मंगळवार, 10 नोव्हेंबर 2026
भारतीय स्वयंपाक विविध मसाले उपलब्ध असतात. त्यातील आवर्जून वापरला जाणारा पदार्थ म्हणजे लवंग. चहा, काढा, भाज्या आणि विविध पदार्थांमध्ये लवंग टाकला जातो. यामुळे पदार्थाची चव चांगली लागते आणि शरीराला सुद्धा भरमसाट फायदे होतात. लवंगमध्ये युजेनॉल, अँटीऑक्सिडंट आणि दाह कमी करणारे गुणकारी घटक आढळून येतात. त्यामुळे आहारात लवंगचा वापर केला जातो. पण आपल्यातील अनेक लोक दिवसाला १० ते १२ लवंगचा वापर जेवणासाठी करतात. यामुळे शरीराला हानी पोहचण्याची जास्त शक्यता असते. चला तर जाणून घेऊया जास्त प्रमाणात लवंग खाण्याचे तोटे. (फोटो सौजन्य – istock)
Clove: नियमित लवंग खात असाल तर थांबा! अतिसेवन केल्यास आरोग्यावर होतील 'हे' गंभीर परिणाम
लवंगेमध्ये युजेनॉलसारखे अँटीऑक्सिडंट घटक असतात. यामुळे शरीरातील स्ट्रेस कमी होतो. पण सतत लवंग चघळत राहिल्यामुळे तोंडात जळजळ, हिरड्यांमध्ये संवेदनशीलता किंवा तोंडाच्या आतील त्वचेवर त्रास होऊ शकतो.
मसाल्यांमधील कोणत्याही पदार्थाचे अतिप्रमाणात सेवन केल्यास शरीराला हानी पोहचण्याची जास्त शक्यता असते. लवंगेमधील युजेनॉल रक्त गोठण्याच्या प्रक्रियेवर परिणाम करते.
रक्त पातळ करणारी औषध चालू असल्यास डॉक्टरांच्या सल्ल्याने लवंगाचे सेवन करावे. अन्यथा आरोग्यावर गंभीर दुष्परिणाम होऊन हृदयाचे आरोग्य बिघडू शकते.
लवंगांचे सेवन केल्याने ॲलर्जी, पोटात अस्वस्थता किंवा पचनक्रियेसंबंधित समस्या वाढू लागतात. जास्त प्रमाणात लवंग खाल्ल्यास पोटात जळजळ वाढते.
लवंगचा वापर अतिप्रमाणात करू नये. चहा किंवा कोणत्याही प्रकारचा काढा बनवताना दोन किंवा तीन लवंग वापराव्यात. जास्त लवंग वापरू नये.
