उद्धव ठाकरेंवर एकनाथ शिंदेंचा जोरदार पलटवार (Photo Credit : Social Media)
मुंबई : महाराष्ट्राच्या राजकारणात पुन्हा एकदा आरोप-प्रत्यारोपांचा धुरळा उडाला आहे. पुण्यात दिवंगत उपमुख्यमंत्री अजित पवार यांच्या अर्धाकृती पुतळ्याच्या अनावरण करण्यात आले. यासाठी केंद्रीय गृहमंत्री अमित शाह पुण्यात आले होते. यावेळी अजित पवारांच्या आठवणींना उजाळा देताना त्यांनी कोरोना काळातील घटनांचा उल्लेख केला. त्यावेळी नाव न घेता तत्कालीन मुख्यमंत्री उद्धव ठाकरे यांच्यावर निशाणा साधल्याची चर्चा रंगली.
अमित शाह यांच्या या विधानावर उद्धव ठाकरे यांनीही पलटवार केला. त्यांचा उल्लेख ‘चकाट्या पिटणारा गृहमंत्री’ असा करत ठाकरेंनी टीका केली. आता या वादात उपमुख्यमंत्री एकनाथ शिंदे यांनी उडी घेत उद्धव ठाकरेंना जोरदार प्रत्युत्तर दिलं आहे. (Eknath Shinde)
‘मफलर मॅन’वरून रोहित पवारांचा फडणवीसांवर निशाणा; सुप्रिया सुळेंनी स्पष्टच सांगितलं…
पत्रकारांनी उद्धव ठाकरेंच्या टीकेबाबत विचारलं असता शिंदे यांनी 2019 मधील सत्तास्थापनेच्या राजकारणाचा मुद्दा उपस्थित केला. ‘ज्यांनी 2019 मध्ये महाराष्ट्राच्या 14 कोटी जनतेशी खोटं बोललं, भाजपच्या पाठीत खंजीर खुपसला, मुख्यमंत्रीपदासाठी खोटं बोलले, मग खरा मोठा थापाडा कोण?’ असा सवाल त्यांनी केला.
पुढे बोलताना मोदी आणि अमित शाह यांच्यावर टीका करून मोठं होण्याचा प्रयत्न केला जात असल्याचंही शिंदे म्हणाले. ‘यांना मोदी फोबिया झाला आहे,’ असा टोला लगावत त्यांनी ठाकरेंवर निशाणा साधला.
राजकारण करण्यासाठी अनेक विषय आहेत, मात्र सध्या दुष्काळामुळे शेतकरी अडचणीत आहे. त्यामुळे विरोधकांनी शेतकऱ्यांच्या बांधावर जावं आणि त्यांच्या समस्या जाणून घ्याव्यात, असा सल्लाही शिंदेंनी दिला. महाराष्ट्रातील जनतेला विरोधकांचा खोटारडेपणा कळला असल्याचा दावाही त्यांनी केला.
दरम्यान, आमदार रोहित पवार यांनी VSR विमान कंपनीच्या मालकासंदर्भात गंभीर आरोप करत मुख्यमंत्री देवेंद्र फडणवीस यांच्यावरही प्रश्न उपस्थित केले होते. फडणवीस हे संबंधित कंपनीच्या मालकाला वाचवत असल्याचा आरोप त्यांनी केला होता.
या आरोपांवर प्रतिक्रिया देताना शिंदेंनी फोटोचा मुद्दा उपस्थित केला. ‘एखाद्यासोबत फोटो असणे किंवा एखाद्याच्या लग्नाला जाणे म्हणजे त्याला पाठिंबा दिला असं होतं का?’ असा सवाल त्यांनी केला.
आमच्यासोबत दररोज अनेक जण फोटो काढतात. आरोप करणाऱ्यांसोबतही अनेकांचे फोटो असतील. त्यामुळे पुराव्याशिवाय आरोप करणं योग्य नाही, असं शिंदे म्हणाले.
एकीकडे ठाकरे विरुद्ध शिंदे असा राजकीय सामना रंगला असताना दुसरीकडे VSR प्रकरणावरूनही सत्ताधारी आणि विरोधकांमध्ये संघर्ष सुरू झाला आहे. त्यामुळे आगामी काळात या मुद्द्यांवरून राजकीय वातावरण आणखी तापण्याची शक्यता आहे.
Sanjay Raut Contempt Case: तुम्ही अनुभवी राजकारणी..; संजय राऊतांना सर्वोच्च न्यायालयाचे खडे बोल
Ans: अमित शाह यांनी अजित पवारांच्या पुतळा अनावरण कार्यक्रमात कोरोना काळातील घटनांचा उल्लेख केला होता. त्यावर उद्धव ठाकरेंनी टीका केली. या टीकेला उत्तर देताना एकनाथ शिंदेंनी 2019 मधील सत्तास्थापनेचा मुद्दा उपस्थित करत ठाकरेंवर निशाणा साधला.
Ans: रोहित पवार यांनी VSR विमान कंपनीच्या मालकासंदर्भात गंभीर आरोप केले. तसेच मुख्यमंत्री देवेंद्र फडणवीस संबंधित मालकाला वाचवत असल्याचा दावा केला.
Ans: केवळ एखाद्यासोबत फोटो काढला किंवा त्याच्या लग्नाला उपस्थित राहिलो म्हणजे त्याला पाठिंबा दिला, असा अर्थ होत नाही, असं शिंदे म्हणाले. रोहित पवार पुराव्याशिवाय आरोप करत असल्याचा दावाही त्यांनी केला.






