Jalgaon News: सणांचा उत्साह अन् बसस्थानक हाऊसफुल्ल! एरंडोल आगाराची 10 लाखांच्या कमाईकडे झेप

Jalgaon News: दिवाळी पाडवा आणि भाऊबीजेनिमित्त एरंडोल बसस्थानकावर प्रवाशांची मोठी गर्दी पाहायला मिळाली. 9 नोव्हेंबर रोजी दुपारी 12 वाजल्यापासून प्रवाशांची संख्या नेहमीच्या तुलनेत दुप्पट झाली. प्रवाशांची गैरसोय टाळण्यासाठी एरंडोल आगार प्रशासनाने जादा बसगाड्यांचे नियोजन केले आहे.

• दिवाळी पाडवा, भाऊबीजेला एरंडोल बसस्थानकावर तुफान गर्दी!
• प्रवाशांची संख्या दुप्पट; जादा बसगाड्यांचे नियोजन
• एरंडोल आगाराला दररोज 9 ते 10 लाखांच्या उत्पन्नाची अपेक्षा!

जळगाव दिवाळी पर्वातील अत्यंत महत्त्वाचे सण मानल्या जाणाऱ्या ‘दिवाळी पाडवा’ आणि ‘भाऊबीज’ या निमित्ताने ९ नोव्हेंबर रोजी दुपारी १२ वाजेपासून एरंडोल बसस्थानकात प्रवाशांची अभूतपूर्व गर्दी पाहायला मिळाली. एरव्हीच्या तुलनेत प्रवाशांच्या संख्येत तब्बल दुपटीने वाढ झाली असून, प्रवाशांची गैरसोय टाळण्यासाठी आगार प्रशासनाकडून जादा बसगाड्यांचे नियोजन करण्यात आले आहे.

Jalgaon News: ना बंगला, ना झगमगाट… पालकमंत्र्यांनी साजरी केली बंजारा बांधवांसोबत दिवाळी

उत्पन्न मिळण्याची शक्यता आगार

या वाढत्या प्रवासी संख्येमुळे एरंडोल बस आगाराला दररोज ९ ते १० लाख रुपयांपर्यंतचे विक्रमी उत्पन्न मिळण्याची शक्यता आगार व्यवस्थापक दिलीप महाजन यांनी वर्तवली आहे. सणासुदीनिमित्त वाढलेल्या प्रवासी संख्येच्या पार्श्वभूमीवर सायंकाळच्या सुमारास विभाग नियंत्रक -प्रज्ञेश बोरसे यांनी एरंडोल बसस्थानकाला प्रत्यक्ष भेट देऊन परिस्थितीचा आढावा घेतला.

प्रवाशांचा खोळंबा होऊ नये आणि – त्यांचा प्रवास सुखकर व्हावा, यासाठी तातडीने जादा बसगाड्यांची व्यवस्था करण्याचे स्पष्ट निर्देश त्यांनी एरंडोल आगार प्रशासनाला दिले.

दिवाळीनिमित्त बसस्थानकाने कात टाकली

• दिवाळीच्या स्वागतासाठी एरंडोल बसस्थानक इमारतीची रंगरंगोटी आणि सुशोभीकरणाची कामे युद्धपातळीवर पूर्ण करण्यात आली असून स्थानक परिसराने कात टाकली आहे.

 

• प्रवाशांची वाढती मागणी लक्षात घेऊन स्थानिक मार्गासोबतच धुळे, चाळीसगाव, शिरपूर, नाशिक, जळगाव तसेच परराज्यातील व लांब पल्ल्याच्या सेलवास, कल्याण आणि सुरत या मार्गावर विशेष बससेवा सुरू करण्यात आल्या आहेत.

 

• -एरंडोल बसस्थानक हे नागपूर सुरत राष्ट्रीय महामार्ग, नांदगाव येवला राज्य महामार्ग आणि शिरपूर छत्रपती संभाजीनगर राज्य महामार्ग या तीन प्रमुख महामार्गांच्या मोक्याच्या ठिकाणी वसलेले आहे.

Jalgaon News: अन्नभेसळीचा गंभीर प्रश्न ऐरणीवर! अन्न व औषध प्रशासनाच्या भूमिकेवर प्रश्नचिन्ह

• त्यामुळे येथे वर्षभर प्रवाशांची मोठी वर्दळ असते. मात्र, यंदा दिवाळीच्या सुट्टया आणि भाऊबीजेच्या निमित्ताने ही गर्दी तुफान वाढली असून एसटी महामंडळाच्या तिजोरीत मोठी भर पडत आहे.