कार खरेदीदारांनो ‘या’ 4 गोष्टींकडे लक्ष द्याच, अन्यथा कार होईल बेकार

जर तुम्ही सुद्धा नवीन कार खरेदी केली असेल तर ही बातमी तुमच्यासाठीच आहे. आज आपण कार खरेदी केल्यानंतर कोणत्या गोष्टींकडे लक्ष दिले पाहिजे याबद्दल जाणून घेऊया.

आपली स्वतःची कार विकत घेणे हे प्रत्येकाचे स्वप्न असते. हेच स्वप्न साकार करण्यासाठी अनेक जण दिवसरात्र झटत असतात. हल्ली कार लोन सुविधेमुळे अनेक जणांना आपली ड्रीम कार घेणे शक्य झाले आहे. पण नवीन कार खरेदी केल्यानंतर काही महत्वाच्या गोष्टींकडे लक्ष देणे सुद्धा गरजेचे आहे.

देशात दर महिन्याला मोठ्या संख्येने लोक नवीन कार खरेदी करतात. नवीन कार घरात समृद्धी आणते. तसेच आपल्या हक्काच्या कारने आपण कुठे पण फिरू शकतो. अनेक वेळा नवीन कार खरेदी केल्यानंतर आणि घरी आणल्यानंतर लोक अशा चुका करतात ज्यामुळे त्यांना नंतर मोठे नुकसान सहन करावे लागते. हे लक्षात घेऊनच, आज आपण नवीन कार खरेदी केल्यानंतर तुम्ही कोणत्या चार महत्त्वाच्या गोष्टी लक्षात ठेवल्या पाहिजेत त्याबद्दल जाणून घेणार आहोत.

Mahindra Thar Roxx चा सर्वात स्वस्त मॉडेल खरेदी करण्यासाठी किती भरावा लागेल EMI ?

मॅन्युअल बुक नक्की वाचा

वाहन उत्पादक कंपनी नवीन कारसोबत मॅन्युअल बुक देतात. तुम्ही हे मॅन्युअल पुस्तक वाचलेच पाहिजे. बरेच लोक ते निरुपयोगी आहे असे समजून वाचत नाहीत, ही त्यांची मोठी चूक आहे. कारची संपूर्ण माहिती मॅन्युअल बुकमध्ये दिलेली असते.

मॅन्युअल बुक वाचून तुम्ही तुमच्या नवीन कारला व्यवस्थित समजू शकाल. या बुकमध्ये कारसाठी कोणत्या दर्जाचे इंजिन ऑइल वापरावे, ते कधी बदलावे, इत्यादी गोष्टींची माहिती मिळते.

वेळेवर करा कार सर्व्हिसिंग

असे बरेच लोक आहेत जे त्यांच्या कारची वेळेवर सर्व्हिसिंग करत नाहीत. जर कारची वेळेवर सर्व्हिसिंग केली नाही तर भविष्यात त्याचे मोठे नुकसान होऊ शकते. कंपनी कारची सर्व्हिसिंग कधी करायची किंवा कार किती किलोमीटर धावल्यानंतर सर्व्हिसिंग करायची हे सांगते. कार सर्व्हिसिंग दरम्यान, इंजिन सेटिंग्जसह विविध समस्या सोडवता येतात.

Honda च्या कारमध्ये दिसली खराबी; तब्बल तीन लाख कारला सर्व्हिसिंगसाठी बोलावले परत, जाणून घ्या कारण

आफ्टर मार्केट एक्सेसरीज

नवीन कार खरेदी केल्यानंतर, बरेच लोक त्यात नवीन अ‍ॅक्सेसरीज बसवतात जेणेकरून ते तिला एक वेगळा लूक देऊ शकतील. त्यानंतरही, तुम्ही आफ्टर मार्केटमधून काही गोष्टी बसवू शकता आणि त्यामुळे तुम्हाला कोणतीही अडचण येणार नाही. परंतु काही इलेक्ट्रिक अ‍ॅक्सेसरीज अशा असतात ज्यांना बसवण्यासाठी वायरिंग कापावी लागते. या गोष्टींमुळे कारवरील वॉरंटी रद्द होऊ शकते.

स्पीडवर लक्ष ठेवा

नवीन कार खरेदी केल्यानंतर, बरेच लोक त्याची टॉप स्पीड तपासण्यासाठी कार खूप वेगाने चालवतात. तुम्ही हे करणे टाळले पाहिजे. असे केल्याने वाहन अचानक वेग घेते, ज्यामुळे अपघाताची शक्यता वाढते आणि इंजिनवरही वाईट परिणाम होतो. जेव्हा तुम्ही जास्त वेगाने कार चालवता तेव्हा इंजिन जलद काम करते, ज्यामुळे इंधनाचा वापर देखील वाढतो.