Silver Price: चांदीने तोडले सर्व विक्रम! 2025 मध्ये दर 2 लाखांच्या उंबरठ्यावर 

भारतातील सोने आणि चांदीच्या किमतींनी गेल्या काही वर्षातील सर्वात मोठी वार्षिक कामगिरी नोंदवली असून महिन्याच्या सुरुवातीपर्यंत सोन्याच्या किमती ६६% वाढल्या आहेत. यामध्ये चांदीच्या दराने उसळी मारली आहे. वाचा सविस्तर बातमी

• चांदीचा भाव २ लाखांच्या दिशेने?
• आज चांदी भाव १.९१  लाखांवर
• गेल्या ५ वर्षांत तब्बल १२०% वाढ

 

Silver Price 2025: भारतातील सोने आणि चांदीच्या किमतींनी आधीच सर्वात मोठी वार्षिक कामगिरी नोंदवली आहे. डिसेंबरच्या सुरुवातीपर्यंत सोन्याच्या किमती यावर्षी ६६% वाढल्या आहेत. चांदीच्या किमतींमध्येही ८५% वाढ झाली आहे. २०२५ हे वर्ष सोने आणि चांदीच्या गुंतवणूकदारांसाठी एक उत्तम वर्ष ठरले आहे. यूएस फेडरल रिझर्व्हकडून व्याजदर कपात आणि कमकुवत भारतीय रुपया यामुळे या तेजीला पाठिंबा मिळाला आहे. या बाबतीत चांदीने सोन्यापेक्षा जास्त कामगिरी केली आहे.

या वर्षी चांदी आधीच दुप्पट झाली आहे, सध्या बाजारपेठात चांदी प्रति किलो १९१,१०० रु.च्या वर व्यवहार करत आहे. २०२५ मध्ये चांदी प्रति किलो २ लाखांपर्यंत पोहोचू शकते का यावर गुंतवणूकदारांचे लक्ष आहे. काहींच्या मते, चांदीची तेजी पुढील वर्षीही कायम राहण्याची अपेक्षा आहे. त्यांच्या मते, चांदीची किंमत प्रति किलो २.३ लाखांपर्यंत पोहोचू शकते.

हेही वाचा : IDBI Privatization: आयडीबीआय खाजगीकरणाची जोरदार तयारी सुरू..; भारताच्या बँकिंग क्षेत्रात होणार मोठा बदल?

चॉइस ब्रोकिंगचे कमोडिटी आणि चलन विश्लेषकांचे असे म्हणणे आहे की, दीर्घकाळापासून सुरू असलेल्या ब्रेकआउटनंतर आता चांदी वाढण्याची अपेक्षा आहे. व्यापाऱ्यांनी देखील किंमत कमी झाल्यावर खरेदी करावी. केंद्रीय प्रत्यक्ष कर मंडळाच्या (सीबीडीटी) अहवालातून असे दिसून आले की, गेल्या ५ वर्षांत चांदीच्या किमतीत १२० टक्क्यांनी वाढल्या आहेत. २०२० मध्ये, चांदीची किंमत ५०,००० रु. वरून ५५,००० रु. पर्यंत वाढली होती. त्याच्या किमतीत वाढ होण्याची अनेक कारणे आहेत. यामध्ये वाढलेली औद्योगिक मागणी, आर्थिक अनिश्चिततेमुळे सुरक्षित गुंतवणुकीत वाढ, सरकारी धोरणे आणि जागतिक अर्थव्यवस्थेतील बदल यांचा समावेश आहे.

हेही वाचा : Investment Focus: भारताच्या वाढीला चालना देणाऱ्या ‘या’ फंडमध्ये गुंतवणूक करण्याची सुवर्णसंधी

आज बाजारात सकाळी सोन्याच्या किमतीत वाढ झाली होती. राष्ट्रीय राजधानी दिल्लीत, २४ कॅरेट सोन्याची किंमत प्रति १० ग्रॅम १३०,७४० रुपये झाली. मुंबईत, प्रति १० ग्रॅम १३०५९० रुपये किंमत नोंदवण्यात आली. आंतरराष्ट्रीय बाजारातही सोन्याचे भाव मजबूत आहेत. चांदीची किंमत प्रति किलो १९११०० रुपये आहे. आंतरराष्ट्रीय बाजारात चांदीची स्पॉट किंमत प्रति औंस ५८.४७ डॉलर आहे. देशांतर्गत आणि जागतिक दोन्ही घटक सोने आणि चांदीच्या किमतींवर परिणाम करतात.