाटा कर्व्हच्या टॉप व्हेरियंट Acomplished मध्ये देईल. याशिवाय, कोणत्याही अन्य व्हेरियंट्स सोबत या एडिशनला दिले जाणार नाही.

भारतीय ग्राहक होंडाच्या ‘या’ सेफ्टी फीचरच्या प्रेमात, ५०००० मॉडेल्सची विक्री; जाणून घ्या फीचर्स अन् किंमत

किती खर्च येईल?

कर्व्ह डार्क एडिशनची नेमकी किंमत टाटा लाँचच्या वेळी जाहीर करण्यात येईल. परंतु टाटा कर्व्ह विथ डार्क एडिशनची एक्स-शोरूम किंमत नॉर्मल व्हर्जनच्या तुलनेत सुमारे 40 ते 50 हजार रुपयांनी वाढण्याची अपेक्षा आहे. त्यानंतर ही कार 16.5 लाख ते 19.5 लाख रुपयांपर्यंत एक्स-शोरूम किंमतीच्या आसपास आणता येईल.

केव्हा होणार लाँच?

कंपनीने अद्याप याबद्दल कोणतीही माहिती अधिकृतपणे सांगितलेली नाही. पण ही कार 22 मार्च 2025 पर्यंत भारतीय बाजारात लाँच केली जाऊ शकते.

या एसयूव्हींना डार्क एडिशन देखील मिळते

टाटा मोटर्स त्यांच्या काही इतर एसयूव्ही डार्क एडिशनसह देखील ऑफर करते. कंपनीने डार्क एडिशनमध्ये टाटा नेक्सन, टाटा हॅरियर आणि टाटा सफारी सारख्या एसयूव्ही आणल्या आहेत.

संबंधित बातम्या