Share Market Today: घसरणीने होणार आठवड्याची सुरुवात? कोटक महिंद्रा बँकसह ‘हे’ शेअर्स गुंतवणूकदारांना देणार कमाईची संधी

Stock Market Update: आठवड्याच्या पहिल्याच दिवशी आज गुंतवणूकदारांचं लक्ष शेअर बाजाराकडे आहे. शुक्रवारी झालेल्या मोठ्या घसरणीनंतर आज शेअर बाजाराची सुरुवात सकारात्मक व्हावी, अशी आशा गुंतवणूकदारांनी व्यक्त केली आहे.

२८ जुलै रोजी आज सोमवारी भारतीय शेअर बाजार घसरणीसह उघडण्याची शक्यता वर्तवण्यात आली आहे. जागतिक बाजारातील मिश्र संकेतांमुळे सोमवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, घसरणीसह उघडण्याची शक्यता असल्याचं तज्ज्ञांनी सांगितलं आहे. गिफ्ट निफ्टी २४,८३२ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ १८ अंकांनी कमी होता. आज आठवड्याची सुरुवातच घसरणीसह होणार असल्याचा अंदाज तज्ज्ञांनी वर्तवला आहे.

Price Dropped: Samsung Galaxy S25 Ultra 5G वर मिळतंय मोठं डिस्काऊंट! 25 हजार रुपयांनी कमी झाली किंमत, असा घ्या ऑफर्सचा फायदा

शुक्रवारी, भारतीय शेअर बाजार मोठ्या प्रमाणात घसरणीसह बंद झाला, बेंचमार्क निफ्टी ५० २४,९०० च्या खाली बंद झाला. सेन्सेक्स ७२१.०८ अंकांनी किंवा ०.८८% ने घसरून ८१,४६३.०९ वर बंद झाला, तर निफ्टी ५० २२५.१० अंकांनी किंवा ०.९०% ने घसरून २४,८३७.०० वर बंद झाला. शुक्रवारी बँक निफ्टी निर्देशांक ५३७.१५ अंकांनी किंवा ०.९४% ने घसरून ५६,५२८.९० वर बंद झाला. शुक्रवारी बेअरिंग, निफ्टी फार्मा आणि हेल्थकेअर आणि इतर सर्व क्षेत्रीय निर्देशांक लाल रंगात बंद झाले. निफ्टी मीडिया, पीएसयू बँका, ऑइल अँड गॅस आणि मेटलमध्ये मोठी घसरण झाली.  (फोटो सौजन्य – Pinterest) 

आजच्या व्यवहारात गुंतवणूदार आयडीएफसी फर्स्ट बँक, एनटीपीसी ग्रीन, कोटक महिंद्रा बँक, स्टील अथॉरिटी ऑफ इंडिया, ओला इलेक्ट्रिक, एसबीआय कार्ड्स, सेंट्रल डिपॉझिटरी सर्व्हिसेस (भारत),टाटा केमिकल्स, पूनवाला फिनकॉर्प, अदानी टोटल, रेलटेल, माझगाव डॉक, बीईएल, इंडसइंड बँक, वारी एनर्जीज, या शेअर्सवर लक्ष केंद्रीत करू शकतात. प्रभुदास लिल्लाधर येथील तांत्रिक संशोधन उपाध्यक्ष वैशाली पारेख, आनंद राठी येथील तांत्रिक संशोधन उपाध्यक्ष मेहुल कोठारी, एसएस वेल्थस्ट्रीटच्या संस्थापक सुगंधा सचदेवा आणि लक्ष्मीश्री इन्व्हेस्टमेंट येथील संशोधन प्रमुख अंशुल जैन यांनी आज गुंतवणूकदारांना १०० रुपयांपेक्षा कमी किंमतीत खरेदी करण्यासाठी चार इंट्राडे स्टॉकची शिफारस केली आहे. ज्यामध्ये बोदल केमिकल्स, आयओबी, हजूर मल्टी प्रोजेक्ट्स आणि डीसीडब्ल्यू यांचा समावेश आहे.

चॉइस ब्रोकिंगचे कार्यकारी संचालक सुमित बगडिया यांनी आज गुंतवणूकदारांना हबटाऊन, होम फर्स्ट फायनान्स कंपनी इंडिया, नीलकमल , जगसनपाल फार्मास्युटिकल्स आणि ले ट्रॅव्हेन्यूज टेक्नॉलॉजी या पाच ब्रेकआउट स्टॉकची खरेदी करण्याची शिफारस केली आहे. प्रभुदास लिलाधर येथील तांत्रिक संशोधन विभागाच्या उपाध्यक्ष वैशाली यांनी आज गुंतवणूकदारांना लुपिन, बोदल केमिकल्स आणि अनुपम रसायन इंडिया या तीन स्टॉकची शिफारस केली आहे.

स्वस्तात मस्त! ऑफर्स, डिस्काऊंट आणि बरंच काही… Flipkart ची ग्राहकांना खास भेट, लवकरच सुरु होणार Freedom Sale 2025

शेअर बाजारातील तज्ज्ञांनी सांगितलं आहे की, या आठवड्यात, गुंतवणूकदार अमेरिका-भारत व्यापार करारातील घडामोडी, यूएस फेडरल रिझर्व्ह बैठक, ऑटो विक्री डेटा, आयपीओ अ‍ॅक्टिव्हिटी, पहिल्या तिमाहीचे निकाल, कच्च्या तेलाच्या किमतीतील ट्रेंड आणि इतर प्रमुख देशांतर्गत आणि जागतिक आर्थिक डेटासह प्रमुख शेअर बाजारातील ट्रिगरवर लक्ष केंद्रित करतील.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)