नुमालीगड रिफायनरीला ग्रीन हायड्रोजन पुरवठ्याचे कंत्राट; बीपीसीएल–सेम्बकॉर्प संयुक्त उपक्रमाला संधी

भारत पेट्रोलियम कॉर्पोरेशन लिमिटेड आणि सेम्बकॉर्प ग्रीन हायड्रोजन इंडिया प्रायव्हेट लिमिटेड यांच्यातील ५०:५० संयुक्त उपक्रम असलेल्या न्यूएन ग्रीन एनर्जी प्रायव्हेट लिमिटेडला नुमालीगड रिफायनरी लिमिटेडला कंत्राट मिळाले.

• नुमालीगड रिफायनरीला ग्रीन हायड्रोजन पुरवठ्याचे कंत्राट
• बीपीसीएल-सेम्बकॉर्पचा संयुक्त उपक्रम
• भारताच्या ग्रीन हायड्रोजन मिशनला गती

 

Numaligarh Refinery Limited: भारत पेट्रोलियम कॉर्पोरेशन लिमिटेड आणि सेम्बकॉर्प ग्रीन हायड्रोजन इंडिया प्रायव्हेट लिमिटेड यांच्यातील ५०:५० संयुक्त उपक्रम असलेल्या न्यूएन ग्रीन एनर्जी प्रायव्हेट लिमिटेडला नुमालीगड रिफायनरी लिमिटेडला वार्षिक १० हजार टन ग्रीन हायड्रोजन पुरवठा करण्याचे कंत्राट मिळाले. निवेदनानुसार, या करारानुसार, न्युएन आसाममधील एनआरएलच्या रिफायनरीमध्ये ग्रीन हायड्रोजन उत्पादन प्रकल्प विकसित करणार.

याचे व्यावसायिक कामकाज २०२८ मध्ये सुरू होण्याची अपेक्षा आहे. यात नवीकरणीय ऊर्जेसोबत प्रगत साठवणूक प्रणालीचा वापर केला जाईल. त्यामुळे रिफायनरीचे कार्बन उत्सर्जन कमी करण्यासाठी २४ तास विश्वसनीय कामकाज शक्य होईल. भारत पेट्रोलियम कॉर्पोरेशन लिमिटेडचे अध्यक्ष आणि व्यवस्थापकीय संचालक संजय खन्ना म्हणाले, भविष्यासाठी सज्ज आणि मजबूत ऊर्जा क्षेत्र उभारण्याच्या बीपीसीएलच्या प्रवासातील हा प्रकल्प एक महत्त्वाचा टप्पा आहे.

हे देखील वाचा: Meta lawsuit USA: Meta Platforms ला मोठा झटका; अमेरिकन न्यायालयाकडून ३७५ दशलक्ष डॉलर दंड

न्यूएनच्या माध्यमातून, आम्ही हरित हायड्रोजन मूल्य साखळीमध्ये आमचे स्थान अधिक मजबूत करित आहे. स्वच्छ ऊर्जा उपायांचे पुरवठादार बनविणाच्या दिशेने वाटचाल करित आहे. ही उपलब्धी भारताच्या हरित हायड्रोजन महत्त्वाकांक्षांना पुढे नेण्याच्या दिशेने एक महत्त्वपूर्ण पाऊल आहे. कमी-कार्बन ऊर्जा भविष्याला सक्षम करण्याच्या सेम्बकॉर्पच्या धोरणाशी सुसंगत आहे, असे सेम्बकॉर्पचे अध्यक्ष, रिन्युएबल्स बिझनेस (वेस्ट) आणि सीईओ, हायड्रोजन बिझनेस, विपुल तुली म्हणाले.

तज्ज्ञांच्या मते, भारतात ग्रीन हायड्रोजन क्षेत्र वेगाने विकसित होत आहे. सरकारच्या धोरणात्मक पाठबळामुळे अनेक मोठ्या कंपन्या या क्षेत्रात गुंतवणूक करत आहेत. नुमालीगड रिफायनरीसारख्या प्रकल्पांमुळे उद्योगांमध्ये हरित ऊर्जेचा वापर वाढेल आणि दीर्घकालीन पर्यावरणीय फायदे मिळतील.

हे देखील वाचा: Life Insurance News: भारतीय कुटुंबांचा ‘आर्थिक कणा’ ठरतोय जीवन विमा; एका वर्षात 6.30 लाख कोटी रुपयांचे लाभ वितरित!

ही ईशान्य भारतातील एक महत्त्वाची रिफायनरी असून, देशातील ऊर्जा सुरक्षेसाठी तिची भूमिका महत्त्वाची आहे. या प्रकल्पामुळे रिफायनरीच्या ऑपरेशन्स अधिक हरित आणि टिकाऊ बनण्यास मदत होणार आहे. एकूणच, बीपीसीएल आणि सेम्बकॉर्पच्या या संयुक्त उपक्रमाला मिळालेले कंत्राट हे भारताच्या स्वच्छ ऊर्जा क्षेत्रातील वाढत्या गुंतवणुकीचे आणि हरित तंत्रज्ञानाकडे होत असलेल्या संक्रमणाचे प्रतीक मानले जात आहे.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.