आनंदाची बातमी! तुम्ही HDFC बँककडून कर्ज घेतलंय का? आता कमी होणार EMI

HDFC बँकेने ओव्हरनाईट MCLR दर 5 bps ने 9.20% वरून 9.15% पर्यंत कमी केला आहे. नवीन सुधारित व्याजदर आजपासून लागू झाले आहेत. आम्ही तुम्हाला या लेखातून सांगत आहोत की, MCLR दर कमी झाल्यामुळे व्याजदरही कमी होतील. व्याजदरात घट म्हणजे ईएमआयमध्ये घट. त्याचा लाभ त्या सर्व ग्राहकांना मिळेल ज्यांचे कर्ज SCLR शी लिंक आहे. एचडीएफसी बँकेचे आधीचे व्याजदर हे सामान्य लोकांना परडवण्यासारखे नव्हते असंही म्हटलं जातं. पण आता ज्यांनी या बँकेकडून कर्ज घेतले आहे त्यांच्यासाठी ही नक्कीच आनंदाची बातमी आहे. यामुळे घर घेण्याची इच्छा असणाऱ्यांसाठीही नवे दरवाजे खुले झाले असल्याचे दिसून येत आहे. 

व्याजदरात कपात केल्यामुळे गृहकर्ज, वैयक्तिक कर्ज आणि व्यवसाय कर्जासारख्या जुन्या फ्लोटिंग रेट कर्जांचा ईएमआय कमी होईल. आम्ही तुम्हाला सांगतो की MCLR दर हा दर असतो ज्यावर कोणतीही बँक आपल्या ग्राहकांना कर्ज देते. ज्या बँकेने लोकांना कर्ज दिले त्या बँकेकडून घेतलेला हा किमान व्याजदर आहे.

काय आहे नवा व्याजदर?

• HDFC बँकेचा ओव्हरनाईट MCLR 9.20% वरून 9.15% पर्यंत कमी झाला आहे
• एका महिन्याचा MCLR दर 9.20% वर कायम आहे. यामध्ये कोणताही बदल करण्यात आलेला नाही
• तीन महिन्यांचा MCLR देखील 9.30% वर कायम आहे, त्यातही कोणताही बदल झालेला नाही
• सहा महिन्यांचा MCLR दर 9.50% वरून 9.45% पर्यंत 5 आधार अंकांनी कमी केला आहे
• एक वर्षाचा MCLR दर 9.50% वरून 9.45% पर्यंत कमी केला आहे
• दोन वर्षांचा MCLR 9.45% वर कायम आहे, त्यात कोणताही बदल केलेला नाही
• 3 वर्षांचा MCLR 9.50% वरून 9.45% पर्यंत कमी करण्यात आला

नव्या जुन्या ग्राहकांवर परिणाम

MCLR मधील बदल तुमच्या कर्जाच्या व्याजदर आणि EMI वर थेट परिणाम करेल. एचडीएफसी बँकेकडून गृहकर्ज, कार लोन किंवा वैयक्तिक कर्ज घेणाऱ्या नवीन आणि जुन्या ग्राहकांचा ईएमआय कमी होईल. जर तुम्ही घर किंवा कार घेण्याचा विचार करत असाल तर HDFC च्या MCLR मध्ये कपात केल्यामुळे तुम्हाला स्वस्त कर्ज मिळू शकेल. ज्यांचे कर्ज आधीच चालू आहे, त्यांचा EMI कमी होईल आणि कर्जफेड लवकर करण्यासाठी त्यांचा हातभार लागू शकतो जे नव्या वर्षात नक्कीच आनंददायी असल्याचे आता बोलले जात आहे

संबंधित बातम्या