Ration Card Biometric : रेशन दुकानात अंगठा लावण्याची झंझट संपणार! सरकारचा मोठा निर्णय; ‘या’ सोप्या पद्धतीने मिळणार धान्य

Ration Card Biometric : रेशन दुकानात स्वस्त धान्य घेताना अंगठ्याचे ठसे न जुळल्याने होणाऱ्या त्रासापासून रेशनधारकांना लवकरच मोठा दिलासा मिळणार आहे. ज्येष्ठ नागरिक, शारीरिक कामगार आणि महिलांच्या बायोमेट्रिक समस्येवर तोडगा काढण्यासाठी सरकारने नवीन पर्यायी मार्ग उपलब्ध करून देण्याचा निर्णय घेतला आहे.

• रेशन दुकानात अंगठा लावण्याची झंझट संपणार!
• सरकारचा मोठा निर्णय
• ‘या’ सोप्या पद्धतीने मिळणार धान्य

Ration Card Biometric : रेशन दुकानात आपल्याला सरकारकडून आलेलं मोफत धान्य वाटप केलं जातं. पूर्वी हे धान्य वाटप फक्त नावावरुन केलं जायचं पण आता वाढत्या तंत्रज्ञानाच्या काळात त्यामध्येही बदल करण्यात आले आहेत. बोटांच्या बायोमॅट्रिक जुळवून धान्याचं वाटप केलं जात होतं. पण यामध्येदेखील अडचणी यायला लागले. कधीकधी बोटाचे ठसे जुळायचे नाहीत तर वयस्कर माणसांचे तर बोटाचे ठसेच फुसट झाल्या करणांमुळे ते उमटायचेच नाही. या सगळ्या अडचणींमुळे धान्य मिळणं कठीण होत होतं. मात्र आता या सगळ्या परिस्थितीवर सरकारने एक उपाय शोधून काढला आहे. त्यामुळे आता यापुढे रेशन दुकानात अंगठा लावण्याची झंझट संपणार आहे. नेमका काय आहे हा निर्णय आणि ही पद्धत आणखी सोपी कशी होणार आहे? ( Ration Card Biometric )

Lilavati Hospital Robotic O-Arm: लीलावती हॉस्पिटलमध्ये स्पाईन सर्जरीचा नवा अध्याय! AI-सक्षम रोबोटिक O-Arm तंत्रज्ञानाची एन्ट्री

सरकारने बायोमॅट्रिकसह आणखी एक गोष्ट पर्याय म्हणून आणली आहे. त्यामुळे आता सामान्यांना बोटांच्या ठशांबाबत होणारी अडचण त्यामुळे दूर होणार आहे. UIDAI ने २९ सप्टेंबर २०२६ रोजी e-PDS साठी चेहरा प्रमाणीकरण सुरू केले आहे. ही प्रणाली १ ऑक्टोबर २०२६ पासून लागू केली आहे. त्यामुळे आता ज्यांचे बोटांचे ठसे मशीनद्वारे योग्यरित्या नोंदवले जात नाहीत, त्यांना दिलासा मिळणार आहे.

बोटांचे ठेस जुळले नाहीत तर चेहरा पर्याय

सध्या, लाभार्थ्यांना ओळखण्यासाठी शिधावाटप दुकानांमध्ये e-POS मशीनद्वारे आधार-आधारित बायोमेट्रिक पडताळणी केली जाते. यामध्ये सामान्यतः बोटांच्या ठशांची ओळख पटवली जाते. कधीकधी, मशीनद्वारे बोटांचे ठसे योग्यरित्या घेतले न गेल्यामुळे पडताळणी पूर्ण होत नव्हती. पण आता नवीन प्रणालीनुसार अशा परिस्थितीत चेहरा पडताळणीचा पर्याय ठरणार आहे. मशीन किंवा संबंधित प्रणाली लाभार्थ्याच्या चेहऱ्याची पडताळणी करेल. UIDAI नुसार, चेहरा पडताळणी ही ओळख पटवण्याची एक संपर्करहित आणि संमती-आधारित पद्धत आहे. पण, याचा अर्थ असा नाही की शिधा मिळवण्यासाठी बोटांच्या ठशांची गरज पूर्णपणे नाहीशी होईल. चेहरा पडताळणी एक अतिरिक्त ओळख पर्याय म्हणून जोडली जात आहे.

वृद्ध आणि मजुरांना यामुळे दिलासा

अनेक लोकांना बोटांचे ठसे न जुळण्याच्या समस्येचा सामना करावा लागतो. विशेषतः वृद्धांचे बोटांचे ठसे अनेकदा मशीनद्वारे योग्यरित्या वाचले जात नाहीत. याशिवाय, जे लोक सतत किंवा हाताने काम करतात त्यांनाही त्यांच्या बोटांच्या ठशांबाबत समस्या येऊ शकतात. अशा परिस्थितीत, शिधा घेताना पुन्हा पडताळणी करण्याची आवश्यकता भासू शकते. चेहरा ओळख प्रणालीची उपलब्धता या लाभार्थ्यांना दिलासा देऊ शकते. पण ही सुविधा केवळ तेव्हाच उपलब्ध होईल, जेव्हा संबंधित शिधावाटप दुकानातील e-POS मशीन आणि e-PDS प्रणालीमध्ये चेहरा ओळख प्रणाली उपलब्ध असेल. प्रत्येक दुकानात याची एकाच वेळी अंमलबजावणी होईलच असे नाही.

नवीन प्रणाली १ ऑक्टोबरपासून सुरू

e-PDSमध्ये चेहरा ओळख प्रणाली समाविष्ट करण्याची प्रक्रिया १ ऑक्टोबर, २०२६ पासून सुरू केली जात आहे. UIDAI ने शिधावाटप प्रणालीमध्ये ओळखीची एक अतिरिक्त पद्धत म्हणून याचा परिचय करून दिला आहे. ही सुविधा राज्ये आणि केंद्रशासित प्रदेशांच्या e-PDS प्रणालींमध्ये समाकलित केली जाऊ शकते.

DA Hike : अरे वाह… DA मध्ये थेट 5% वाढ! म्हणजे आता पगार वाढणार; सणासुदीच्या काळात सरकारी कर्मचाऱ्यांना मोठं गिफ्ट