गिग वर्कर्ससाठी मोठी बातमी! डिलीव्हरी बॉय ते ड्रायव्हरपर्यंत… सर्वांना मिळणार पेन्शन; जाणून घ्या नेमकं कसं

केंद्रीय श्रम मंत्रालयाने नुकतीच घोषणा केली आहे की, ई-श्रम (E-Shram) पोर्टलवर नोंदणीकृत गिग आणि असंघटित कामगारांना NPS Lite (नॅशनल पेन्शन सिस्टम लाईट) योजनेत समाविष्ट केले जाईल

• डिलीव्हरी बॉय ते ड्रायव्हरपर्यंत…
• आता सर्व ‘गिग वर्कर्स’ला मिळणार पेन्शन!
• योजनेचा लाभ घेण्यासाठी ‘हे’ काम करणे आवश्यक

Gig Workers Pension India: देशातील गिग वर्कर्ससाठी ही मोठी दिलासादायक बातमी आहे. केंद्र सरकारने असंगठित क्षेत्रात काम करणाऱ्यांसाठी एक महत्त्वाकांक्षी पेन्शन योजना लागू केली आहे. यामुळे Zomato, Swiggy, Blinkit, Ola, Uber यांसारख्या प्लॅटफॉर्मशी जोडलेले कर्मचारी (डिलीव्हरी बॉय, ड्रायव्हर) आणि फ्रीलांसर या सर्वांना त्यांच्या निवृत्तीनंतर आर्थिक सुरक्षा मिळू शकेल. नियमीत कर्मचाऱ्यांप्रमाणे या ‘गिग वर्कर्स’ना पीएफ (PF) किंवा अन्य कोणतेही निवृत्ती लाभ मिळत नाहीत, त्यामुळे सरकारची ही घोषणा त्यांच्यासाठी एक उत्तम सामाजिक सुरक्षा पर्याय ठरणार आहे.

‘NPS Lite’ योजनेचा लाभ

केंद्रीय श्रम मंत्रालयाने नुकतीच घोषणा केली आहे की, ई-श्रम (E-Shram) पोर्टलवर नोंदणीकृत गिग आणि असंघटित कामगारांना NPS Lite (नॅशनल पेन्शन सिस्टम लाईट) योजनेत समाविष्ट केले जाईल. देशभरातील कोट्यवधी असंघटित कामगारांना वृद्धापकाळात सामाजिक सुरक्षा प्रदान करणे हे सरकारचे लक्ष्य आहे.

योजनेचे स्वरूप

NPS ही भारत सरकारची निवृत्ती योजना आहे, ज्यात दर महिन्याला निश्चित रक्कम जमा केल्यानंतर ६० वर्षांच्या वयानंतर नियमित पेन्शन दिली जाते. आता ही सुविधा अॅप-बेस्ड डिलिव्हरी बॉय, ड्रायव्हर, ट्यूटर किंवा फ्रीलांसर यांसारख्या गिग वर्कर्ससाठीही खुली झाली आहे.  १८ ते ६० वयोगटातील लोक या योजनेत सहभागी होऊ शकतात.

हे देखील वाचा: Share Market Today: आनंदवार्ता! सकारात्मक पातळीवर उघडणार शेअर बाजार, गुंतवणूकदारांना हे स्टॉक्स खरेदी करण्याची शिफारस

नोंदणी प्रक्रिया

या योजनेत सहभागी होण्यासाठी कामगारांना ई-श्रम पोर्टलवर नोंदणीकृत असणे अनिवार्य आहे. ज्यांची नोंदणी नाही, त्यांना आधी ई-श्रम कार्ड बनवावे लागेल.

ई-श्रमवर नोंदणीकृत असलेले कामगार खालीलप्रमाणे अर्ज करू शकतात:

• सर्वप्रथम eshram.gov.in या वेबसाइटवर जा.
• मोबाईल नंबर आणि आधार कार्ड वापरून लॉग-इन करा.
• ‘NPS for Unorganised Workers’ या सेक्शनवर क्लिक करा.
• PRAN (Permanent Retirement Account Number) मिळवण्यासाठी नाव, पत्ता, पॅन नंबर आणि बँक खाते यांसारखी आवश्यक माहिती भरा.
• त्यानंतर तुम्हाला दर महिन्याला जमा करायची असलेली रक्कम (Amount) भरावी लागेल.
• अर्ज सबमिट केल्यानंतर PRAN नंबर तयार करण्याची प्रक्रिया सुरू होईल.
• शेवटी, तुम्हाला तपशिलांसह कन्फर्मेशन मेसेज येईल.

योजनेचे फायदे

• पेन्शन: या योजनेत सहभागी झालेल्या कामगाराला ६० वर्षांच्या वयानंतर नियमित मासिक पेन्शन मिळेल.
• नॉमिनी लाभ: पेन्शनधारकाला काही अडचण आल्यास, नॉमिनीला रकमेचा लाभ दिला जाईल. नॉमिनीचे तपशील देण्यासाठी ६० दिवसांचा अवधी मिळतो.
• सरकारी लक्ष्य: केंद्र सरकारने पुढील एका वर्षात १० कोटींहून अधिक गिग आणि असंघटित कामगारांना या योजनेशी जोडून त्यांना आर्थिक सुरक्षा देण्याचे लक्ष्य ठेवले आहे.

Todays Gold-Silver Price: 24 तासांत सुमारे 2 हजार रुपयांनी वाढल्या सोन्याच्या किंमती, चांदीच्या भावात 5 हजार रुपयांची वाढ