एका गाण्यासाठी घेतात 3 कोटी, 1700 कोटींची संपत्ती; वाचा… ए. आर. रहमान यांच्याकडे काय-काय आहे?

एआर रहमान यांची गणना सर्वाधिक कमाई करणाऱ्या संगीतकारांमध्ये केली होते. त्यांची एकूण संपत्ती 1700 कोटी रुपयांहून अधिक आहे. एआर रहमान आणि सायरा बानो जवळपास तीन दशके एकत्र राहिल्यानंतर वेगळे होत आहेत.

A R Rahman Hospitalized : संगीतकार ए आर रेहमान यांना रुग्णालयातून डिस्चार्ज; नेमकं काय झालं होतं?

Follow Us:

Follow Us:

ऑस्कर विजेते संगीतकार ए आर रहमानने पत्नी सायरा बानोपासून घटस्फोट घेतला आहे. या संदर्भात दोघांच्या वकिलांनी एक जाहीर निवेदन जारी केले असून, त्यात ते वेगळे होत असल्याचे सांगण्यात आले आहे. एआर रहमान आणि सायरा बानो जवळपास तीन दशके एकत्र राहिल्यानंतर वेगळे होत आहेत. एआर रहमानची गणना सर्वाधिक कमाई करणाऱ्या संगीतकारांमध्ये केली होते. त्यांची एकूण संपत्ती 1700 कोटी रुपयांहून अधिक आहे.

1995 मध्ये केले दोघांनी लग्न

एआर रहमान आणि सायरा यांचे लग्न 1995 मध्ये झाले होते आणि आता 29 वर्षांनंतर दोघेही घटस्फोट घेत आहेत. दोघांना तीन मुले आहेत. सार्वजनिक निवेदनानुसार दोघांनीही विचारपूर्वक विभक्त होण्याचा हा निर्णय घेतला आहे. सायराचे म्हणणे आहे की, या नात्यात तिला खूप वेदना होत होत्या. हे नाते जपणे तिच्यासाठी खूप कठीण झाले होते. त्यामुळे आपण हे नाते तोडण्याचा निर्णय घेतला असल्याचे त्यांनी म्हटले आहे.
(फोटो सौजन्य – सोशल मीडीया)

1700 कोटी आहे एआर रहमानची संपत्ती

ए आर रहमान यांना स्लमडॉग मिलेनियर या बॉलीवूड चित्रपटासाठी ऑस्कर मिळाला आहे. ते भारतातील महान संगीतकार म्हणून गणले जातात. म्युझिक इंडस्ट्रीतील मोठे नाव असण्यासोबतच कमाईच्या बाबतीतही एआर रहमान पुढे आहे. लाइफस्टाइल एशियाच्या अहवालानुसार, एआर रहमानची एकूण संपत्ती 200 ते 240 दशलक्ष डॉलर्स किंवा सुमारे 1700 कोटी रुपये इतकी आहे.

हे देखील वाचा – केवळ 1000 रुपये भांडवलात सुरु केला व्यवसाय; आज महिन्याला कमावतायेत तब्बल 2 लाख रुपये!

चित्रपटासाठी आकारतात इतकी फी

मीडीया रिपोर्ट्सनुसार, एआर रहमानने जेव्हा आपल्या करिअरची सुरुवात केली. तेव्हा त्याला त्याच्या पहिल्या चित्रपट रोजासाठी संगीत देण्यासाठी 25,000 रुपये मिळाले होते. आज त्यांनी देशातील सर्वात मोठे संगीतकार म्हणून आपला ठसा उमटवला आहे. आता एआर रहमान एका चित्रपटाच्या संगीतासाठी 8-10 कोटी रुपये घेतात. याशिवाय एक गाणे तयार करण्यासाठी ते अंदाजित 3 कोटी रुपये घेतात. तर केवळ एका तासाच्या लाइव्ह परफॉर्मन्ससाठी त्यांची फी ही 1-2 कोटी रुपये इतकी आहे. रहमानच्या निव्वळ संपत्तीचा एक मोठा भाग त्याच्या संगीत रचनांमधून मिळणाऱ्या उत्पन्नातून येतो.

परदेशात घर, महागड्या गाड्यांचा संग्रह

मीडीया रिपोर्टनुसार, एआर रहमानचे भारतातच नाही तर परदेशातही घरे आहेत. चेन्नईतील बंगल्याशिवाय लॉस एंजेलिस, अमेरिका आणि दुबईमध्येही त्यांची घरे आहेत. एआर रहमान यांच्याकडे रोल्स रॉयस सेदान घोस्ट कार, बीएमडब्ल्यू 7 सीरीज, ऑडी क्यू7, मर्सिडीज बेंझ एस-क्लास, रेंजरओव्हर यांसारख्या लक्झरी कार आहेत.

मनोरंजन उद्योगाचा आतापर्यंतचा महागडा घटस्फोट

ऑस्कर विजेते संगीतकार ए आर रहमान यांना राष्ट्रीय चित्रपट पुरस्कार, ग्रॅमी पुरस्कार आणि पद्मभूषण पुरस्काराने सन्मानित करण्यात आले आहे. संगीत देण्याव्यतिरिक्त रहमान संगीत कार्यक्रम, जाहिराती आणि इतर माध्यमांतूनही भरपूर कमाई करतात. रहमान आणि त्याची पत्नी सायरा बानो यांच्या घटस्फोटाच्या बातम्या सध्या चर्चेत आहेत आणि त्यांचा घटस्फोट मनोरंजन उद्योगातील आतापर्यंतचा सर्वात महागडा घटस्फोट ठरेल अशी अटकळ बांधली जात आहे.

Web Title: Ar rahman net worth charges 3 crores for one song wealth worth 1700 crores

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com