अनिल अंबानींच्या अडचणी वाढल्या; कर्ज घोटाळ्याप्रकरणी आता बँक अधिकाऱ्यांची चौकशी सुरु, शेअर्स कोसळले

Reliance Share Price: गेल्या एका महिन्यात रिलायन्स पॉवरचे शेअर्स २७% पेक्षा जास्त घसरले आहेत. ४ जुलै २०२५ रोजी रिलायन्स पॉवरचे शेअर्स ६६.११ रुपयांवर होते. ४ ऑगस्ट २०२५ रोजी कंपनीचे शेअर्स ४७.७० रुपयांवर पोहोचले.

Reliance Share Price Marathi News: सोमवारी अनिल अंबानी यांच्या रिलायन्स पॉवर आणि रिलायन्स इन्फ्रास्ट्रक्चर या दोन्ही कंपन्यांचे शेअर्स घसरले आहेत. सोमवारी रिलायन्स पॉवरचे शेअर्स ५ टक्क्यांनी घसरून ४७.७० रुपयांवर पोहोचले आहेत. त्याच वेळी, रिलायन्स इन्फ्रास्ट्रक्चरचे शेअर्सही ५ टक्क्यांनी घसरून २९६.०५ रुपयांवर आले आहेत.

अनिल अंबानींच्या नेतृत्वाखालील रिलायन्स ग्रुपला कर्ज देणाऱ्या खाजगी आणि सरकारी बँकांच्या अधिकाऱ्यांची चौकशी करण्यासाठी अंमलबजावणी संचालनालय (ईडी) बोलावणार आहे. १७००० कोटी रुपयांच्या कथित बँक कर्ज घोटाळ्यातील मनी लाँड्रिंग चौकशीच्या संदर्भात अंमलबजावणी संचालनालय या अधिकाऱ्यांची चौकशी करेल.

Share Market Today: गिफ्ट निफ्टी आणि सेन्सेक्स सकारात्मक पातळीवर उघडणार! शेअर बाजार तज्ञांनी केली ‘या’ स्टॉक्सची शिफारस

कंपन्यांवर कोणती कारवाई करण्यात आली?

कर्ज फेडण्यात अयशस्वी झालेल्या रिलायन्स ग्रुप कंपन्यांवर केलेल्या कारवाईबद्दल केंद्रीय एजन्सी या बँक अधिकाऱ्यांना विचारेल. केंद्रीय एजन्सीने या प्रकरणात अंबानींना आधीच समन्स बजावले आहे. एका वृत्तपत्राच्या वृत्तानुसार, एका वरिष्ठ अधिकाऱ्याने नाव न सांगण्याच्या अटीवर म्हटले आहे की, “आम्हाला जाणून घ्यायचे आहे की बँकांनी कर्ज बुडवणाऱ्या कंपन्यांविरुद्ध काय पावले उचलली.

त्यांनी कोणत्याही तपास संस्थेकडे तक्रार केली का, कंपन्यांविरुद्ध कोणताही फौजदारी खटला दाखल केला का?” अधिकाऱ्याने सांगितले की, अंमलबजावणी संचालनालय बँकांनी केलेल्या क्रेडिट मूल्यांकनाची माहिती देखील घेईल. ते म्हणाले की, ईडी येत्या काही दिवसांत बँक अधिकाऱ्यांना समन्स बजावेल.

सुमारे २० बँकांनी दिले होते कर्ज

सुमारे २० खाजगी आणि सार्वजनिक क्षेत्रातील बँकांनी अनिल अंबानींच्या रिलायन्स ग्रुप कंपन्यांना कर्ज दिले होते, जे नॉन-परफॉर्मिंग अॅसेट बनले. ग्रुपच्या तीन कंपन्यांना रिलायन्स होम फायनान्स लिमिटेड (RHFL), रिलायन्स कमर्शियल फायनान्स लिमिटेड आणि रिलायन्स कम्युनिकेशन्सना सुमारे १७,००० कोटी रुपयांचे कर्ज देण्यात आले.

अंमलबजावणी संचालनालयाकडे उपलब्ध असलेल्या आकडेवारीनुसार, रिलायन्स होम फायनान्स लिमिटेडवर बँकांचे ५९०१ कोटी रुपयांपेक्षा जास्त कर्ज आहे. तर, रिलायन्स कमर्शियल फायनान्स लिमिटेडवर ८२२६ कोटी रुपयांपेक्षा जास्त आणि रिलायन्स कम्युनिकेशन्सवर सुमारे ४१०५ कोटी रुपये कर्ज आहे.

रिलायन्स पॉवरचे शेअर्स १ महिन्यात २७% पेक्षा जास्त घसरले

गेल्या एका महिन्यात रिलायन्स पॉवरचे शेअर्स २७% पेक्षा जास्त घसरले आहेत. ४ जुलै २०२५ रोजी रिलायन्स पॉवरचे शेअर्स ६६.११ रुपयांवर होते. ४ ऑगस्ट २०२५ रोजी कंपनीचे शेअर्स ४७.७० रुपयांवर पोहोचले. त्याच वेळी, रिलायन्स इन्फ्रास्ट्रक्चरचे शेअर्स गेल्या एका महिन्यात सुमारे २१ टक्क्यांनी घसरले आहेत.

‘भारत कॅब’ सेवा सुरू करण्यासाठी ८ सहकारी संस्था एकत्र, सेवा कधी सुरू होणार? जाणून घ्या