GST दराच्या बदलानंतर दुधाच्या किमती कमी होणार का (फोटो सौजन्य - सोशल मीडिया)
गुजरात सहकारी दूध विपणन महासंघ (GCMMF) चे व्यवस्थापकीय संचालक जयेन मेहता यांनी वृत्तसंस्थेशी बोलताना सांगितले की, “ताज्या पाऊच दुधाच्या किमतीत कोणताही बदल प्रस्तावित नाही. कारण त्यावर कधीही जीएसटी लावण्यात आला नाही. ते नेहमीच शून्य टक्के कराच्या कक्षेत राहिले आहे.”
Stock Market Today: ट्रेडिंगपूर्वी जाणून घ्या कोणत्या शेअर्सवर होणार परिणाम, आजचा बाजार कसा असणार
फक्त UTH दूध स्वस्त होईल
हे विधान अशा वेळी आले आहे जेव्हा काही माध्यमांमध्ये असा दावा करण्यात आला होता की पॅकेज्ड वा पाऊच दूध प्रति लिटर ३ ते ४ रुपयांनी स्वस्त होऊ शकते. सध्या मेहता यांनी हे वृत्त खोटे असल्याचे म्हटले आहे. त्यांनी स्पष्ट केले की फक्त लाँंग लाईफ UTH (UTH- अल्ट्रा हाय टेम्परेचर प्रोसेसिंग) दूध स्वस्त होईल. आतापर्यंत त्यावर ५% जीएसटी आकारला जात होता, जो आता २२ सप्टेंबरपासून पूर्णपणे रद्द केला जाईल.
अर्थमंत्र्यांनी GST सुधारणांची घोषणा केली
३ सप्टेंबर रोजी अर्थमंत्री निर्मला सीतारमण यांनी GST कौन्सिलच्या बैठकीत जीएसटी दर सुधारणांची घोषणा केली. त्याचे वर्णन ‘पुढील पिढीतील GST सुधारणा’ असे करण्यात आले. ५६ व्या जीएसटी कौन्सिलच्या बैठकीत १२% आणि २८% स्लॅब एकत्र करून फक्त ५% आणि १८% असे दोन दर करण्यात आले.
अमूल आणि मदर डेअरीसारख्या दूध सहकारी संस्थांनी या निर्णयाचे स्वागत केले आहे. त्यांनी म्हटले आहे की पनीर, चीज, तूप, बटर, पेये आणि आईस्क्रीम यासारख्या उत्पादनांवरील कर कमी केल्याने वापर वाढेल आणि शेतकऱ्यांना थेट फायदा होईल.
Adani Power वर मोहन यादव सरकारने दाखवला विश्वास, रू 21,000 कोटीचे दिले कंत्राट
जयेन मेहताने मानले आभार
सरकारचे आभार मानताना जयेन मेहता म्हणाले, “हे पाऊल गुजरातमधील ३६ लाख शेतकरी कुटुंबांसाठी आणि देशभरातील १० कोटी दुग्ध उत्पादक शेतकऱ्यांसाठी एक मोठा दिलासा देणारा उपाय आहे.” त्याच वेळी, उद्योगाचा असा विश्वास आहे की या सुधारणांमुळे ग्राहकांना दिलासा मिळेल, शेतकऱ्यांचे उत्पन्न वाढेल आणि दुग्ध क्षेत्रात नवीन संधी उपलब्ध होतील.
.png "Videos"){kind=small}
