अजबच! Made In India असून देखील ‘ही’ बाईक भारतीयांना खरेदी करता येणार नाही

भारतात उत्पादित झालेली बाईक UK मध्ये लाँच झाली आहे. आश्चर्य म्हणजे भारतात उत्पादित होऊन सुद्धा ही बाईक भारतीय खरेदी करू शकणार नाही. चला याबद्दल अधिक माहिती जाणून घेऊयात.

• Triumph Tracker 400 युकेमध्ये लाँच
• मेड इन इंडिया असून सुद्धा भारतीयांना खरेदी करता येणार नाही बाईक
• चला याबद्दल सविस्तर माहिती जाणून घेऊयात

भारतीय बाजारात अशा अनेक बाईक आहेत, ज्या भारतातच उत्पादित होत असतात. यामुळे रोजगार तर वाढतोच मात्र बाईकची किंमत देखील आटोक्यात असते. मात्र, आज आपण अशा एका बाईकबद्दल जाणून घेऊयात, जी आपल्या देशातच उत्पादित होऊन सुद्धा आपण ती खरेदी करू शकत नाही. ही बाईक म्हणजे Triumph Tracker 400.

भारतात बनलेली ट्रायम्फ ट्रॅकर 4000 ही बाईक यूकेमध्ये लाँच करण्यात आली आहे, परंतु असे असूनही, ही बाईक भारतात लाँच होण्याची शक्यता खूपच कमी आहे. याचा अर्थ असा की भारतात बनवलेली असूनही, भारतीय ग्राहक ती खरेदी करू शकणार नाहीत.

यूकेमध्ये किती आहे किंमत?

ट्रायम्फ बाईकने यूकेमध्ये ट्रायम्फ ट्रॅकर 400 लाँच केली आहे ज्याची किंमत 5,745 पौंड आहे, जी भारतीय चलनात अंदाजे 6.95 लाख रुपये आहे. ही बाईक भारतात बजाज ऑटोच्या प्लांटमध्ये तयार केली जात आहे.

ज्याला पाहावं तो हीच कार करतोय खरेदी! विक्री सुसाट, 6.25 लाख किमतीत देते 31 KM चा मायलेज

ट्रायम्फ ट्रॅकर ४०० भारतात का येणार नाही?

सर्वात मोठा प्रश्न असा आहे की: जर ही बाईक भारतात तयार केली जात असेल तर ती आपल्या देशात का विकली जाणार नाही? यामागे काही महत्त्वाची कारणे आहेत. चला याबद्दल जाणून घेऊयात.

भारतीय बाजारात आधीच उपलब्ध असलेले पर्याय

Triumph आधीच भारतात Speed 400 आणि Scrambler 400X सारख्या अधिक व्यावहारिक आणि मागणी असलेल्या बाईक्स विकते. Tracker 400 तर ना स्क्रॅम्बलरइतके ऍडव्हेंचर-अनुकूल आहे किंवा स्पीड 400 इतकी दैनंदिन गरजांसाठी उपयुक्त.

ग्राहकांची ‘या’ 3 Automatic Cars वरून नजरच हटत नाही! जाणून घ्या फीचर्स आणि किंमत

डिझाइन सर्वात मोठी यूएसपी

Triumph Tracker 400 चे सर्वात मोठे आकर्षण म्हणजे त्याची फॅक्टरी-कस्टम, फ्लॅट-ट्रॅकर स्टाइल. मात्र, फ्लॅट-ट्रॅकर बाईक्सची क्रेझ भारतात खूपच मर्यादित आहे, जिथे ग्राहक बहुतेकदा स्क्रॅम्बलर, रोडस्टर्स आणि ॲडव्हेंचर बाईक्स पसंत करतात.

एक लाइफस्टाइल बाईक

ही बाईक एक लाइफस्टाइल प्रॉडक्ट आहे आणि मास-मार्केट बाईक नाही. त्यामुळे, ट्रायम्फला भारतात त्याची विक्री खूप कमी असण्याची अपेक्षा आहे. Triumph Tracker 400 चा लूक पूर्णपणे जुन्या फ्लॅट-ट्रॅक रेस बाईकपासून प्रेरित आहे.