Company Layoffs : AI चा वाढता दणका! IT क्षेत्रात खळबळ; ‘या’ प्रसिद्ध कंपनीत तब्बल 850 कर्मचाऱ्यांची जाणार नोकरी

Company Layoffs : AI आणि ऑटोमेशनच्या वाढत्या वापरामुळे कॉर्पोरेट आणि टेक क्षेत्रात नोकरकपातीचे मोठे सत्र सुरू झाले आहे. एआयच्या प्रभावामुळे एका नामांकित कंपनीने आपल्या ८५० कर्मचाऱ्यांना नोकरीवरून काढून टाकण्याचा मोठा निर्णय घेतला आहे.

• AI चा वाढता दणका!
• IT क्षेत्रात खळबळ
• ‘या’ प्रसिद्ध कंपनीत तब्बल 850 कर्मचाऱ्यांची जाणार नोकरी

Company Layoffs : जसजसं तंत्रज्ञानाचा विकास होत गेला. AI मुळे गोष्टी फार सोप्या झाल्या मात्र आता AI चा प्रभाव इतका वाढला आहे की जगातील बऱ्याच कंपनीतील कर्मचाऱ्यांना त्याचा दणका बसत आहे. आता एका विमान कंपन्यांमधील कर्मचाऱ्यांना याचा सामना करावा लागत आहे. त्यामुळे आता या कर्मचाऱ्यांना बाहेरचा रस्ता दाखवला जाणार आहे. नेमका कोणत्या कंपनीना हा निर्णय घेतला आहे आणि याचा काय परिणाम होणार आहे. ( Company Layoffs ) 

Low Income Savings Scheme : कमी कमाई करणारेही बनू शकतात लखपती! दररोज 100 रुपयांची बचत; असा उभा राहा 15 लाखांपेक्षा जास्त फंड

ऑस्ट्रेलियाची सर्वात मोठी विमान कंपनी, क्वांटास एअरवेजने, सुमारे ८५० कर्मचाऱ्यांना कामावरून कमी करण्याचा निर्णय घेतला आहे. कंपनी आपली अनेक कामे पूर्ण करण्यासाठी एआय आणि नवीन तंत्रज्ञानाचा वापर करणार आहे. याव्यतिरिक्त, कंपनीची काही कार्ये भारतात हलवली जातील, जी ॲक्सेंचर या सल्लागार कंपनीच्या टीमद्वारे हाताळली जाणार आहे.

कंपनीची कर्मचारी कपातीची प्रक्रिया पुढील काही काळात पूर्ण होणार आहे. पहिला टप्पा २०२७ पर्यंत लागू होण्याची अपेक्षा आहे. कर्मचारी कपातीच्या या निर्णयामुळे, एआयच्या वाढत्या वापरामुळे भविष्यात किती नोकऱ्या जाऊ शकतात, हा प्रश्न पुन्हा एकदा उपस्थित झाला आहे.

कोणत्या कर्मचाऱ्यांवर परिणाम होणार?

क्वांटासमध्ये होणाऱ्या आगामी कर्मचारी कपातीचा परिणाम कंपनीच्या बॅक-ऑफिस आणि कॉर्पोरेट विभागांवर होईल. सुरुवातीला, वित्त, खरेदी, मानव संसाधन आणि विपणन विभागातील कर्मचाऱ्यांच्या नोकऱ्यांवर परिणाम होईल. कंपनीने स्पष्ट केलं आहे की काही कामे ॲक्सेंचरला सोपवली जातील. ही कामे प्रामुख्याने भारतातील ॲक्सेंचरच्या टीम्सद्वारे हाताळली जातील. याचा अर्थ असा की, सध्या कंपनीचे कर्मचारी ऑस्ट्रेलियामध्ये करत असलेली काही कामे आता भारतातून पूर्ण केली जातील.

कर्मचारी कपात का होणार आहे?

क्वांटासचे म्हणणे आहे की तंत्रज्ञान आणि एआय (AI) विमान वाहतूक उद्योगात वेगाने बदल घडवत आहेत. यासाठी, कंपनीने ॲक्सेंचरसोबत भागीदारी केली आहे. कंपनीकडे १,००० हून अधिक जुने सॉफ्टवेअर आणि सिस्टीम आहेत. आता, कंपनी आधुनिकीकरण, ऑटोमेशन आणि एआयचा वापर वाढवण्याची योजना आखत आहे.

भारतात नोकऱ्या वाढतील का?

क्वांटास आपली काही बॅक-ऑफिस कार्ये भारतात हलवत आहे. ही कामे ॲक्सेंचरच्या टीम्सद्वारे हाताळली जातील. याचा अर्थ असा की, कंपनीची काही कामे ऑस्ट्रेलियाऐवजी भारतात केली जातील. मात्र, कंपनीने हे स्पष्ट केलेले नाही की भारतातील किती कर्मचारी या कामांसाठी जबाबदार असतील. त्यामुळे, भारतात रोजगारवाढीची कोणतीही हमी नाही.

Gold Price Forecast : सोन्याचे भाव गगनाला भिडणार! पुढच्या वर्षी सोने होणार 5000 डॉलरच्या जवळ? तज्ज्ञांचा मोठा अंदाज