लुब्रिझोलने औरंगाबादमध्ये खरेदी केली 120 एकर जमीन; उभारणार जागतिक दर्जाचा प्लांट!

याबाबत बोलताना लुब्रिझोल कंपनीचे अध्यक्ष फ्लॅव्हियो क्लिगर यांनी सांगितले आहे की, “लुब्रिझोलने भारतात पाच दशकांहून अधिक काळ अर्थपूर्ण गुंतवणूक केली आहे. ही नवीन अत्याधुनिक उत्पादन सुविधा कंपनीला भविष्यात इतर लुब्रिझोल व्यवसायांना आणि क्षेत्राना पाठिंबा देण्याच्या क्षमतेसह, कंपनीच्या ॲडिटीव्स व्यवसायासाठी स्थानिक क्षमता आणि योग्यता वाढवण्यास मदत करेल.” असेही त्यांनी म्हटले आहे.

हेही वाचा : अंबानींच्या अँटिलिया हाऊसचे वीज बिल माहितीये का? आयुष्यभर कमवाल तरी…नाही होणार कमाई!

“ल्युब्रिझोलला, भारत-आधारित उत्पादनापासून ते प्रादेशिक नवकल्पना आणि लोकल टॅलेंटमध्ये सतत गुंतवणूक करण्याचे महत्त्व समजले आहे. आम्ही आमच्या ग्राहकांसोबत भागीदारी करणे आणि विकासासाठी आणि प्रेरणादायी यशासाठी उत्प्रेरक म्हणून काम करण्यास उत्सुक आहोत.” असे लुब्रिझोल आयएमईएच्या मॅनेजिंग डायरेक्टर भावना बिंद्रा यांनी म्हटले आहे.

भागीदार, ग्राहकांप्रती वचनबद्धता

“ही घोषणा कंपनीच्या कर्मचाऱ्यांसाठी, आमचे भागीदार आणि आमच्या क्षेत्रातील आमच्या ग्राहकांप्रती कायम असलेली वचनबद्धता अधोरेखित करते. भारतातील वाढती वाहतूक आणि औद्योगिक बाजारपेठ ही एक मोठी संधी आहे आणि लुब्रिझोल या उद्योगांच्या उज्ज्वल भविष्याचा एक भाग बनल्याबद्दल आनंदी आहे.” असे लुब्रिझोल इंडिया प्रायव्हेट लिमिटेडचे वाइस प्रेसिडेंट नितीन मेंगी यांनी म्हटले आहे.

हेही वाचा : भारतीय कंपन्यांसाठी खुशखबर..! ऑफिस रेंट संदर्भात महत्वाची बातमी समोर, वाचा… सविस्तर!

2023 मध्ये लुब्रिझोलने गुजरातमधील विलायत येथे जगातील सर्वात मोठ्या सीपीव्हीसी रेझिन प्लांट उभारण्यासाठी, दहेज येथील लुब्रिझोलची साइट क्षमता दुप्पट करण्यासाठी नवी मुंबईत ग्रीस लॅब उघडण्यासाठी आणि देशांतर्गत अतिरिक्त रोजगार वाढ आणि नवकल्पना सक्षम करण्यासाठी आपल्या 50 वर्षांपेक्षा जास्त वर्षांच्या इतिहासात या क्षेत्रातील 150 दशलक्ष अमेरीकी डॉलर इतकी महत्त्वपूर्ण गुंतवणूकीची घोषणा केली. या व्यतिरिक्त, या वर्षी कंपनीने या क्षेत्रातील विकासाला गती देण्यासाठी आणि ग्राहक आणि कर्मचारी यांच्यातील जवळचे सहकार्य सक्षम करण्यासाठी एक स्ट्रॅटेजिक हब म्हणून आपले पहिले ग्लोबल कॅपेबिलिटी सेंटर पुण्यात उघडले आहे.

संबंधित बातम्या