Paytm Wallet Returns : पेटीएम युजर्ससाठी खूशखबर! आरबीआयची मोठी मंजुरी, आता पुन्हा परत येणार ‘पेटीएम वॉलेट’

Paytm Wallet Returns : डिजिटल पेमेंट क्षेत्रातील अग्रगण्य कंपनी असलेल्या Paytm च्या ग्राहकांसाठी एक अत्यंत आनंदाची बातमी समोर आली आहे. RBI ने पेटीएमला मोठी मंजुरी दिली असून, यामुळे लवकरच पेटीएम वॉलेट सेवा पुन्हा एकदा पूर्ववत सुरू होण्याचा मार्ग मोकळा झाला आहे.

• पेटीएम युजर्ससाठी खूशखबर!
• आरबीआयची मोठी मंजुरी
• आता पुन्हा परत येणार ‘पेटीएम वॉलेट’

Paytm Wallet Returns : आजकाल लोकं डिजिटल युगाकडे मोठ्या प्रमाणावर वळत आहेत. ऑनलाईन पेमेंटचा ओघ बराच वाढला आहे. जेव्हापासून ऑनलाईन पेमेंट सुरु झालं तेव्हापासून लोकांनी रोख रक्कम बाळगणंच कमी केलं आहे. अशा परिस्थितीमध्ये जर तु्म्ही वापरत असलेल्या पेमेंट वापरावरच बंदी आली तर ? अशीच काहीशी परिस्थिती पेटीएम वॉलेट वापरणाऱ्यांना अनुभवावी लागली आहे. मात्र आता त्यांच्यासाठी अत्यंत महत्त्वाची बातमी समोर येत आहे. ( Paytm Wallet Returns ) 

Gokul Milk Price Hike: अमूल-मदर डेअरीनंतर आता गोकुळ दूधही महागणार; दरात २ रुपयांची वाढ होणार?

दरम्यान, पेटीएमबाबत आरबीआय म्हणजेच रिझर्व्ह बँक ऑफ इंडियाकडून एक मोठे अपडेट समोर आले आहे, ज्यामुळे कंपनीची वॉलेट सेवा पुन्हा सुरू होण्याच्या आशा वाढल्या आहेत. आरबीआयने पेटीएमच्या उपकंपनीला डिजिटल वॉलेटसारख्या सेवा पुन्हा सुरू करण्यासाठी प्राथमिक मान्यता दिली आहे. त्यामुळे पेटीएम वॉलेट युजर्ससाठी ही बातमी फारच आनंद देणारी ठरणार आहे.

कधी मिळाली मंजुरी?

पेटीएमची मूळ कंपनी, वन९७ कम्युनिकेशन्स या कंपनीने शेअर बाजाराला स्पष्ट केलं आहे की, RBI ने त्यांची उपकंपनी, पेटीएम पेमेंट्स सर्व्हिसेस लिमिटेड म्हणजेच PPSL ला प्राथमिक मंजुरी दिली आहे. ही मंजुरी आज, १३ नोव्हेंबर रोजी देण्यात आली.

पेटीएम वॉलेट पुन्हा सुरू होईल का?

महत्त्वाची गोष्ट म्हणजे, आरबीआयकडून प्राथमिक मंजुरी मिळाल्यानंतर लोकांना वाटू शकते की पेटीएम वॉलेट सेवा लगेचच सुरू होईल. पण प्रत्यक्षात तसे नाही. आरबीआयकडून प्राथमिक मंजुरी मिळाल्याचा अर्थ असा नाही की पेटीएम वॉलेट सेवा लगेचच सुरू होईल. वॉलेट सेवा पुन्हा सुरू करण्यासाठी कंपनीला आरबीआयकडून अंतिम मंजुरी मिळवावी लागेल.

नियमांचं करावं लागेल काटेकोर पालन

होय, हे खरे आहे की आरबीआयकडून प्राथमिक मंजुरी मिळाल्यानंतर कंपनी डिजिटल वॉलेटसारख्या सेवा देण्यास पुढे जाऊ शकते. पण, आरबीआयच्या ऑगस्ट २०२१ च्या नियमांचे आणि त्यात केलेल्या कोणत्याही बदलांचे पालन करणे महत्त्वाचे आहे.

आरबीआयकडून अंतिम मंजुरी आवश्यक असेल. महत्त्वाची गोष्ट म्हणजे, कंपनीला आता आरबीआयकडून ‘अधिकृतता प्रमाणपत्र’ नावाची दुसरी मंजुरी मिळवावी लागेल. ही अंतिम मंजुरी मिळाल्यानंतर, कंपनी ग्राहकांना वॉलेट सेवा देऊ शकेल.

पेटीएम वापरकर्त्यांनो हे पण लक्षात ठेवा

पेटीएम वापरकर्त्यांनी वॉलेट सेवा पुन्हा सुरू होण्याची प्रतीक्षा करावी. कंपनीला आरबीआयकडून प्राथमिक मंजुरी मिळाली आहे, परंतु अंतिम मंजुरी अद्याप प्रलंबित आहे. कंपनीकडून येणाऱ्या अधिकृत माहितीवर लक्ष ठेवा; तोपर्यंत, तुम्ही पेमेंटचे इतर पर्याय वापरू शकता.

Inflation: ऑक्टोबरमध्ये किरकोळ महागाई 6% टक्क्यांच्या पार, सामन्यांच्या तोंडाला फेस