यंदा फक्त Mahindra Thar Roxx चा बोलबाला, 3 ऑक्टोबरपासून सुरु होणार बुकिंग, जाणून घ्या केव्हा मिळणार डिलिव्हरी

महिंद्राकडून भारतीय कार मार्केटमध्ये अनेक उत्कृष्ट कार्स विकली जात आहे. महिंद्राने 15 ऑगस्ट रोजी पाच डोर असलेली थार रॉक्स लाँच केले आहे. मात्र आता या एसयूव्हीचे बुकिंग 3 ऑक्टोबरपासून सुरू होणार आहे. चला जाणून घेऊया, ही नवीन थारची कधी डिलिव्हरी होऊ शकते.

देशात सध्या अनेक कार्स लाँच होत आहे. भारतीय ग्राहक सुद्धा या नवीन कार्सना भरभरून प्रतिसाद देत आहे. तसेच एकीकडे इलेक्ट्रिक कार्स मोठ्या प्रमाणात लाँच होत असतानाच अनेक जण आजही पेट्रोल किंवा डिझेल कार्सला पसंती दर्शवितात. यामुळेच अनेक ऑटो कंपनीज आजही डिझेल किंवा पेट्रोलवर चालणाऱ्या प्रीमियम कार्स लाँच होत असतात.

नुकतेच देशातील आघाडीची ऑटोमोबाईल उत्पादक कंपनी महिंद्राने ऑगस्ट 2024 मध्येच पाच-दरवाजा असलेली थार रॉक्स लाँच केली आहे. मात्र आता या एसयूव्हीचे बुकिंग उद्यापासून म्हणजेच ३ ऑक्टोबरपासून सुरू होणार आहे. ही एसयूव्ही कशी बुक करता येईल? त्याची डिलिव्हरी कधी सुरू होईल? ही एसयूव्ही कोणत्या किंमतीला खरेदी केले जाईल? चला या प्रश्नांची उत्तरे जाणून घेऊया.

हे देखील वाचा: बाईक ठीक सुरु असेल तर; मॅकेनिकच्या कितीही सांगण्याने उघडू नका कार्बोरेटर, उघडल्यास ठरेल डोकेदुखी

तीन ऑटोबारपासून सुरु होणार बुकिंग?

जर तुम्ही Mahindra Thar Roxx खरेदी करून घरी आणण्याचा विचार करत असाल, तर नवरात्रीच्या पहिल्या दिवसापासून त्यासाठी बुकिंग सुरू केली जात आहे. 3 ऑक्टोबर रोजी सकाळी 11 वाजल्यापासून या एसयूव्हीसाठी बुकिंग सुरू होईल.

केव्हा मिळणार डिलिव्हरी?

महिंद्राकडून या एसयूव्हीची बुकिंग नवरात्रीच्या पहिल्या दिवसापासून सुरू होईल, परंतु त्याची डिलिव्हरी 12 ऑक्टोबरपासून दसऱ्याच्या दिवशी सुरू करण्यात येईल.

दमदार इंजिन

महिंद्राने Thar Roxx मध्ये दोन इंजिन पर्याय दिले आहेत. ज्यामध्ये दोन लिटर क्षमतेचे (TGDI), mStallion (RWD) आणि 2.2 लिटर क्षमतेचे mHawk (RWD आणि 4×4) इंजिनचा पर्याय देण्यात आला आहे. दोन लिटर इंजिनमधून, याला मॅन्युअल ट्रान्समिशनमध्ये 119 kW पॉवर आणि 330 न्यूटन मीटर टॉर्क मिळतो. तर 6-स्पीड ऑटोमॅटिक टॉर्क कन्व्हर्टर 130 kW पॉवर आणि 380 न्यूटन मीटर टॉर्क प्रदान करतो. 2.2 लीटर इंजिन पर्याय मॅन्युअल ट्रान्समिशनसह 111.9 kW पॉवर आणि 330 न्यूटन मीटर टॉर्क, 111.9 आणि 128.6 kW पॉवर आणि 6 स्पीड ऑटोमॅटिकसह 330 आणि 370 न्यूटन मीटर टॉर्क ऑफर करतो.

कसे असतील फीचर्स?

महिंद्रा थार रॉक्समध्ये कंपनीने अनेक उत्कृष्ट फीचर्स दिले आहेत. यात ड्रायव्हर आणि पॅसेंजर एअरबॅग्ज, साइड आणि कर्टेन एअरबॅग्ज, टीपीएमएस, पार्किंग सेन्सर्स, मागील कॅमेरा, ई-कॉल, एसओएस, रिअर डिस्क ब्रेक, ईएससी, ईबीडी, एबीएस, हिल होल्ड, ईएसएस, ॲड्रेनॉक्स कनेक्टेड कार, हरमन कार्डन ऑडिओ सिस्टम, 26.03 सेमी इन्फोटेनमेंट सिस्टीम, 26.03 सेमी एचडी डिजिटल इन्स्ट्रुमेंट क्लस्टर, अँड्रॉइड ऑटो, ऍपल कार प्ले, सराउंड व्ह्यू कॅमेरा, लेव्हल-2 ADAS, फ्रंट व्हेंटिलेटेड सीट्स, ऑटो टेम्परेचर कंट्रोल, रिअर एसी व्हेंट्स, आणि असे अनेक फीचर्स देण्यात आले आहे.

किंमत किती?

कंपनीने या एसयूव्ही च्या सहा व्हेरियंटमध्ये लाँच केले आहे. त्याच्या 2WD व्हेरियंटसची एक्स-शोरूम किंमत 12.99 लाख रुपयांपासून सुरू होते आणि त्याच्या टॉप व्हेरियंटची एक्स-शोरूम किंमत 20.49 लाख रुपये ठेवण्यात आली आहे. त्याच्या फोर-व्हील ड्राइव्ह व्हेरियंटची एक्स-शोरूम किंमत 18.79 लाख रुपयांपासून सुरू होते आणि त्याच्या फोर-व्हील ड्राइव्हचा टॉप व्हेरियंट 20.99 लाख रुपयांच्या एक्स-शोरूम किंमतीवर खरेदी केले जाऊ शकतो.