543 Km रेंज, 7 एअरबॅग्स आणि ADAS फिचर! Maruti E-Vitara कंपनीसाठी का गेमचेंजर ठरणार? जाणून घ्या

मारुती सुझुकीची इलेक्ट्रिक कार Maruti E-Vitara भारतात त्यांच्यासाठी एक गेम चेंजर ठरू शकते. चला याबद्दल अधिक माहिती जाणून घेऊयात.

• Maruti E-Vitara भारतात सादर
• मारुती सुझुकीसाठी ही कार ठरू शकते गेम चेंजर
• जाणून घ्या या कारचे वैशिष्ट्य

देशातील आघाडीच्या ऑटो कंपन्यांपैकी एक असलेल्या मारुती सुझुकीने विविध सेगमेंटमध्ये दमदार कार सादर केल्या आहेत. नुकतेच कंपनीने त्यांची पहिलीवहिली इलेक्ट्रिक कार Maruti E-Vitara भारतात 2 डिसेंबर रोजी सादर केली आहे आहे. ही कार भारतात अधिकृतपणे जानेवारी 2026 मध्ये लाँच होणार आहे. सध्या भारतात इलेक्ट्रिक कारच्या मागणीत झपाट्याने वाढ होत असतानाच या कारची एंट्री नक्कीच कंपनीसाठी फायदेशीर ठरणार आहे.

ई-विटाराने भारत एनसीएपी क्रॅश टेस्ट पास केली असून आणि तिला 5-स्टार सेफ्टी रेटिंग मिळाले आहे. त्यामुळे सेफ्टीच्या बाबतीत कंपनीने कोणतीही तडजोड केलेली नाही. भारतात लाँच होण्यापूर्वी, या ईव्हीबद्दलच्या पाच महत्त्वाच्या गोष्टींवर एकदा एक नजर टाकूया.

Kia ने सबको बुझा दिया! मार्केट हलवून सोडलं; नोव्हेंबरमध्ये तब्बल ‘इतक्या’ वाहनांची केली विक्री

Maruti E-Vitara बद्दलच्या 5 महत्वाच्या गोष्टी

मारुती ई-विटारा ची लांबी 4,275 मिमी, रुंदी 1,800 मिमी आणि उंची 1,640 मिमी आहे. या इलेक्ट्रिक कारचा व्हीलबेस 2700 मिमी आहे. ही मारुती ईव्ही हार्टेक्ट-ई आर्किटेक्चरवर आधारित आहे. याचा अर्थ असा की ही कार थेट इलेक्ट्रिक व्हर्जन म्हणून विकसित करण्यात आली आहे.

ई-विटारा दोन बॅटरी पॅक पर्यायांसह येईल: 49 किलोवॅट प्रति तास आणि 61 किलोवॅट प्रति तास बॅटरी पॅक. दोन्ही बॅटरी पॅक लिथियम आयर्न-फॉस्फेट (LFP) ब्लेड सेल वापरतात, जे 49 किलोवॅट प्रति तास बॅटरी पॅकसह 143 बीएचपी पॉवर आणि 61 किलोवॅट प्रति तास बॅटरी पॅकसह 173 बीएचपी पॉवर निर्माण करतात. ही कार एकाच मोटरचा वापर करते.

मारुती ई-विटारा तिच्या 61 किलोवॅट प्रति तास बॅटरी पॅकसह 543 किलोमीटरची रेंज असल्याचा दावा करते, जी तिच्या प्रतिस्पर्ध्यांपेक्षा जास्त आहे.

Hyundai Venue ने इतरांंचा बाजार बसवला! लाँचनंतर फक्त एका महिन्यात मिळाली विक्रमी बुकिंग

ई-विटारामध्ये अनेक पॉवरफुल फीचर्स आहेत, ज्यात 10.25-इंच स्क्रीन, 10.1-इंच इन्स्ट्रुमेंट क्लस्टर, इलेक्ट्रॉनिक पार्किंग ब्रेक, रिक्लाइन रिअर सीट्स, वायरलेस ॲपल कारप्ले आणि अँड्रॉइड ऑटो, व्हेंटिलेटेड फ्रंट सीट्स, लेव्हल २ एडीएएस, सात एअरबॅग्ज आणि १०-वे ड्रायव्हर सीट ॲडजस्टमेंट यांचा समावेश आहे.

मारुतीने ई-विटारासाठी एक मजबूत इको-सिस्टम देखील विकसित केली आहे. मारुती सुझुकीने 1000 हून अधिक शहरांमध्ये 2000 हून अधिक चार्जिंग स्टेशन उघडले आहेत. मारुतीचा दावा आहे की लोकांना दर 5 ते 10 किलोमीटर अंतरावर इलेक्ट्रिक कार चार्जिंग स्टेशनची सुविधा मिळेल. यासाठी, ऑटोमेकरने “ई फॉर मी” ॲप लाँच करण्याची घोषणा केली आहे.