आता 10 मिनिटांत रुग्णवाहिकेची सुविधा मिळणार; ‘ही’ कंपनी देशभरात पुरवणार सुविधा!

देशभरातील क्विस कॉमर्स कंपन्या केवळ 10 मिनिटांत तुमच्या घरी किराणा सामान पोहोचवत होत्या. परंतु, कोणतीही अनुचित घटना घडल्यास १० मिनिटांत तुमच्या घरी रुग्णवाहिका उपलब्ध होणार आहे.

आतापर्यंत देशभरातील क्विस कॉमर्स कंपन्या केवळ 10 मिनिटांत तुमच्या घरी किराणा सामान पोहोचवत होत्या. परंतु, कोणतीही अनुचित घटना घडल्यास १० मिनिटांत तुमच्या घरी रुग्णवाहिका उपलब्ध होणार आहे. झोमॅटोची क्विक कॉमर्स कंपनी ब्लिंकिटने 10 मिनिटांत रुग्णवाहिका सेवा सुरू केली आहे. ब्लिंकिटने ही सेवा सर्वप्रथम सायबर सिटी गुरुग्राम येथून सुरू केली आहे. तसेच आता देशभरातील रुग्णांना देखील लवकरच याचा मोठा फायदा होणार आहे.

अलबिंदर धिंडसा यांची समाजमाध्यमांवर माहिती

ब्लिंकिटचे सीईओ अलबिंदर धिंडसा यांनी सोशल मीडिया प्लॅटफॉर्म एक्सवर या सेवेच्या लॉन्चिंगची माहिती शेअर करताना सांगितले आहे की, रुग्णांना अडचणीच्या काळात 10 मिनिटांत रुग्णवाहिका उपलब्ध व्हावी, या उद्देशाने तत्पर आणि विश्वासार्ह रुग्णवाहिका सेवा देण्यासाठी आम्ही पहिले पाऊल उचलणार आहोत. त्या दृष्टीने आजपासून पहिल्या पाच रुग्णवाहिका गुरुग्रामच्या रस्त्यांवर सुरु करण्यात येणार आहे. आम्ही ही सेवा इतर क्षेत्रांमध्ये विस्तारित करणार आहोत. हीच बाब लक्षात घेऊन देशभरात लवकरच ब्लिंकिटच्या ॲपवर बेसिक लाइफ सपोर्ट (बीएलएस) रुग्णवाहिका बुक करण्याचा पर्याय दिसू लागणार आहे.

Union Budget 2025 : मध्यमवर्गाला मिळणार दिलासा! जुन्या कर प्रणालीमध्ये 5 लाख रुपयांपर्यंत कोणताही कर नाही

 

See more

Ambulance in 10 minutes.

We are taking our first step towards solving the problem of providing quick and reliable ambulance service in our cities. The first five ambulances will be on the road in Gurugram starting today. As we expand the service to more areas, you will start… pic.twitter.com/N8i9KJfq4z

— Albinder Dhindsa (@albinder) January 2, 2025

रुग्णवाहिका सर्व सुविधांनी सज्ज असणार

अल्बिंदर धिंडसा यांनी आपल्या पोस्टमध्ये रुग्णवाहिकेबद्दल माहिती देताना सांगितले आहे की, आमची रुग्णवाहिका आवश्यक जीवनरक्षक उपकरणांनी सुसज्ज आहे. ज्यात ऑक्सिजन सिलेंडर, एईडी (ऑटोमेटेड एक्सटर्नल डिफिब्रिलेटर), स्ट्रेचर, मॉनिटर, सक्शन मशीन आणि आवश्यक आपत्कालीन औषधे आणि इंजेक्शन यांचा समावेश आहे. प्रत्येक रुग्णवाहिकेत एक पॅरामेडिक, एक सहाय्यक आणि एक प्रशिक्षित ड्रायव्हर असेल. जेणे करून आम्ही गरजेच्या वेळी उच्च दर्जाची सेवा देऊ शकतो.
(फोटो सौजन्य – सोशल मीडीया)

आयकरदात्यांसाठी नवीन वर्षात खुशखबर; रिटर्न दाखल करण्याची मुदत वाढली!

इतर शहरांमध्ये होणार सेवेचा विस्तार

अल्बिंदर धिंडसा पुढे बोलताना म्हणाले आहे की, आमचा उद्देश नफा कमावणे नाही. आम्ही ग्राहकांना ही सेवा अतिशय वाजवी दरात देऊ केली आहे. तात्काळ आरोग्य सुविधा या दीर्घकालीन गंभीर समस्येचे निराकरण करण्यासाठी कंपनी गुंतवणूक करणार आहे. त्यांनी सांगितले की, आम्ही ही सेवा काळजीपूर्वक पुढे नेत आहोत. कारण ती आमच्यासाठी महत्त्वाची आणि नवीन आहे. अल्बिंदर धिंडसा म्हणाले आहे की, येत्या दोन वर्षांत सर्व प्रमुख शहरांमध्ये त्याचा विस्तार करण्याचे आमचे उद्दिष्ट आहे. नागरिकांना रुग्णवाहिकेला रस्ता देण्याचे आवाहन करून ते म्हणाले की, तुम्ही कधी कुणाचा जीव वाचवू शकतात, हे कळत नाही.