Bank Strike Update : संप टळण्याऐवजी आणखी चिघळला? युनियनने दिली अनिश्चितकालीन संपाची चेतावणी, नवीन तारीख जाहीर

Bank Strike Update : बँक कर्मचाऱ्यांचा संप चिघळण्याची चिन्हे दिसू लागली असून बँक युनियनने संपाची नवीन तारीख जाहीर करत आता अनिश्चितकालीन विरोधाचा इशारा दिला आहे. शासनाकडून मागण्यांवर योग्य तो तोडगा न निघाल्यास देशभरातील बँकिंग सेवा दीर्घकाळासाठी ठप्प होण्याची भीती निर्माण झाली आहे.

• संप टळण्याऐवजी आणखी चिघळला?
• युनियनने दिली अनिश्चितकालीन संपाची चेतावणी
• नवीन तारीख जाहीर

Bank Strike Update : बँक कर्मचारी आज म्हणजेच 28 सप्टेंबरपासून ३ दिवसांच्या संपावर जाणार होते. पण रविवारी रात्री उशिरा इंडियन बँक्स असोसिएशन IBA आणि युनायटेड फोरम ऑफ बँक युनियन्स UFBU यांच्यात झालेल्या बैठकीनंतर हा संप स्थगित करण्यात आला आहे. बँकेचे कामकाज नेहमीप्रमाणे सुरू राहील. रविवारी रात्री ९:३० वाजता झालेल्या बैठकीत बँक कर्मचाऱ्यांसाठी पाच दिवसांच्या कामकाजाच्या आठवड्याच्या मुद्द्यावर गंभीर चर्चा झाली. पण तरीही संपाबाबत युनियनने नवी चेतावणी का दिली? नव्या तारीखही घोषित करण्यात आली आहे. काय आहे या मागचं कारण? ( Bank Strike Update ) 

Share Market मध्ये हाहाःकार! मार्केट उघडताच 600000 कोटी स्वाहा… निफ्टी 22,850 अंकांनी तर Sensex 1000 अंकांनी कोसळला

रविवारी रात्री ९:३० वाजता झालेल्या बैठकीत बँक कर्मचाऱ्यांसाठी पाच दिवसांच्या कामकाजाच्या आठवड्याच्या मुद्द्यावर गंभीर चर्चा झाली. ऑल इंडिया बँक एम्प्लॉईज असोसिएशन AIBEA चे सरचिटणीस सी. एच. व्यंकटचलम यांच्या म्हणण्यानुसार, पाच दिवसांच्या बँकिंगच्या मागणीवर विचार करण्यासाठी आणि तिची अंमलबजावणी करण्यासाठी एक संयुक्त उच्चस्तरीय समिती स्थापन करण्याचा निर्णय घेण्यात आला आहे. तसेच, कामगिरीवर आधारित प्रोत्साहन योजना आणि इतर प्रलंबित मुद्द्यांवर पुढील द्विपक्षीय चर्चा सुरू ठेवण्यासही सहमती झाली आहे.

कामगार संघटनांचा इशारा

२८-३० सप्टेंबर रोजी नियोजित असलेला प्रस्तावित संप जरी पुढे ढकलण्यात आला असला तरी, प्रकरण अजून थंड झालेलं नाही. कामगार संघटनांनी आधीच इशारा दिला आहे की, नव्याने स्थापन झालेल्या समिती आणि सरकारसोबतच्या पुढील चर्चेतून त्यांच्या मागण्यांवर ठोस तोडगा काढला नाही तर २६ ऑक्टोबर २०२६ पासून अनिश्चित काळासाठी देशव्यापी बँक संप सुरू होऊ शकतो.

बैठकीत काय चर्चा झाली?

UFBU च्या परिपत्रकानुसार, दुसरा आणि चौथा शनिवार वगळता इतर सर्व शनिवार सुट्टी म्हणून घोषित करण्याच्या मागणीवर चर्चा करण्यासाठी, IBA आणि UFBU च्या प्रतिनिधींचा समावेश असलेली एक उच्चस्तरीय समिती तात्काळ स्थापन केली जाईल. ही समिती संभाव्य पर्यायांचा विचार करेल, सर्व संबंधित घटकांशी सल्लामसलत करेल आणि ग्राहकांसह सर्व संबंधित घटकांना मान्य होईल अशा तोडग्यासाठी काम करेल. UFBU ची पाच दिवसांच्या बँकिंग आठवड्याची मागणी विचाराधीन आहे. सरकारने या प्रकरणी अद्याप कोणतेही ठोस विधान केलेले नाही.

नाहीतर अनिश्चित काळासाठी संपावर जातील

IBA ने असेही आश्वासन दिले आहे की, युनियन आणि संघटनांनी उपस्थित केलेल्या समस्यांचे निराकरण करण्यासाठी सरकारने बदल प्रस्तावित केल्यास, स्केल ४ आणि त्यावरील अधिकाऱ्यांसाठीच्या कामगिरी-आधारित प्रोत्साहन PLI योजनेवर चर्चा सुरू होऊ शकते. ८ मार्च २०२४ रोजीच्या बैठकीच्या इतिवृत्तात नमूद केलेल्या उर्वरित मुद्द्यांवरही दोन्ही बाजू चर्चा करतील, जेणेकरून ते लवकरात लवकर सोडवता येतील. जर हे मुद्दे सुटले तर उत्तम; अन्यथा, बँक कर्मचारी अनिश्चित काळासाठी संपावर जाऊ शकतात.

UPI वर लागणाऱ्या Charges चा गोंधळ Share खरेदीतही! ब्रोकर भरणार की गुंतवणूकदारांच्या खिशाला बसणार फटका?