- Business »
भारतीय कंपन्यांचा जगभरात डंका; जेएसडब्ल्यूने खरेदी केली ऑस्ट्रेलियाची ‘ही’ कंपनी!
भारती एंटरप्रायझेस अर्थात भारती एअरटेलचे अध्यक्ष सुनील मित्तल ब्रिटनमधील सर्वात मोठी दूरसंचार कंपनी बीटी समुहामधील 24.5 टक्के हिस्सा खरेदी करणार असल्याचे नुकतेच समोर आले. अशातच आता देशातील आघाडीची कंपनी जेएसडब्लू स्टीलने 'एम रेस एनएसडब्ल्यू' (M Res NSW) ही ऑस्ट्रेलियाची मोठी खाण कंपनी विकत घेतल्याचे समोर आले आहे.
भारतीय कंपन्यांचा जगभरात डंका; जेएसडब्ल्यूने खरेदी केली ऑस्ट्रेलियाची 'ही' कंपनी!
भारतीय कंपन्या जगभरात आपला डंका गाजवत आहे. नुकतीच भारती एंटरप्रायझेसने ब्रिटनमधील सर्वात मोठी दूरसंचार कंपनी बीटी समुहामधील मोठा हिस्सा खरेदी करून, टाटा-महिंद्रासारख्या दिग्गज कंपन्यांच्या यादीत स्थान निर्माण केले आहे. अशातच आता देशातील आघाडीची कंपनी जेएसडब्लू स्टीलने ‘एम रेस एनएसडब्ल्यू’ (M Res NSW) ही ऑस्ट्रेलियाची मोठी खाण कंपनी विकत घेतल्याचे समोर आले आहे. हे जेएसडब्ल्यूचे मोठे यश मानले जात आहे. त्यामुळे आता कंपनीला यापुढे कच्च्या मालाची कोणतीही अडचण येणार नाही.
66.67 टक्के हिस्सा घेतला विकत
सज्जन जिंदाल यांच्या नेतृत्वाखालील जेएसडब्लू स्टील ही कंपनी वेगाने विस्तारत आहे. कंपनीने हा करार तिच्या उपकंपनी जेएसडब्लू स्टील नेदरलँडच्या माध्यमातून केला आहे. कंपनीने ‘एम रेस एनएसडब्ल्यू’ (M Race NSW) मधील 66.67 टक्के हिस्सा विकत घेतला आहे. जेएसडब्लू स्टीलच्या संचालक मंडळाने 12 ऑगस्ट 2024 रोजी झालेल्या बैठकीत ‘एम रेस एनएसडब्ल्यू’च्या अधिग्रहणास मान्यता दिली आहे, असे कंपनीकडून शेअर बाजारातील एक्सचेंज फाइलिंगमध्ये सांगण्यात आले आहे. जेएसडब्लू स्टील नेदरलँड्सने हा करार 120 दशलक्ष डॉलरमध्ये केला आहे.
हेही वाचा : ‘ही’ भारतीय कंपनी करणार ब्रिटिश कंपनीसोबत 33,578 कोटींचा करार; शेअर्सवर दिसणार परिणाम!
50 दशलक्ष डॉलर गुंतवणूक करावी लागणार
जेएसडब्ल्यू स्टीलने या खरेदी कराराबाबत सांगितले आहे की, कच्चा माल सुरक्षित करणे आणि खर्च कमी करण्याच्या उद्देशाने हे अधिग्रहण करण्यात आले आहे. अटींनुसार, जेएसडब्ल्यू स्टीलला ‘एम रेस एनएसडब्ल्यू’मध्ये 50 दशलक्ष डॉलर गुंतवणूक करावी लागणार आहे. अलीकडे जेएसडब्ल्यू स्टीलने मोझांबिकमध्ये कोळसा खाण प्रकल्प चालवणारी मिनास डी रेवुबो लिमिटाडा (Minas de Revuboe Limitada) कंपनी देखील विकत घेतली होती. जेएसडब्ल्यू स्टीलने 2030 पर्यंत 50 दशलक्ष टन स्टील उत्पादन क्षमता गाठण्याचे लक्ष्य ठेवले आहे.
काय करते एम रेस एनएसडब्ल्यू कंपनी?
एम रेस एनएसडब्ल्यू मॅथ्यू लॅटिमोर यांच्या मालकीची आहे. ते एम रिसोर्सेस प्रायव्हेट लिमिटेडचे मालक आहेत. ही एक खाणकाम, गुंतवणूक, विपणन आणि ट्रेडिंग कंपनी आहे. तिचे मुख्यालय ऑस्ट्रेलियात आहे. एम रेस एनएसडब्ल्यूचा गोल्डन M NSW Pty Ltd मध्ये 30 टक्के हिस्सा आहे. त्यांच्या खाणी ऑस्ट्रेलियातील न्यू साउथ वेल्समध्ये आहेत. या खाणींमध्ये 99 दशलक्ष टन प्राइम हार्ड कोकिंग कोळशाचा साठा आहे.
Web Title: Jsw steel acquired m race nsw an australian mining company
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
ताज्या बातम्या
‘ठरलं तर मग’मध्ये पूर्णा आजींची भूमिका कोण साकारणार? नव्या पात्राबद्दल सुचित्रा बांदेकरचा मोठा खुलासा
Samsung Galaxy Buds 3 FE ग्लोबल मार्केट्समध्ये लाँच, गाणी ऐकण्याची मजा होणार दुप्पट! या खास फीचर्सने सुसज्ज आहे ईयरबड्स Samsung G
पचनसंस्था कायमच राहील निरोगी! ‘हे’ सोपे नियम फॉलो करून मिळवा पोटाच्या विकारांपासून कायमची सुटका, सुधारेल आरोग्य
BRICS Rupee Trade : भारतासाठी सुवर्ण क्षण! BRICS देशांचा मोठा निर्णय, व्यापार होणार डॉलरऐवजी ‘Indian Rupee’मध्ये
कोण आहे Utsav Dahiya? ज्याचा अपूर्व मुखिजावर फसवणुकीचा आरोप; व्हायरल व्हिडीओने उडाली खळबळ
Pimpri Chinchwad crime news: पिंपरी – चिंचवडमध्ये बेकायदा पिस्तुलांचा वापर, पाच जण वेगवेगळ्या ठिकाणाहून अटक
कुंभी धरणाच्या पाणलोट क्षेत्रात जोरदार अतिवृष्टी; अनेक रस्त्यांवर पाणीच पाणी
व्हिडिओ
Kalyan : कल्याणमध्ये पावसामुळे कोसळली घराची भिंत
Kolhapur News : राजकीय सोयीसाठी प्रभाग पद्धत रद्द करावी-असीम सरोदे
Parbhani : कृषी पदवीधारकांचा आक्रोश मोर्चा; विद्यापीठातील जागा भरण्याची मागणी
Ahilyanagar : अहिल्यानगरमध्ये आरोग्य कर्मचाऱ्यांचे बेमुदत आंदोलन, नेमकं प्रकरण काय ?
Palghar : पालघरमध्ये ठेकेदारांचे जिल्हाधिकारी कार्यालयासमोर आक्रमक आंदोलन
Ahilyanagar : अजित पवारांचे गोरक्षकांविरोधी विधान, सागर बेगांचा संतप्त सवाल
