धोनीच्या सन्मानासाठी आरबीआय काढणार 7 रुपयांचे नाणे? वाचा… काय आहे व्हायरल दाव्याची सत्यता!

देशातील बॅंकांची शिखर बॅंक असलेल्या रिझर्व्ह बॅंक ऑफ इंडियाकडून धोनीचा लकी नंबर असलेल्या ७ रुपयांचे नाणे चलनात आणले जाणार आहे. पीआयबी फॅक्ट चेकने याबाबतच्या व्हायरल पोस्टची दखल घेतली आहे.

महेंद्र सिंह धोनीच्या चाहत्यांची मोठी संख्या लक्षात घेता, सध्या सोशल मीडीयावर एक पोस्ट मोठ्या प्रमाणात व्हायरल होत आहे. विशेष म्हणजे माहीच्या या पोस्टची चाहत्यांमध्ये विशेष चर्चा देखील आहे. प्रामुख्याने धोनीचा सम्मान करण्यासाठी देशातील बॅंकांची शिखर बॅंक असलेल्या रिझर्व्ह बॅंक ऑफ इंडियाकडून धोनीचा लकी नंबर असलेल्या ७ रुपयांचे नाणे चलनात आणले जाणार आहे. याबाबत समाजमाध्यमावर एक पोस्ट व्हायरल होत आहे. महेंद्रसिंग धोनीच्या क्रिकेट क्षेत्रातील महान कार्याचा गौरव म्हणून हे ७ रुपयांचे नवीन नाणे जारी केले जाणार असल्याबाबतची पोस्ट सोशल मीडियावर फिरत आहे.

हे देखील वाचा – कंपनी 1 शेअरवर देणार 2 मोफत शेअर्स; तरीही गुंतवणूकदारांनी लावलाय शेअर्स विक्रीचा सपाटा!

पीआयबी फॅक्ट चेकने व्हायरल पोस्टची दखल

पीआयबी फॅक्ट चेकने या व्हायरल पोस्टमध्ये केलेल्या दाव्याची सत्यता सांगितली आहे की, असे कोणतेही नाणे आरबीआय जारी करत नाही किंवा आर्थिक व्यवहार विभागाने या संदर्भात कोणतीही पोस्ट केलेली नाही. पीआयबीने तथ्य तपासणीत असे लिहिले आहे की… महेंद्रसिंग धोनीने क्रिकेटच्या क्षेत्रात केलेल्या महान कार्याचा गौरव करण्यासाठी 7 रुपयांचे नवीन नाणे जारी करण्यात येत असल्याचे चित्र सोशल मीडियावर फिरत आहे. या समाजमाध्यमावरील पोस्टमध्ये केलेला दावा पुर्णत खोटा आहे. केंद्र सरकारच्या आर्थिक व्यवहार विभागाने अशी कोणतीही घोषणा केलेली नाही.

हे देखील वाचा – गाड्यांंच्या किंमती कमी होणार? केंद्रिय मंत्री पियुष गोयल यांचा वाहन उद्योगाला मोलाचा सल्ला, वाचा… सविस्तर!

 

See more

An image circulating on social media claims that a new ₹7 coin will be released to honor Mahendra Singh Dhoni for his contributions to Indian Cricket.#PIBFactCheck ✔️ The claim made in the image is #fake. ✔️ The Department of Economic Affairs has made NO such announcement. pic.twitter.com/rgFwmVUPbL — PIB Fact Check (@PIBFactCheck) November 14, 2024

काय म्हटलंय पीआयबीने आपल्या पोस्टमध्ये

खरे तर, केंद्र सरकारच्या अर्थ मंत्रालयाला अशी माहिती मिळाली होती की, यासंदर्भात दिशाभूल करणारा दावा केला जात आहे. त्यामार्फत खोटी माहिती लोकांपर्यंत पोहोचवली जात आहे. अर्थ मंत्रालयाने या संदर्भात तात्काळ कारवाई केली आहे. सोशल मीडिया प्लॅटफॉर्मवर या संदर्भात स्पष्टीकरण देत पोस्ट केले आहे. ही पोस्ट पीआयबी फॅक्ट चेकने पुन्हा पोस्ट केले करत, स्पष्ट केले आहे की भारतीय रिझर्व्ह बँक आणि आर्थिक व्यवहार विभागाने नवीन नाणे जारी करण्याबाबत कोणतीही घोषणा केलेली नाही.