सणासुदीच्या काळात Tata Punch ची ‘ही’ लिमिटेड एडिशन कार लॉंच!

सणासुदीच्या काळात टाटा मोटर्सकडून टाटा पंच या लोकप्रिय कारचे नवे एडिशन बाजारात आणले आहे. हे एडिशन केवळ मर्यादित काळासाठी उपलब्ध असणार आहे. जाणून घ्या एडिशनचे वैशिष्टये आणि किंमतीबद्दल

सणासुदीच्या काळात सर्वच कंपन्यांकडून कार लॉंचिंग करण्यात येत आहे. भारतातील ऑटोमोबाईल क्षेत्रातील मोठी कंपनी टाटा मोटर्सने टाटा पंच कॅमो ( Tata punch Camo) एडिशनची 2024 आवृत्ती लॉंच केली आहे. ही कार  8.45 लाख रुपयांच्या प्रारंभिक किंमतीत लॉन्च करण्यात आली आहे. टाटा पंचची ही लिमिटेड एडिशन  सणासुदीच्या विशेष ऑफर म्हणून उपलब्ध करण्यात आली आहे.  या लिमिटेड एडिशनची किंमत SUV च्या नियमित ट्रिमपेक्षा  15,000 रुपये जास्त आहे. Camo एडिशन पंच SUV मध्ये कॉस्मेटिक बदल करण्यात आले आहेत.

टाटा पंच कॅमो एडिशन ( Tata punch Camo) 

टाटा पंच कॅमो एडिशन ड्युअल-टोन कलर कॉम्बिनेशनमध्ये आहे. या कारमध्ये  पांढऱ्या छतासह नवीन सीवीड ग्रीन कलरचा समावेश आहे. कंपनीने मागील कॅमो एडिशन ही 2022 मध्ये लाँच केली होती. ही मागील कॅमो एडिशन 16-इंच अलॉय व्हीलसह फॉलीएज ग्रीन शेडमध्ये देण्यात आली होती. आताच्या कॅमो  लिमिटेड एडिशन SUV वर 16-इंच अलॉय व्हील्स आणि समोरच्या फेंडर्सवर ‘Camo’ बॅज दिला आहे.

या कारच्या आतील भागात, पंचच्या नियमित आवृत्तीवर ड्युअल-टोन डॅशबोर्डच्या विरूद्ध एक संपूर्ण-काळा अंतर्गत थीम मिळते. महत्त्वाचे म्हणजे सीट अपहोल्स्ट्री तसेच डोअर पॅडवर ‘कॅमो’ ग्राफिक्स आहेत. कारमध्ये काळे-आऊट अंतर्गत दरवाजाचे हँडल मिळतात.

कॅमोची वैशिष्ट्ये

टाटा पंच कॅमो एडिशनच्या वैशिष्ट्यांबद्दल बोलायचे झाल्यास, कारमध्ये 10.25-इंच टचस्क्रीन, सेमी-डिजिटल ड्रायव्हर डिस्प्ले, ऑटो एसी, वायरलेस फोन चार्जिंग फीचर, सुरक्षिततेसाठी EBD सह ABS, मागील पार्किंग सेन्सर्स आणि मागील कॅमेरा, फ्रंट ड्युअल एअरबॅग्ज आणि बरेच काही यासारख्या वैशिष्ट्यांसह ऑफर केले आहे.

पेट्रोल आणि सीएनजी इंजिन पर्याय

टाटा पंच कॅमो  एडिशनचे इंजिन  हे पेट्रोल तसेच CNG पॉवरट्रेन पर्यायांमध्ये ऑफर केले जाते. कारमध्ये 1.2-लिटर, 3-सिलेंडर NA पेट्रोल इंजिन मिळते जे 88hp जास्तीत जास्त पॉवर निर्माण करते. CNG मोडमध्ये, 74hp जास्तीत जास्त पॉवर निर्माण करते. कारच्या पेट्रोल व्हर्जनमध्ये मॅन्युअल आणि एएमटी गिअरबॉक्स पर्याय मिळतात. CNG व्हर्जनमध्ये, केवळ मॅन्युअल गिअरबॉक्सचा पर्याय मिळतो.

कारची किंमत

टाटा पंच कॅमो एडिशनमध्ये कंपनीकडून अकम्प्लिश्ड प्लस (Accomplished Plus )आणि क्रिएटिव्ह प्लस ( Creative Plus)  व्हेरियंटमध्ये सादर केले आहेत. व्हेरियंटची किंमत 8.45 लाख ते 10.05 लाख रुपये आहे. त्याचप्रमाणे, क्रिएटिव्ह प्लस 9.15 लाख ते 10.15 लाख रुपयांच्या दरम्यान ऑफर केले जाते.

Tata Motors launches Tata punch Camo  Limited Edition  during the festive season