3 दिवस 21 देश अन् 50 टक्क्यांपर्यंत टॅरिफ…, जपानपासून ब्राझीलपर्यंत ‘या’ देशांवर ट्रम्पचा टॅरिफ बॉम्ब, भारताची काय स्थिती?

Trump Tariff: ट्रम्प यांनी टॅरिफ बॉम्ब टाकणे सुरूच ठेवले असले तरी, भारत-अमेरिका व्यापार कराराबद्दल कोणतीही घोषणा केलेली नाही. तथापि, अमेरिकन अध्यक्ष सतत दावा करत आहेत की अमेरिका भारतासोबत व्यापार करार करण्याच्या जवळ आहे.

Trump Tariff Marathi News: अमेरिकेचे राष्ट्राध्यक्ष डोनाल्ड ट्रम्प जगातील सर्व देशांवर सातत्याने आपला टॅरिफ बॉम्ब टाकत आहेत. अवघ्या तीन दिवसांत अमेरिकेने २१ देशांवर टॅरिफ जाहीर केला आहे. आठवड्याच्या सुरुवातीला, सोमवारी, ट्रम्प यांचे टॅरिफ पत्र जपान-कोरियासह १४ देशांना पाठवण्यात आले आणि एका दिवसाच्या शांततेनंतर, बुधवारी ७ देशांची यादी जाहीर करण्यात आली आहे.

यामध्ये, ब्रिक्सचा सदस्य असलेल्या ब्राझीलवर सर्वाधिक ५० टक्के टॅरिफ लादण्यात आला आहे. ही यादी इथेच संपत नाही, कारण चित्र खूप वेगळ आहे, १ ऑगस्टपूर्वी इतर देशांनाही अमेरिकेकडून मोठा धक्का बसू शकतो.

आज येणार आयटी कंपनीचे निकाल, शेअरच्या किमतीत चढ-उतार, जाणून घ्या

ब्राझीलवर सर्वाधिक ५०% कर

अमेरिकेचे अध्यक्ष डोनाल्ड ट्रम्प यांनी बुधवारी सात देशांना कर पत्रे पाठवली आणि त्यांच्यावर २० ते ५०% पर्यंतचे कर लादण्यात आले आहेत. ब्रिक्स देशांमध्ये समाविष्ट असलेला ब्राझील ट्रम्पच्या टॅरिफ यादीत आघाडीवर होता आणि त्यांनी या करावरून अमेरिकेवर जोरदार टीका केली आहे.

ब्राझीलचे अध्यक्ष लुला दा सिल्वा यांनी ट्रम्प यांच्यावर टीका करताना असेही म्हटले की जगाला आता कोणत्याही सम्राटाची गरज नाही. यानंतर, त्यावर ५०% कर लादण्यात आला आहे, जो आतापर्यंत जाहीर झालेल्या यादीत समाविष्ट असलेल्या देशांवर लावण्यात आलेल्या करांपैकी सर्वाधिक आहे.

ट्रम्पच्या नवीन यादीत या 6 देशांचाही समावेश

राष्ट्राध्यक्ष ट्रम्प यांनी बुधवारी ब्राझील व्यतिरिक्त इतर सहा देशांमधून आयातीवर नवीन शुल्क जाहीर केले आणि ज्या देशांना ट्रम्प टॅरिफ पत्रे पाठवली आहेत त्यांचे स्क्रीनशॉट ट्रम्प यांनी त्यांच्या सोशल मीडिया अकाउंटवर शेअर केले आहेत. यामध्ये फिलीपिन्स, ब्रुनेई, मोल्दोव्हा, अल्जेरिया, इराक आणि लिबिया यांचा समावेश आहे.

यामध्ये फिलीपिन्सवर 20 टक्के, ब्रुनेई आणि मोल्दोव्हा वर 25 टक्के, तर अल्जेरिया, इराक आणि लिबिया वर 30 टक्के टॅरिफ लादण्यात आला आहे. या देशांवरही 1 ऑगस्टपासून नवीन टॅरिफ दर लागू होतील.

आता टॅरिफची अंतिम मुदत वाढवली जाणार नाही

२ एप्रिल रोजी अमेरिकेच्या राष्ट्राध्यक्षांनी जगभरातील देशांवर ‘मुक्ती दिन’ म्हणून परस्पर टॅरिफची घोषणा केली होती. त्यानंतर शेअर बाजारात प्रचंड खळबळ उडाली होती. मात्र, नंतर ट्रम्प यांनी टॅरिफची अंमलबजावणी ९० दिवसांसाठी पुढे ढकलली आणि त्याची अंतिम मुदत ९ जुलै करण्यात आली, जी बुधवारी शेवटच्या व्यवसाय दिवशी संपणार होती, जी १ ऑगस्टपर्यंत वाढवण्यात आली आहे.

यासोबतच, मंगळवारी आणखी एका सोशल मीडिया पोस्टमध्ये ट्रम्प यांनी स्पष्ट केले की ऑगस्टच्या सुरुवातीच्या या तारखेत कोणताही बदल होणार नाही.

भारत-अमेरिका व्यापार कराराबद्दल कोणतीही घोषणा नाही

ट्रम्प यांनी टॅरिफ बॉम्ब टाकणे सुरूच ठेवले असले तरी, भारत-अमेरिका व्यापार कराराबद्दल कोणतीही घोषणा केलेली नाही. तथापि, अमेरिकन अध्यक्ष सतत दावा करत आहेत की अमेरिका भारतासोबत व्यापार करार करण्याच्या जवळ आहे. ट्रम्प यांच्या विधानानुसार, भारताने शेती आणि दुग्धजन्य पदार्थ वगळता जवळजवळ सर्व क्षेत्रांमध्ये अमेरिकन वस्तूंसाठी पुरेशी बाजारपेठ उपलब्ध करून दिली आहे.

Share Market Today: शेअर बाजाराने गमावली चमक, सेन्सेक्सने गाठले घसरणीचे तिहेरी शतक