HDFC Bank Q1 Result: एचडीएफसी बँकेला तगडा नफा, पहिल्यांदाच देणार बोनस शेअर आणि रू. 5 चे लाभांश

HDFC Bank ने या तिमाहीत जबरदस्त निकाल दिले आहेत. नफ्यात वाढ होण्यासोबतच, बँकेने पहिल्यांदाच बोनस शेअर्स आणि ₹ 5 चा विशेष लाभांश देखील जाहीर केला आहे. जाणून घेऊया काय खास होते

देशातील सर्वात मोठी खाजगी बँक एचडीएफसी बँकेने शनिवारी पहिल्या तिमाहीचे (FY26) निकाल जाहीर केले. बँकेचा निव्वळ नफा वर्षानुवर्षे १२.२४% वाढून १८,१५५.२१ कोटी झाला आहे, जो गेल्या वर्षीच्या याच तिमाहीत ₹१६,१७४.७५ कोटी होता. यामुळे पहिल्यांदा एचडीएफसीने मोठे पाऊल उचलत घोषणा केली आहे. 

बँकेचे व्याज उत्पन्न आणि खर्च दोन्ही वाढले असल्याचे या तिमाहीत दिसून आले आहे. जून तिमाहीत बँकेने ₹७७,४७० कोटी व्याज उत्पन्न मिळवले, जे गेल्या वर्षीच्या ₹७३,०३३ कोटींपेक्षा सुमारे ६% जास्त आहे. याच कालावधीत, व्याज खर्च देखील ₹४६,०३२.२३ कोटी झाला, जो गेल्या वर्षीच्या ₹४३,१९६ कोटी होता (फोटो सौजन्य – iStock) 

निव्वळ व्याज उत्पन्नात ५.४% वाढ

बँकेने म्हटले आहे की जून २०२५ च्या तिमाहीत निव्वळ व्याज उत्पन्न (म्हणजे व्याज उत्पन्न आणि खर्चातील फरक) ₹३१,४३९ कोटी होते, जे गेल्या वर्षीच्या याच तिमाहीत ₹२९,८३९ कोटी होते. तर निव्वळ व्याजदरात घट किती झाला असा प्रश्नही आहे. त्याचे उत्तर म्हणजे एचडीएफसी बँकेचा कोअर नेट इंटरेस्ट मार्जिन (एनआयएम) एकूण मालमत्तेच्या ३.३५% होता, तर मार्च २०२५ च्या तिमाहीत तो ३.४६% होता. याचा अर्थ बँकेने कर्जांवरील व्याजदरात लवकर वाढ केली परंतु ठेवींचे दर थोडे उशिरा बदलले.

HDFC Bank Dividend: एचडीएफसी बँक प्रत्येक शेअरवर देईल ‘इतका’ डिविडेंड, रेकॉर्ड डेट लक्षात ठेवा

ऑपरेटिंग नफा आणि तरतूद

पहिल्या तिमाहीत एचडीएफसी बँकेचा ऑपरेटिंग नफा ₹३५,७३४ कोटी होता. तथापि, तरतुदी (म्हणजेच बुडीत कर्जांपासून संरक्षण करण्यासाठी ठेवलेले पैसे) लक्षणीयरीत्या वाढून ₹१४,४४२ कोटी झाल्या, ज्यामध्ये ₹९,००० कोटी फ्लोटिंग प्रोव्हिजन आणि ₹१,७०० कोटी आकस्मिक तरतूद समाविष्ट आहे.

एकूण कर्जे आणि ठेवी

३० जून २०२५ पर्यंत, बँकेचे एकूण कर्ज ₹२६.५३ लाख कोटी होते, जे वार्षिक ६.७% वाढ आहे. एकूण ठेवी ₹२७.६४ लाख कोटींवर पोहोचल्या, ज्या १६.२% वाढ नोंदवतात. त्याच वेळी, CASA प्रमाण गेल्या वर्षीच्या ३८.२% वरून ३३.९% पर्यंत घसरले. बचत खात्यांमध्ये ₹६.३९ लाख कोटी ठेवी आणि चालू खात्यांमध्ये ₹२.९८ लाख कोटी ठेवी आहेत.

HDB फायनान्शियल सर्व्हिसेसच्या IPO मधून मोठा नफा झाला असून  बँकेने तिच्या उपकंपनी HDB फायनान्शियल सर्व्हिसेसच्या अलिकडच्या IPO मधून ₹९,१२८ कोटींचा करपूर्व नफा मिळवला आहे. त्याच वेळी, बँकेचा एकूण NPA प्रमाण १.४०% आणि निव्वळ NPA ०.४७% होता. दोन्हीमध्ये थोडीशी वाढ झाली आहे. मालमत्तेवर परतावा (ROA) ०.४८% वर स्थिर राहिला. बँकेचा CAR १९.८८% पर्यंत वाढला आहे, जो गेल्या वर्षी याच तिमाहीत १९.३३% होता.

यावर्षातील सर्वात मोठा IPO, यामागे आहे HDFC Bank चा हात? गुंतवणूक करणे फायद्याचे की तोट्याचे

पहिल्यांदाच बोनस शेअर्स घोषणा 

HDFC बँकेने पहिल्यांदाच बोनस शेअर्स देण्याची घोषणा केली आहे. १:१ च्या प्रमाणात बोनस दिला जाईल, म्हणजेच तुमच्याकडे असलेल्या शेअर्सच्या संख्येइतकाच बोनस तुम्हाला मिळेल. रेकॉर्ड डेट २७ ऑगस्ट निश्चित करण्यात आली आहे.

तर ५ रुपयेचा विशेष लाभांश देण्यात येईल. एचडीएफसी बँकेने प्रति शेअर ५ रुपये विशेष अंतरिम लाभांश देखील जाहीर केला आहे. त्याची रेकॉर्ड डेट २५ जुलै २०२५ आहे आणि ११ ऑगस्ट रोजी पेमेंट केले जाईल. दरम्यान शुक्रवारी, HDFC Bank चे शेअर्स BSE वर १.४७% घसरून ₹१,९५७.४० वर बंद झाले हे गुंतवणुकदारांनी लक्षात ठेवावे. 

टीपः येथे दिलेली माहिती विश्लेषक आणि ब्रोकरेज कंपन्यांच्या मतावर आधारित आहे. गुंतवणूक करण्यापूर्वी आर्थिक तज्ज्ञांचा सल्ला घेणे महत्त्वाचे आहे.