Diwali Muhurat Trading 2026 : शेअर बाजारावर लक्ष्मीची कृपा! दिवाळी मुहूर्त ट्रेडिंगदरम्यान तेजीत सुरुवात; कोणते शेअर्स चमकले?

Diwali Muhurat Trading 2026 :दिवाळीच्या शुभ मुहूर्तावर आणि नवीन 'संवत' वर्षाच्या स्वागतासाठी आयोजित करण्यात आलेल्या विशेष 'मुहूर्त ट्रेडिंग' सत्रात भारतीय शेअर बाजाराने तेजीत सुरुवात केली आहे. या पारंपारिक एका तासाच्या विशेष ट्रेडिंग दरम्यान सेन्सेक्स आणि निफ्टीमध्ये सकारात्मक वाढ पाहायला मिळाली.

• शेअर बाजारावर लक्ष्मीची कृपा!
• दिवाळी मुहूर्त ट्रेडिंगदरम्यान तेजीत सुरुवात
• मुहुर्तावर कोणते शेअर्स चमकले?

Diwali Muhurat Trading 2026 : आज रविवारी असून सुद्धा दिवाळीच्या निमित्ताने शेअर बाजारात मुहूर्त ट्रेडिंगला सुरुवात झाली. आजच्या दिवशी शेअर बाजारावर लक्ष्मीची कृपा दिसली. सेन्सेक्स २७१.३२ अंकांच्या वाढीसह ८१,२९९.३४ वर उघडल तर निफ्टी ५० देखील सुमारे ४० अंकांच्या वाढीसह २५,०७०.४५ वर उघडला. सेन्सेक्स अल्पावधीत ४०० हून अधिक अंकांनी वाढला. या काळात काही शेअर्समध्ये बरीच वाढ झाली. या कोणत्या शेअर्सचा समावेश होता? मुहुर्त ट्रेडिंग म्हणजे काय? सगळं जाणून घेऊयात. ( Diwali Muhurat Trading 2026 ) 

Bank Holidays November : काय सांगता? बँकेची कामं तातडीने उरकून घ्या… पुढच्या आठवड्यात 6 दिवस बँका राहणार बंद

शुक्रवारी, सेन्सेक्स १७३१ अंकांनी वाढून १४२३६४ वर बंद झाला. निफ्टी ५० मध्येही मोठी वाढ दिसून आली आणि तो ४९३.७५ अंकांच्या वाढीसह २५,०३०.३५ वर बंद झाला होता. मात्र रविवारी दिवाळीच्या मुहुर्तावर ट्रेडिंगनिमित्त लक्ष्मीजी प्रसन्न झाल्याचं दिसून आलं. या काळात टाटा स्टील, सन फार्मा, अदानी पोर्ट्स, एचडीएफसी बँक इत्यादींच्या शेअर्समध्ये वाढ झाली.

पैशांचं सेटलमेंट कधी होणार?

मुहूर्त ट्रेडिंग दरम्यान झालेल्या व्यवहारांची सेटलमेंट एक्सचेंजच्या नियमांनुसार केली जाईल. एनएसई क्लिअरिंगच्या २१ ऑक्टोबरच्या परिपत्रकानुसार, ८ नोव्हेंबर रोजी शेअर बाजारात झालेल्या व्यवहारांची सेटलमेंट सोमवार, ९ नोव्हेंबर रोजी केली जाईल.पे-इनची वेळ सायंकाळी ४:३० आणि पे-आउटची वेळ रात्री ९ वाजता निश्चित करण्यात आली आहे. याचा अर्थ असा की, गुंतवणूकदारांच्या व्यवहारांशी संबंधित रक्कम आणि शेअर्सची सेटलमेंट टी+१ सेटलमेंट नियमानुसार केली जाणार आहे.

मुहूर्त ट्रेडिंग म्हणजे काय?

मुहूर्त ट्रेडिंग हे दिवाळीच्या दिवशी शेअर बाजारात आयोजित केले जाणारे एक विशेष ट्रेडिंग सत्र आहे. हे सत्र दरवर्षी लक्ष्मी पूजेच्या निमित्ताने आयोजित केले जाते. हा दिवस हिंदू पंचांगातील नवीन संवत वर्षाची सुरुवात देखील दर्शवतो. भारतीय गुंतवणूकदार मुहूर्त ट्रेडिंगला शुभ मानतात. अनेक लोक परंपरेनुसार या दिवशी नवीन गुंतवणूक सुरू करतात आणि शेअर्स खरेदी करतात. पण, हे एका सामान्य ट्रेडिंग सत्रासारखेच आहे आणि यातील गुंतवणूक बाजारातील जोखमीच्या अधीनच असते.

बाजारात दिवाळीपूर्व तेजी

दिवाळीच्या अगदी आधी भारतीय शेअर बाजारात विक्रमी तेजी नोंदवली गेली. सेन्सेक्स आणि निफ्टी दोन्ही सलग सात ट्रेडिंग दिवसांपासून वाढीसह बंद झाले. या कालावधीत, सेन्सेक्सने १०.६% (७,७८२ अंकांची) नेत्रदीपक उसळी घेतली, जी गेल्या ३५ वर्षांतील सर्वात मोठी दिवाळीपूर्व तेजी मानली जाते. निफ्टीमध्येही १०.२७% ची वाढ झाली. शेअर बाजारातील या प्रचंड तेजीमुळे गुंतवणूकदारांच्या संपत्तीत अंदाजे २९.५७ लाख कोटी रुपयांची भर पडली आहे.

Gold Prices Global Vs India : जगभरात तब्बल 24% तर घसरले सोन्याचे भाव! मग भारतात फक्त 20% घसरण का? या फरकामागचं मोठं कारण समोर