फक्त 7 हजार रुपयांच्या SIP वर 1.30 कोटींचा पोर्टफोलिओ कसा करता येईल? समजून घ्या ‘हा’ सोपा हिशोब

जर तुम्ही SIP च्या माध्यमातून करोडपती बनण्याचे स्वप्न पाहत असाल तर ही बातमी तुमच्यासाठी आहे. चला जाणून घेऊयात दरमहा 7 हजार रुपयांच्या SIP वर तुम्ही कसे करोडपती बनू शकता?

• म्युचल फंडमधील गुंतवणुकीत वाढ
• 7 हजार रुपयांच्या SIP वर करोडपती?
• जाणून घ्या सोपे कॅल्क्युलेशन

हल्ली अनेक नोकरदार व्यक्ती भविष्यात आर्थिक अडचणींचा सामना करावा लागू नये यासाठी विविध म्युचल फंडमध्ये SIP म्हणजेच दरमहा एक ठराविक रक्कम गुंतवत असतात. सोशल मीडियावर तर आपल्याला असे अनेक व्हिडिओ बघायला मिळेल जिथे आर्थिक सल्लागार तुम्ही एसआयपीच्या जोरावर कसे करोडपती व्हाल याबद्दल सांगत असतात.

भारतीय गुंतवणूकदार नेहमीच चांगल्या गुंतवणुकीच्या शोधात असतात. अनेक गुंतवणूकदार सुरक्षित गुंतवणूक पर्यायांना प्राधान्य देतात, तर काही बाजारातील जोखीम घेण्यास तयार असतात. जर तुम्ही कमी रकमेची गुंतवणूक करून मोठा निधी उभारण्याची योजना आखत असाल, तर तुम्ही सिस्टिमॅटिक इन्व्हेस्टमेंट प्लॅन (SIP) चा विचार करू शकता.

Salary PF: नव्या लेबर कोडनुसार जास्त PF कपात होणार कमी होणार वेतन? सरकारने भीती मिटवली; चिंता केली दूर

म्युच्युअल फंड SIP मध्ये दीर्घ कालावधीसाठी कमी रकमेची गुंतवणूक करून, तुम्ही कोट्यवधी रुपयांचा निधी उभारू शकता. स्टेप-अप SIP मध्ये दरमहा 7000 रुपये गुंतवल्याने तुम्हाला 1.30 कोटींचा निधी उभारण्यास कशी मदत होऊ शकते त्याबद्दल जाणून घेऊयात.

असा आहे एसआयपीचा फंडा

स्टेप-अप एसआयपी गुंतवणुकीअंतर्गत, तुम्ही दरवर्षी तुमच्या मासिक एसआयपी रकमेत अंदाजे 10% वाढ करता. तर तुमच्या गुंतवणुकीची रक्कम कालांतराने वाढते, ज्यामुळे फंडातील एकूण ठेवींमध्ये वाढ होते. याव्यतिरिक्त, तुम्हाला स्टॅंडर्ड एसआयपीपेक्षा जास्त परतावा मिळतो.

म्युच्युअल फंड एसआयपी सरासरी 12% परतावा देऊ शकतात. बाजारातील हालचालींनुसार हा परतावा चढ-उतार होऊ शकतो. मात्र, स्टेप-अप एसआयपीचे वैशिष्ट्य म्हणजे, वाढत्या गुंतवणूक रकमेमुळे, ते सामान्यतः स्टॅंडर्ड एसआयपीपेक्षा जास्त परतावा देते.

Festival Based Small Business: ख्रिसमस–नववर्षात घरगुती व्यवसायांना सोन्याचे दिवस; पगारासोबत, महागाईत दिलासा देणारे पर्याय

…आणि तुम्ही 1.30 कोटींचे मालक व्हाल

जर तुम्ही दरमहा 7,000 रुपयांइतकी स्टेप-अप SIP सुरू करून ती सलग 20 वर्षे चालू ठेवली, तर एकूण गुंतवणूक सुमारे 48.11 लाख रुपये इतकी होईल. बाजाराची परिस्थिती अनुकूल राहिल्यास, या गुंतवणुकीवर सरासरी 12 टक्के वार्षिक परतावा मिळण्याची शक्यता असते. या अंदाजानुसार, 20 वर्षांनंतर तुमच्याकडे सुमारे 1.30 कोटी रुपयांचा निधी तयार होऊ शकतो. म्हणजेच तुमची एकूण कमाई अंदाजे 82.30 लाख रुपये होण्याची शक्यता आहे.

स्टेप-अप SIP पद्धतीत पहिल्या वर्षी दरमहा 7,000 रुपये गुंतवावे लागतात, तर दुसऱ्या वर्षी ही रक्कम 10 टक्क्यांनी वाढवून 7,700 रुपये करावी लागते. अशाच प्रकारे दरवर्षी गुंतवणूक रक्कम वाढवत ही प्रक्रिया पुढील 20 वर्षे सातत्याने सुरू ठेवावी लागते.