Share Market Today: ट्रम्पने लादलेल्या कराचा शेअर बाजारावर होतोय परिणाम, अशी होणार आजची सुरुवात! गुंतवणूकदारांची वाढली चिंता

Share Market Update: अमेरिकेचे अध्यक्ष डोनाल्ड ट्रम्प यांनी नवी दिल्लीने रशियन कच्च्या तेलाची खरेदी सुरू ठेवल्याबद्दल "दंड" म्हणून भारतीय आयातीवर अतिरिक्त २५% कर लादला आहे. याचा परिणाम शेअर बाजारावर होत आहे.

अमेरिकेचे अध्यक्ष डोनाल्ड ट्रम्प यांनी भारतातील आयातीवर अतिरिक्त २५% कर लादण्याची घोषणा केली आहे. डोनाल्ड ट्रम्प यांनी घेतलेल्या या निर्णयाचा परिणाम भारतीय शेअर बाजारावर होत असल्याचं पाहायला मिळत आहे. आज गुरुवारी ७ ऑगस्ट रोजी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, घसरणीसह उघडण्याची शक्यता आहे, ज्यामुळे एकत्रित कर ५०% वर पोहोचला आहे. आशियाई बाजारांमध्ये संमिश्र व्यवहार झाले, तर अमेरिकन शेअर बाजार नॅस्डॅकमधील तेजीमुळे तेजीत राहिला.

आता जाहिरातींशिवाय गाणी ऐकणं होणार आणखी महाग! Spotify ने वाढवली Premium प्लॅन्सची किंमत, या युजर्सवर होणार परिणाम

गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी आज नकारात्मक सुरुवात दर्शवितात. गिफ्ट निफ्टी २४,५९४ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ४० अंकांनी कमी होता. रशियाकडून तेलाच्या प्रत्यक्ष आणि अप्रत्यक्ष आयातीचा आरोप असल्याने ट्रम्प यांनी भारतातून होणाऱ्या आयातीवर अतिरिक्त २५% कर लादला, ज्यामुळे एकत्रित कर ५०% वर पोहोचला.  (फोटो सौजन्य – Pinterest) 

रिझर्व्ह बँक ऑफ इंडिया (RBI) ने बुधवारी त्यांचे चलनविषयक धोरण जाहीर केल्यानंतर देशांतर्गत शेअर बाजार घसरणीला सुरुवात झाली. सेन्सेक्स १६६.२६ अंकांनी म्हणजेच ०.२१% ने घसरून ८०,५४३.९९ वर बंद झाला, तर निफ्टी ५० ७५.३५ अंकांनी म्हणजेच ०.३१% ने घसरून २४,५७४.२० वर बंद झाला. बुधवारी बँक निफ्टी निर्देशांक ५०.९० अंकांनी किंवा ०.०९% ने वाढून ५५,४११.१५ वर बंद झाला.

बीएसई कॅलेंडरनुसार, सुमारे २५० कंपन्या आज, गुरुवार, ७ ऑगस्ट रोजी त्यांचे पहिल्या तिमाहीचे आर्थिक निकाल जाहीर करतील. आतापर्यंत, १००० हून अधिक कंपन्यांनी जून तिमाहीचे निकाल जाहीर केले आहेत. भारतीय जीवन विमा महामंडळ (LIC), टायटन, BSE, हिंदुस्तान पेट्रोलियम यासारख्या अनेक आघाडीच्या कंपन्या ३० जून २०२५ रोजी संपणाऱ्या कालावधीसाठी त्यांचे तिमाही निकाल जाहीर करणार आहेत.

मच्छर चावतायत…. आता टेंशन दूर होणार! शास्त्रज्ञांनी शोधलं अनोखं तंत्रज्ञान, डासांचा होणार खात्मा! आफ्रिकेत सुरु झाली चाचणी

प्रभुदास लिलाधर येथील तांत्रिक संशोधनाच्या उपाध्यक्षा वैशाली पारेख यांनी आज गुंतवणूकदारांना तीन इंट्राडे स्टॉक खरेदी करण्याची शिफारस केली आहे. ज्यामध्ये SBI, सन फार्मा आणि TFCIL यांचा समावेश आहे. आजच्या व्यवहारात गुंतवणूकदार एलआयसी, टायटन, बीएसई, हिंदुस्तान पेट्रोलियम, कल्याण ज्वेलर्स, कमिन्स इंडिया, ट्रेंट, बजाज होल्डिंग्ज, हिरो मोटोकॉर्प, भारत फोर्ज, हिंदुस्तान कॉपर, भेल, इरकॉन इंटरनॅशनल, सुला व्हाइनयार्ड्स, गृहनिर्माण आणि शहरी विकास महामंडळ या स्टॉकवर लक्ष केंद्रित करू शकतात.

चॉइस ब्रोकिंगचे कार्यकारी संचालक सुमित बगडिया यांनी आज गुंतवणूकदारांना पाच ब्रेकआउट स्टॉकची खरेदी करण्याची शिफारस केली आहे. यामध्ये परादीप फॉस्फेट्स , क्युपिड, झुआरी अ‍ॅग्रो केमिकल्स , ग्लोबल हेल्थ आणि मेट्रोपोलिस हेल्थकेअर यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)