SIP मुळे आले ‘बुरे दिन’ ! 2024 मधील ‘या’ इक्विटी म्युचल फंडने डुबवले गुंतवणूकदारांचे पैसे

म्युचल फंडमधील गुंतवणुकीकडे एक उत्तम पर्याय म्हणून पाहिले जाते. पण आता काही म्युचल फंडने गुंतवणूकदारांना हवालदिल केले आहे. चला याबद्दल जाणून घेऊया.

आज देशातील प्रत्येक सुशिक्षित नागरिक ‘म्युचल फंड सही है’ म्हणत आपल्या गुणवणुकीचा श्री गणेशा म्युचल फंडसोबत करताना दिसतो. कित्येक म्युचल फंडने गुंतवणूकदारांना चांगला परतवा देखील दिला आहे. तसेच अनेक तरुण देखील नोकरी लागल्यानंतर एसआयपी मार्फत विविध म्युचल फंडमध्ये गुंतवणूक करत असतात. पण आता काही म्युचल फंडने गुंतवणूकदारांना निगेटिव्ह रिटर्न दिले आहे.

सिस्टिमॅटिक इन्व्हेस्टमेंट प्लॅन्स (SIPs) हा गुंतवणुकीचा सर्वात सोपा आणि सुरक्षित मार्ग मानला जातो. परंतु, SIP आपल्याला प्रत्येक वेळी केवळ नफाच देईल असे नाही. 2024 मध्ये, अनेक इक्विटी म्युच्युअल फंड होते ज्यांनी त्यांच्या गुंतवणूकदारांना निगेटिव्ह रिटर्न दिला आहे. चला याबद्दल सविस्तर माहिती जाणून घेऊया.

अर्जुन देशपांडे यांनी साजरा केला रतन टाटा यांचा वाढदिवस; आयोजित केले जीवनदायी उपक्रम

गुंतवणूकदारांसाठी हे म्युचल फंड ठरले तापदायक

द इकॉनॉमिक टाइम्सच्या अहवालानुसार, 2024 मध्ये, 425 इक्विटी म्युच्युअल फंडपैकी, 34 फंड होते ज्यांनी त्यांच्या गुंतवणूकदारांना निगेटिव्ह रिटर्न दिला आहे. यापैकी तीन इक्विटी म्युच्युअल फंड आहेत ज्यांनी त्यांच्या गुंतवणूकदारांना डबल डिजिटमध्ये नकारात्मक परतावा दिला आहे.

यातील सर्वात वाईट कामगिरी करणारा फंड म्हणजे Quant PSU Fund, ज्याने -20.28% निगेटिव्ह XIRR (एक्सटेंडेड इंटरनल रेट ऑफ रिटर्न) दिला. सोप्या भाषेत, जर एखाद्याने या एसआयपीमध्ये दरमहा 10,000 रुपयांची एसआयपी केली असेल, तर यावेळी गुंतवणुकीचे सध्याचे मूल्य 90,763 रुपये इतके कमी झाले आहे. तर, जर आपण एका वर्षातील गुंतवणुकीबद्दल बोललो तर ते रु. 120,000 होईल.

Quant ELSS Tax Saver Fund या यादीत दुसऱ्या स्थानावर आहे. त्याने आपल्या गुंतवणूकदारांना -11.88% XIRR परतावा दिला. यानंतर आदित्य बिर्ला SL PSU इक्विटी फंडाने आपल्या गुंतवणूकदारांना -11.13% परतावा दिला. याचा अर्थ, जर तुम्ही या SIP मध्ये पैसे गुंतवले असतील तर वर्षाच्या शेवटी तुमचे पैसे वाढण्याऐवजी कमी झाले आहेत.

Year Ender 2024: 21 टक्क्याने महागली घरं, 7 शहरांचे आकडे पाहून येईल भोवळ; महागाईने फिरेल डोकं

या फंडने सुद्धा दिला गुंतवणूकदारांना धोका

Quant Mutual Fund च्या इतर फंडांमुळेही गुंतवणूकदारांचे नुकसान झाले.

• क्वांट कन्झम्पशन फंड: -9.66%
• क्वांट क्वांटमेंटल फंड: -9.61%
• क्वांट फ्लेक्सी कॅप फंड: -8.36%
• क्वांट बीएफएसआय फंड: -7.72%
• क्वांट अ‍ॅक्टिव्ह फंड: -7.43%
• क्वांट फोकस्ड फंड: -6.39%
• क्वांट मिड कॅप फंड: -5.34%
• क्वांट लार्ज आणि मिड कॅप फंड: -4.54%

PSU फंडची काय स्थिती

PSU फंडांनीही गुंतवणूकदारांची निराशा केली आहे. चला याच्या रिटर्न्सबद्दल जाणून घेऊया.

• ICICI Pru PSU इक्विटी फंड: -0.86%
• SBI PSU फंड: -0.67%
• क्वांट बिझनेस सायकल फंड: -0.66%
• बडोदा बीएनपी परिबा व्हॅल्यू फंड: -0.62%

गुंतवणूकदारांसाठी वाईट ठरला 2024

जानेवारी 2024 ते 24 डिसेंबर 2024 दरम्यान सर्व इक्विटी म्युच्युअल फंडांच्या SIP परफॉर्मन्स रिपोर्ट मिळाला आहे. या अहवालातील डेटा दर्शवितो की बाजारातील अनिश्चितता आणि सेक्टोरल चढउतारांमुळे SIP गुंतवणूकदारांना 2024 मध्ये आव्हानात्मक काळाचा सामना करावा लागला. परंतु, तज्ञांचे मत आहे की जर तुम्ही लॉंग टर्म गुंतवणूकदार असाल तर तुम्हाला घाबरण्याची गरज नाही.