99 रुपयांच्या या शेअरच्या आयपीओला जबरदस्त प्रतिसाद; 31 वर्ष जुनी आहे कंपनी; वाचा… सविस्तर!

ख्याती ग्लोबल व्हेंचर्स या कंपनीने आपला आयपीओ शुक्रवारी (ता.५) लाँन्च केला आहे. हा आयपीओ सब्सक्रिप्शनसाठी खुला करण्यात आला असून, त्यास पहिल्याच दिवशी जवळपास तीन पट सब्सक्रिप्शन मिळाले आहे. हा आयपीओ सबस्क्रिप्शनसाठी ८ ऑक्टोबर रोजी बंद होणार आहे.

सध्या शेअर बाजारात आयपीओंचा पूर आला आहे. एकामागोमाग एक आयपीओ शेअर बाजारात दाखल होत आहे. अशातच आता ख्याती ग्लोबल व्हेंचर्स या आणखी एका कंपनीने आपला आयपीओ लाँन्च केला आहे. शुक्रवारी (ता.५) हा आयपीओ सब्सक्रिप्शनसाठी खुला करण्यात आला. या आयपीओला पहिल्याच दिवशी जवळपास तीन पट सब्सक्रिप्शन मिळाले आहे. दरम्यान, यातील रिटेल हिस्सा ४.०१ पट आणि एनआयआय हिस्सा १.६६ पट बुक झाला आहे. हा आयपीओ सबस्क्रिप्शनसाठी ८ ऑक्टोबर रोजी बंद होणार आहे.

९९ रुपये आहे प्राईस बॅंड
ख्याती ग्लोबल व्हेंचर्सच्या आयपीओसाठी प्रति शेअर प्राइस बँड ९९ रुपये आहे, ज्याची फेस व्हॅल्यू १० रुपये आहे. एका लॉटमध्ये १२०० शेअर्स आहेत. म्हणजेच गुंतवणूकदारांनी कमीत कमी एका लॉटसाठी अर्ज करणे आवश्यक आहे. त्यासाठी गुंतवणूकदारांना १ लाख १८ हजार ८०० रुपयांची व्यवस्था करावी लागणार आहे.
(फोटो सौजन्य – istock)

हे देखील वाचा – ‘या’ कंपनीने ग्रीन हायड्रोजन प्रकल्पासाठी केलीये मोठी डील; गुंतवणूकदारांकडून शेअर्सची चौफेर खरेदी!

३१ वर्ष जुनी कंपनी

१९९३ मध्ये अस्तित्वात आलेली ख्याती ग्लोबल व्हेंचर्स लिमिटेड पूर्वी ख्याती अॅडव्हायझरी सर्व्हिसेस लिमिटेड या नावाने ओळखली जात होती. अन्न आणि बिगर-खाद्य उत्पादने, घरगुती वस्तूंसह विविध एफएमसीजी वस्तूंची निर्यात आणि रिपॅकेजिंगवर कंपनी लक्ष केंद्रित करते. याव्यतिरिक्त, कंपनी फार्मास्युटिकल उत्पादनांच्या व्यवसायातही गुंतलेली आहे.

कंपनीचे अनेक मोठे ग्राहक

एव्हरेस्ट, पार्ले जी, एमडीएच, फॉर्च्यून, आशीर्वाद, गोवर्धन, बालाजी वेफर्स, हल्दीराम, हिमालय, डव्ह, कोलगेट, युनिलिव्हर, गोदरेज हे ख्याती ग्लोबल व्हेंचर्सचे लोकप्रिय ग्राहक आहेत. बिगशेअर सर्व्हिसेस प्रायव्हेट लिमिटेड ही ख्याती ग्लोबल व्हेंचर्सच्या आयपीओची रजिस्ट्रार आहे. दरम्यान, आर्यमन फायनान्शियल सर्व्हिसेस लिमिटेड या इश्यूचे बुक रनिंग लीड मॅनेजर असून आर्यमन कॅपिटल मार्केट्स लिमिटेड ही त्याची मार्केट मेकर आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)